|
رد: ألف باء ؟ واحد اثنين ؟ ايه ؟ ومنين ؟ وبكام ؟ وازاى
انا ممكن افيدك فى عدد شحن تكييف السيارة
لازك هتحتاج كومبريسور هواء متنقل طبعا ،،وانسب حاجة للموضوع دة هو موتور الثلاجة العادية http://www.crezeman.com/vb/t62400.html انزل الضاهر واسال على ورشة يوسف عبد الفتاح واشترى من عندة موتور ثلاجة 1/6 حصان مستعمل ( سدس حصان) بالمجموعة بتعتة اللى هى الـ اوفر لود+ الريلية ودة لازم منة عشان تعرف تشحن تكييف السيارة ورخيص مش غالى |
رد: ألف باء ؟ واحد اثنين ؟ ايه ؟ ومنين ؟ وبكام ؟ وازاى
السلام عليكم
مبدئيا الشرح النظرى يختلف اختلافا كليا عن العملى , يوجد احتامل وجود بعض المشاكل والتى يجب ان تعرف اسبابها وطرق حلها وهذا ياتى عن طريق الخبرات فى البدايه سوف اشرح لك مكونات دائره التبريد 1- الضاغط ويكون به ثلاثه مواسير واحده طرد وتكون مقاسها 1\4 بوصه واثنى سحب وتكون مقاسها 5\16 بوصه 2- 2 -المكثف ( السربانتينه )وتركب بعد الضاغط فى طرف ماسوره الطرد (1\4 بوصه) 3- الفلتر ويركب فى الطرف الثانى من المكثف 4-الانبوبه الشعريه 5-المبخر طرف يركب به الانبوبه الشعريه والطرف الاخر يركب على احدى مسورتين السحب فى الضاغط 6- بلف الشحن يركب فى الماسوره الثانى الى موجوده فى الضاغط خطوات عمليه الشحن سوف اشرح عمليه الشحن 1- تركيب كل جزء من اجزاء الدائره والتى شرحنا فيما قبل بالترتيب باستعمال بورى اللحام و سلك اللحام ويسمى لحام الفضه ( يجب ان يكن عندك مهاره فى الحام ) عند لحام نحاس مع نحاس يستعمل سلك الفضه وعند لحام نحاس مع حديد يستعمل معه مساعد لحام يسمى الفلكس 2-كده قفلنا الدئره وركبنا كل جزء فى مكانه نعمل عمليه تفريغ للدائره من الهواء (لان الهواء يعمل على سدد الدائره ) عمليه التفريغ عن طريق طرمبه التفريغ او ضاغط اخر. فى البدايه نركب عداد الشحن فى بلف الشحن الى متركب فى الضاغط والطرف الثانى من عداد الشحن يتم تركيبه فى طرمبه التفريغ , نفتح بكره عداد الشحن الى موجود بجانب العداد فنجد ان مؤشر العداد على الصفر ثم نقوم بتشغيل طرمبه التفريغ فنجد ان المؤشر سوف ينزل الى الاسفل ( ضغط بالسالب )الى ان يصل الضغط الى – 30 عند وصول الضغط الى – 30 نقوم بقفل محبس عداد الشحن ثم ثغلق الطرمبه 3- عده خلصنا عمليه التفريغ يجب ترك الداثره لمده 20 دقيقه للتاكد من عدم وجود الى تسريب فى الدائره فنجد ان المؤشر يبقى مكانه ولا يتحرك الى الصفر اذا تحرك فهو دليل انه يوجد تسريب فى الدائره (ويجد معرفه مكانه وله احتمالات كثيره ) 4- اذا تم التاكد من عدم وجود تنفيث يتم خلع الخرطوم الى متركب فى طرمبه التفريغ ثم رفعا الى اعلى ووضع قطرات من سائل يسمى ساوزن وهو لنزع الرطوبه من الدائره 5- نبقى الخرطوم الى اعلى لكى لا يتساقط الساوزن ثم نركب بف شحن الزى يركب بين الخرطوم وانبوبه الفريون 6- تركيب انبوبه الفريون بعد اختيار نوعه حسب نوع المحرك r12 r 134 