مصر موتورز مجتمع السيارات - سمكرة عتبة العربية

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - سمكرة عتبة العربية (https://www.masrmotors.com/vb/showthread.php?t=84496)

رد: سمكرة عتبة العربية

اقتباس:

المشاركة الأصلية كتبت بواسطة reda310 (المشاركة 653356)

بتهيالى الجهاز مش هتلاقيه هنا او صعب حت لو جبته متعرفش هينفع فعلا ولا لا
بالنسبة للتانى انا بس كنت بوريك بيعملو العربية ازاى بالكمبون والبولش حاجة زى كدا بص
http://www.youtube.com/watch?v=J5kNF...eature=related
بيحط معجون ازالة الخدوش(الكمبون) ويعملو بلصاروخ
وبعدين ملمع السيارة (البوليش)تلمع وتبقى فلة ومعظم الخدوش بتروح :Wkiss5:

متشكر يا استاذ رضا
بس ياترى الكمبوند والصاروخ دول موجودين فى مصر ؟؟ وبكام ؟

رد: سمكرة عتبة العربية

اقتباس:

المشاركة الأصلية كتبت بواسطة ابو الشوق كاديلك (المشاركة 653373)

صباح الفل يا نجم وكل سنة وانت طيب الاول
الخدوش والتجريحات ممكن ببنزين وقماشة وتمسح الخدوش هتروح لان البنزين بيسح البوهيه ( مجربها وتمام التمام )وفيه اسبراي بيتباع عند اي حد بتاع اكسسوارات عربيات في حدود 25 جنيه تقريبا

نيجي للعتب ، اصعب حاجة بالنسبة لاي سمكري انه يعالج العتب المطبق
والسمكري هيعمل حل من اتنين
1) يقطع العتب ويسمكره ويركب
2) يملي المكان المطبق معجون ويساويه
وترش بعد كده

(رأيي الشخصي ) العتب متصلحوش سيبه زي ما هوه

مكان سمكري في المنصورة
كان فيه واحد شاطر اوي اوي في المجزر بتتدخله من الشارع الرئيسي مسافة 5 متر بين العماير بس مش فاكر اسمه هسألك علي اسمه واقولك عليه واسعره رخيصة

وانا عند رأيي سيبه زي ما هوه بلاش تصلح :balloons71:

انا عارف يابو الشوق والله ونفسى اسيبو
وبتلكك انا عشان مادفعش فلوس انا عارف :3mla:

بس للاسف مدية شكل غبى اوى للعربية ودة اللى مخلينى متنرفز من امبارح وهطق
وانا اعرف سمكرى كويس جدا الصراحة والدى عندو عربية نيسان صنى اتخبطت من ناحية الباب ودخل لجوة وقولت مستحيل يتظبط والله يابو الشوق رجعت العربية فى نفس اليوم ولا كأنها زيرو انا ذهلت وحتى كنت بلمس مكان الحادثة بأيدى ملقتش اى تدرجات او تشوهات خالص
بس حكاية العتبة دى مقرفة اوى يعنى فية عربيات كتير زى الصنى مافهاش عتبة والحكاية دى بتقرف خصوصا اما يجى حد يركن ومايخدش بالو من حتة بارزة من رصيف زى ماحصل معايا كدة :010105~332:

رد: سمكرة عتبة العربية

اقتباس:

المشاركة الأصلية كتبت بواسطة jojojojojo (المشاركة 653405)

ان شاء الله سهله ومش هتحتاج ترش في سمكري شاطر جدا وبيشتغل بما يرضي الله وبيرد الخبطات في اي منطقه وبيرجعها زي الاول من غير لا رش ولا اي حاجه هوه الراجل ده في المنصوره جديله الشارع اللي قبل امون للادويه في شارع جانبي في الشارع في كل الصنيعيه والسمكري ده هتلاقي مربي دقنه وشاطر جدا وهيرجعلك العربيه زيرو بشرط ان تكون مش واخده معجون اقبل كده يعني تكون فبريكه واهم حاجه متروحش لاي سمكري لازم يكون بيفهم عشان ميلخبطش ولو محتاج اي مساعده راسليني برساله خاصه وانا اديك رقم تليفوني واشرحلك بالتفصيل

مشكور يا استاذ jojojojojo
بس كنت عاوز اسأل حضرتك هو هيفور العتبة يعنى هيقطعها ويسمكرها ولا هيمعجنها ؟؟ ولو عندو طريقة زى طريقة الشفط يبقى كويس اوى وحضرتك تكون وفرت عليا كتير عشان انا مش عاوز لا اقطع ولا امعجن الصراحة
:Wkiss5:

رد: سمكرة عتبة العربية

بص انت عندك احسن واشطر صنايعية في المنصورة والسمكري اللي بتحكي انه عمل عربية والدك ومكانها مكانش باين اصلا مصدقك فيه

بخصوص عربيتك شوف سمكري عنده جهاز شفط لو ملقتش خالص وشكل الخبطة مضايقك اوي
ممكن تركب عتب بسيط علي الابواب اهو يدي منظر للعربية
او تستني لما تلاقي حد عنده الجهاز

تحيااااااااااااااااااااات ي:fun_36_3_16[1]::fun_36_3_16[1]::fun_36_3_16[1]:

رد: سمكرة عتبة العربية

اة والله يابو الشوق مضايقنى اوى وانا قاعد لغاية دلوقت بضرب نفسى بالجزمة :shwt:
وكمان انا سمعت ان جهاز الشفط دة بيكون للاماكن الخفيفة زى السقف والحتت دى بس ماتنفعش مع العتب
طب انا سمعت ان ممكن احط عتبة فايبر على العتبة الاصلية
ياريت حد يقولى هى بكام ؟ والعتبة دى منها الوان يعنى ممكن الاقى نفس لون عربيتى ولا هتكون لون تانى ؟؟
:3_8_14: