رد: عايزاغير سير التقسيمه خارج التوكيل " ارجو الأفاده "
 

فيه ميكانيكي نضيف جدا في ش اسكندر ابراهيم بعد تقاطع جمال عبد الناصر وانت رايح علي سكة القطار وبشوف عنده اسبيرانزات ياما رحلة ورنا يسهل ويكرمك وتطلع العربية زي الفل باذن الله

رد: عايزاغير سير التقسيمه خارج التوكيل " ارجو الأفاده "
 

بص يا باشا الحكمه فى تغيير الحاجه فى التوكيل مع دفع تكاليف اغلى شويه هو:انك حناخد فاتورة ضريبية ولا قدر الله حصل حاجه حتمسك فى رقبتهم و مش حتسيبهم غير لما يغيروهالك.هو ده الفكر الأدارى دفع تكاليف اكتر قليلا لاكن فى سبيل تأمين نفسك.وللعلم فى ناس كتير من توكيل اسكندرية فاتحين ورش بره.ومنهم مهندسين كمان.وفيهم و احد صاحبى الأنيخ كمان من ايام الكلية . بس منصحكش مش عشان قلة الصنعه ولا حاجه هو عندهم ورشه كبيره و قدام جدا فى ميكايكا السيارات لاكن ارجع و اقولك عشان الضمان يا بوش

رد: عايزاغير سير التقسيمه خارج التوكيل " ارجو الأفاده "
 

هو ده اللى باكده مع حضرتك ...الضمان .... انا من كام يوم لقيت زراير التكييف التاتش مش شغاله وبالامانه ان كنت لعبت فيهم من فتره وضغت عليهم كذا مره بطريقه مش سليمه المهم مش شغالين روحت التوكيل بع ساعه واحده تم التغيير فى الضمان ولم ادفع مليم واحد طبعا وحده التاتش دى تمنها بره يعدى 700 جنيه يبقى الضمان ارحم بكتيير :w6w200504112257276b

رد: عايزاغير سير التقسيمه خارج التوكيل " ارجو الأفاده "
 

الحمد لله غيرت سير التقسيمه وسير الدينمو خارج التوكيل
وكله تمام والحمد لله
البضاعه: سير جيتس انجليزي بـ 135 ج+ طقم بلي أصلي 350ج + سير دينمو 45ج كوري + 3بليات دينمو كوري 150ج + مصنعيه تركيب 120
الأجمالي :800 ج
البضاعه من التوفيقيه عند واحد اسمه فؤاد في المول الجديد
التركيب عندنا في الأسكندريه عند الحاج سعد أمام مستشفى الحميات ( ناس ميه ميه )
وقت التركيب حوالي 45 دقيقه
انا حبيت انقل التجربه للأفاده
وشكرًا لجميع الزملاء

رد: عايزاغير سير التقسيمه خارج التوكيل " ارجو الأفاده "
 

مبروك يا عم. أعتقد أن أستخدام ميكانيكى خارج التوكيل مش حاجة خطيرة أوى. فى عربيات قديمة وخارج الضمان والتوكيل بيستهبل. يعنى الراجل كان هيدفع 2000 جنية فى الحكاية وكلفته فى الاخر 800 هو الاولى بالفلوس دى.

أهم حاجة ميكانيكى كويس يكون ناس كثيرة شكرت فيه وعمل نفس الشغل كذا مرة.

والاهم قطع غيار نظيفة على الرغم من أن كل قطع الغيار تقريبا مضروبة