مصر موتورز مجتمع السيارات - بقالي 3 شهور باسافر الاسماعلية وارجع علشان انقل رخصة ومش عارف، ياريت مساعدة

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

رد: بقالي 3 شهور باسافر الاسماعلية وارجع علشان انقل رخصة ومش عارف، ياريت مساعدة

اقتباس:

المشاركة الأصلية كتبت بواسطة كومندا (المشاركة 671435)

اسواء ما فى مرور جمهورية البطيخ المتحده ان كل ادارة مرورفى محافظه مستقله بذتها يعنى اللى يمشى على ده ميمشيش على ده حتى الثوره خافت تمشى من عندهم لتتمسك ويلبسوها قضية اداب
اه مهوا كل شى جايز

معلش معلش هتتعود تبرز وتزعلق وتبقا واحد تانى خااااااااااالص معاهم غير اللى تعرفه
حسبى الله ونعم الوكيل فى البلد دى بتتفنن ازاى تقرف الناس مش ازاى تريحهم

والله يا استاذ كومندا المرور ده كرهني في ام السواقة لدرجة اني فكرت ابيع العربية اكتر من مرة بس علشان محتاجلها باقول استحمل معلش

رد: بقالي 3 شهور باسافر الاسماعلية وارجع علشان انقل رخصة ومش عارف، ياريت مساعدة

اقتباس:

المشاركة الأصلية كتبت بواسطة samirayad (المشاركة 671505)

هحكيلك انا إللى حصل معايا فى 2007 وأنا لسه جايب السياره

زيرو وبدون لوحات

روحت المرور ومعايا العقد علشان أرخص

وأترفعت بصمة الشاسيه والموتور

والفنى جهز الملف وقالى مبرووووووووووك

قمت أنا حبيت أعمل حدق

وروحت قايله

الله يبارك فيك وسكت على كده

----------------

راح واخد الملف وساكت عليه وراكن الملف ولم يؤشر عليه وسايبنى حوالى ساعتين

وطابور طويل عريض قدامه وأنا واقف

هولع من الغيظ

------------------

بسأل واحد وروحت قايله

هو الزبون ده مش عاوز يخلصنى ليه

دا أنا روحى بأت فى مناخيرى منه من كثرة الإنتظار

راح صاحبى ده

قايلى

ياعم أفهم

بيقولك ألف مبرووووك

يعنى فين الحلاوه .....؟

طبق ورقه بعشرون جنيها وروح أديهاله فى إيده

وقوله

متشكر على زوقك ومباركتك لى على سيارتى الجديده

وبالفعل

وأنا لسه رايحله

راح مأشر على ملفى وقابض العشرون جنيها

وخلصت فى أقل من عشر دقائق

هي البلد مالها بس، انا بدأت افهم ليه ناس بتقدم على هجرة، هي الكوسة موجودة في كل مكان في العالم بس هنا كتيرة بزيادة اوي

رد: بقالي 3 شهور باسافر الاسماعلية وارجع علشان انقل رخصة ومش عارف، ياريت مساعدة

اقتباس:

المشاركة الأصلية كتبت بواسطة galalaldin (المشاركة 671716)

حأحاول افيدك بدون فتاوى...انا عربيتى كانت ملاكى القاهره وملفها اتحرق......قاموا عاملين لها فحص..يعنى رفعوا رقم المتور والشاسيه ببصمتهم.....وعملوا على اساسها ملف جديد....وبعد كده نقلتها اسكندريه.....لو الرخصه ضاعت متهيألى محضر فقد ممكن يكون الحل ثم عمل فحص واستخراج شهاده بيانات...تعمل بيها الملف فى المرور الاصلى اللى اللوحات تابعه ليه....وبعد كده تنقلها عندك.....وفى حالتك لو لقيت حد مضمون ادفعله ...عشان تأخير دفع الضريبه يكلف ثلثها.....وكمان الموظفين بيتعمدوا يكعبلوها ويغلطوا عشان ترجعلهم وتراضيهم....

طب الرخصة معايا لسة، بس منتهية، هل اعمل محضر بفقد شهادة البيانات لمرور حلوان مثلاً ؟؟؟ واوديلهم العربية في مرور الاسماعلية يعملولها فحص من جديد
وياترى مين ابلغه من المرور باني هافحص العربية، المدير مثلاً والا مين ؟؟ لان موظفين الشبابيك اللي بيجددوا الرخصة لسانهم طويل وبحس انهم قاصدين ميعملوش حاجة

رد: بقالي 3 شهور باسافر الاسماعلية وارجع علشان انقل رخصة ومش عارف، ياريت مساعدة

معلش يا جماعة اني باتعبكم، لكن اصلي هافضي نفسي اليومين الجايين وهاقضيها سفر من القاهرة للاسماعلية، فبستفسر عن كل حاجة قبل مااتعب في السفر على الفاضي

رد: بقالي 3 شهور باسافر الاسماعلية وارجع علشان انقل رخصة ومش عارف، ياريت مساعدة

وبرضه باشكر كل واحد رد وارجو لو حد يقدر ساعدني بتحديد خطواتي اكتر من الأعزاء اللي ردوا يحاول يوضحلي علشان اخد خطوة خطوة
اعمل محضر مثلاً في القاهرة بفقد شهادة البيانات
والا اروح لمدير مرور الاسماعلية مثلاً
والا ايه