|
رد: أشارات اللوجان كده ليه؟!!
و الله هى مسائلة تعود و برده أمكانيات
العربية حلوة و كمان دلوقتى فى منها الاتوماتيك و عفشه حلوة و تنجيد الكراسى مريح جدا كل حاجه ليها مميزات و عيوب الكمال لله وحده :fun_36_3_13[1]: |
رد: أشارات اللوجان كده ليه؟!!
حاجات صغيرة بس بتحرق الدم يعنى الموضوع كله مش هيكلفهم 400 جنيه مصنعية و خامات و لو فكرت تعمل الكلام ده بنفسك ممكن تخرج من الضمان ده غير انك مش هتشترى عربية زيرو عشان تعدل فيها ده ايه الغتاتة دى :red_face10:
|
رد: أشارات اللوجان كده ليه؟!!
يا خواننا حرام , فرنساوى إيه بس
انا مش عارف ليه هما دماغهم شمال الناس كلها بتعمل العربيات بطريقة وهما بطريقة تانية |
رد: أشارات اللوجان كده ليه؟!!
فعلا معظم العربيات الفرنساوي مختلفة فكريا عن الانواع الاخري يعني موضوع الكلاكس اللي في دراع النور دا مش بدعة ولا حاجة فية عربيات بيجو وموديل حديث فيها نفس الموضوع بس هو فعلا فكرهم ان دا توفير في دفيرة الكهرباء وعدد الزراير اللي في العربية فبيوفر في تمن العربية
لكن العربية عموما ممتازة وامكانياتها عالية جدا وحتة الاختلاف دا في الاخر ببتعود عليه وعلي فكرة حتة ان المرايات مابتتقفلش دا خطا شائع المرايات بتتقفل عادي بس سوستتها ناشفة حبتين وبرضة الموضوع دا عملي جدا عشان وارد ان المرايا تتخبط ومش حتعمل زي العربيات التانية فتتقفل لا حترد تاني وكانها ما اتخبتتش انا بصراحة عجبني الموضوع دا لانها بتتخبط مني كتير وبترد تاني ولما احب اقفلها بتعافي عليها شوية |
رد: أشارات اللوجان كده ليه؟!!
انا كنت بتكلم قبل كده مع واحد من توكيل رينو وشكرلى جدا فى العربيه وقالى والله هتحسها نقله عن لانوس بتاعتك (مع العلم ان بتاعتى لانوس حلوه برده :286: الحمد لله ) ولكن شكر فيها وفى موتورها وعفشتها والصاج بتاعها . فمنجيش بعد مالاساس يكون تمام كده نتكلم فى شويه حاجات (مع احترامى للجميع ) تعتبر مش مقياس لكفاءه وجوده عربيه يعنى .
|
| الساعة الآن 02:44 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017