رد: اسقط لانسر ولا موتور الاسبرانزا الاستيراد
 

السلام عليكم جميعا
علي فكره ياجماعه انا سالت علي موتور الاسبرانزا عند واحد مضمون بس بيقول انه هيتكلف 6000 جنيه ومصنعيه 500 جنيه ولو عجبه الموتور القديم ممكن يشتريه
انا حاسس انه رقم كبير قوي وسالته علي موتور متسوبيشي قالي انه مينصحنيش بالتعديل

رد: اسقط لانسر ولا موتور الاسبرانزا الاستيراد
 

ياريت ياجماعه لو حد غير موتور الاسبرانزا قبل كده يقولنا تجربته علشان نستفاد ويقولنا غيره فين وبكام

رد: اسقط لانسر ولا موتور الاسبرانزا الاستيراد
 

شوف ياباشا
انا كنت في الحرفيين الاسبوع الماضي
الكل بيركب متسوبشي 2000 سي سي
مشكلته في قطع غياره مش موجوده
قليله
لكن موتور 1600 موجود لكنه ضعيف علي العربيه لان وزنها كبير
تكلفته الاثنين سواء ال 2000 او ال 1600 فعلا حوالي 12000 بالتركيب اناشايف انه مبلغ كبير
موتور الاسبرانزا بيتعمر عادي لكن عايز ميكانيكي نضيف قوي لانه غير مضمون
اما بخصوص الاستيراد مفيش مواتير اسبرانزا استيراد
اللي هايبيع للك هايبيع موتور خلع من عربيه غيرت بلانسر
خد بالك من الحكايه دي علشان ما حدش يضحك عليك
لو انا مكانك
الجديد اللي عرفته ان ممكن يركب عليها موتور تويوتا 1600
وسعره ارخص من الانسر
نصيحه انزل الحرفيين لوحدك وخد لك لفه محترمه فيها واسال علي كل حاجه وشوف انسب حاجه قبل ما تدبس
لانك هاتدقع مبلغ مش قليل

رد: اسقط لانسر ولا موتور الاسبرانزا الاستيراد
 

انا متشكر جدا علي الرد
بس اكيد موضوع التويوتا ده وهل هحتاج تعديل اماكن قواعد ولا زي اللانسر هيركب من غير تعديل وهيبقي سعره كام لو تعرف
وشكرا

رد: اسقط لانسر ولا موتور الاسبرانزا الاستيراد
 

سعره حوالي 6000
لكن موضوع القواعد بصراحه ماعنديش خلفيه بيه
باقول لحضرتك طب لو عملت لهلا طقم شنبر ايه المشكله
بيركب لها شنبر الماني سواق تاكسي عمله لعربيته وماشيه زي الفل