مصر موتورز مجتمع السيارات - حاجة غريبة فى العربية

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - حاجة غريبة فى العربية (https://www.masrmotors.com/vb/showthread.php?t=87299)

رد: حاجة غريبة فى العربية

اقتباس:

المشاركة الأصلية كتبت بواسطة محمدصلاح القاضى (المشاركة 678075)

دا كل البنزين اللى احنا بنحطه فيه نسبة مياه اما نتيجه عيوب بالتنكات بتاعت البنزينه او غش من صاحب البنزينه
والقليل منهم محترم

متشكر جدا على المعلومة المهمة

رد: حاجة غريبة فى العربية

مية اية بس يا ناس اللى اصحاب البنازين بيحطوها !!!!!!!!!!المعلومة دى مش صح خالص
ممكن اة التانك يكون فية بارومة وبيدخلة مياة جوفية انما صاحب البنزينة يحط مية ؟؟؟؟؟؟؟؟
بصو انا اعرف اكتر من صاحب بنزينة معرفة شخصية وكمان انا كنت بستلم سولار فى احد المراحل العمرية فى محطة مياة
عربية الوقود بتخرج من مكنها ومعاها البون ومكتوب فية ارتفاع السائل ولما يوصل بالسلامة بجيب المقاس الموجود معاة وبنعلم علية بالطباشير وننزلة ونقيس الارتفاع ونتاكد من ان ارتفاع السائل مظبوط وطبعا غطاء التانك بيكون متبرشم ببرشام ومكنة برشام مخصوصة زى ختام صناديق الانتخاب كدة
يبقى كدة الكمية وصلت من المستودع الى المحطة سليمة ........العامل بيمضى على 10 الاف لتر مثلا وبيسلمهم فلوس بنفس الكمية اللى استلمهم بيها

طب اؤلكم على حاجة
فك العمة بتاعة الكربراتير وهات بخاخة فيها مية وبخ فى الكربراتير من فوق ( معلومة من العلامة CARS ADMIRE ) وشوف اية اللى هايحصل الموتور مش هايتاثر باى حاجة ولا حتى هايبطل
بالنسبة للسؤال المشكلة فى سدد فى بكات الكربراتير

رد: حاجة غريبة فى العربية

اقتباس:

المشاركة الأصلية كتبت بواسطة حمادة ونور (المشاركة 678067)

هو فى بنزين بيبقى عليه مياه

السلام عليكم

معلش احنا عندنا في المنيا في ازمة بنزين فساعات في ناس بتشتري بنزين من السوق السوداء في جراكن فساعات بيغشوه ويحطو مياه انا لا أقصد ان محطة البنزين هيه الي بتغش وتحط ماء SLAM
والله المستعان

رد: حاجة غريبة فى العربية

اقتباس:

المشاركة الأصلية كتبت بواسطة mr_astra (المشاركة 678322)

بس يا ادمير باشا انا مره مونت من بنزينه فى طريق القاهره قبل قليوب والحمد لله ظبطتنى على الاخر كركره وتنتيش وانا راجع من القاهره تخيل راجع فى اد ايه 5 ساعات مش عاوز اقرص على العربيه وبعدين العربيه كانت بتمشى 80 كيلو بالعافيه مع العلم انها كانت 132 يعنى كربراتير مش رشاشات واما روحت فكيت التانك مع انى كانت مفوله ونزلت البنزين فى طبق بلاسيتك كبيير كان كله ميه وطين مش ميه حتى وطبعا سيبت التانك يوم فى الشمس عشان ينشف من الميه تمام وركبته وحطيطت بنزين 80 كنت جايبه من بنزينه محترمه ودورت مقدرش اقولك على كميه السواد اللى كانت طالعه من الشكمان ودا خلانى اغير فلتر البنزين وانضف دورة البنزين كلها وافك الكربراتير وانضفه واغير كل بكاته واظبطة تانى شوف بقا كميه الوقت اللى ضايع بسبب واحد بيبيع بنزين بايظ وبيدمر عربيات الناس المهم المكسب
وبعديت تذكرت ان مكنش فى ولا عربيه واقفه غيرى وكنا فى عز أزمة البنزين فالراجل شكله معروف اوووى ومفضوح على الاخر
ربنا يحفظ الناس كلها من المشكله دى