فىطرف بلف الشحن 7- بعد ربط اسطوانه الفريون نفتح محبس الشحن الى ان يصل الضغط فى العداد الى 70 ثم نقفل المحبس 8- يتم تشغيل الثلاجه فنجد ان الضغط سوف ينخفض تدريجيا ون الممكن ان ينزل تحت الصفر 9- نقوم بفتح محبس الشحن 10 ثوانى لندخل قليل من الفريون داخل الدائره الى ان يصل الضغط الى 10 10- نترك الثلجه تعمل لمده فنجد ان الفريزر بده بعمل صقيع على جوانبه الاربعه بالتدريج 11- نترك الثلاجه الى ان تقوم بالفصل عن طريق الترموستات بعد الفصل نقوم بفك خرطوم الشحن الوتركب فى بلف الشحن الملحوم فى الظاغط وهاكذا نكون قد شحنا الثلاجه طبعا العمليه قد تواجه بعض الصعوبات مثل السدد او التنفيس ولاكن انا اشرح لك العمليه بدون ايه مشاكل ممكن ان تحدث انا تحت امرك فى اوى استفسار او فى اى نقطه مش واضحه |
رد: ألف باء ؟ واحد اثنين ؟ ايه ؟ ومنين ؟ وبكام ؟ وازاى
اقتباس:
أن يكون عندك الشغف ده كله للتعرف على كل شىء وهو ده الصح للإنسان الذى يريد أن يكون فى مأمن عن مخالب الصنايعيه |
رد: ألف باء ؟ واحد اثنين ؟ ايه ؟ ومنين ؟ وبكام ؟ وازاى
اقتباس:
انا ليا بعض الاستفسرات ... 1- انسب نوع فريون للتلجات و ايه انسب فريون مناسب لتكييف السيارات ؟ 2- حضرتك لما شحنت ... شحنت غاز ( انبوبة الفريون معدولة ) ممكن نشحن غاز ؟ ( انبوبة الفريون فى وضع مقلوب ) 3- ايه هو سائل الساوزن ده ؟؟ و بيتباع فين ؟ 4- مكان الشحن .. قبل الكباس و لا بعده ؟ فى جزء الضغط المنخفض و لا المرتفع ؟ و شكرا |
رد: ألف باء ؟ واحد اثنين ؟ ايه ؟ ومنين ؟ وبكام ؟ وازاى
مشكورين على الردود والشروحات الرائعة
وسعيد انى لقيت تعاون كبير منكم انتم ناس جميلة جدا احب لما اتعلم شىء ابدأ بجدول ونظام انا عندى هدفين فى البداية ازاى أشحن - اشحن فريون صح - عربية اوتكييف والثانى ازاى اعالج مشكلة التسرب فى الطريق اهداف ثانية بس نتعلم دول الاول سالت عن الادوات وبصراحة كم المعلومات كبير ومبهر مش عايز اتوه ليه سؤالين ايه الادوات الاساسية الاول للشحن وايه الادوات الاساسية للبحث عن تسريب خلى الادوات الزيادة بعدين لما نتعلم دول الاول ياريت الاعضاء المتطوعين هنا فى المشاركة ربنا يبارك فيهم كلهم يرتبوا لى الادوات الاساسية الاداة ووظيفتها وامتى هستخدمها - وتتجاب منين - وافضل الماركات وسعرها تقريبا فى السوق المصرى بعد كده ندخل على الهدف الاول ازاى نشحن تكييف عربية شغال بس هنسحب الفريون القديم وننضف دورة الفريون ونرجع نشحن فريون الهدف التانى ومعلش انى بتقل عليكم بس عشمان فى جدعنه الاعضاء واعرف عنكم من كلامكم - الكرم والجود- ازاى اكشف التسريب ده الهدف التانى والشرح ياريت يكون تفصيل بدقة لان اى ملحوظة جانبية ممكن تؤثر على التنفيذ دلوقتى بقى انا فى انتظاركم مجهز القلم والورقة زى التلميذ وهروح أطبق عملى ربنا يبارك فيكم |
| الساعة الآن 07:03 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017