رد: معلومات عن الجديد فى فورميلا الاهرام 2012
 

شكرا على الموضوع لكن للاسف المعرض المفروض بالشكل دة يتعمل فى بلد تانية غير مصر
دى معظمها سيارات احلام ومش مهمة كتير بالنسبة للشعب المصرى
المعرض المفروض انه فرصة للتعرف الى اخر الانتاج والموديلات والتسويق للسيارات لموديلات جديدة وجس نبض الشارع وردود الافعال من خلال عرض طرازات جديدة انما مرسيدس وبورش كياييان والله المعرض لوتحت البيت عمرى ما اروحة وايه موضوع سيارات هجينة فعلا معرض عقيم وسخيف ياريت يتلغى احسن

رد: معلومات عن الجديد فى فورميلا الاهرام 2012
 

وزود على كلامك دخول الفرد مش عارف بي 20 ولا 15 ولا 10 جنية العالم دية بتستهبل والدنيا قايمة وقاعدة عليه . لماذا لا ادري . حتى التخفيضات وهمية للأسف في ظل الجمارك المتخلفة والتسيب الامني النتيجة ( معرض فاشل ) :017165~155:

رد: معلومات عن الجديد فى فورميلا الاهرام 2012
 

الاعضاء اللى كانت بتسأل على ثمن التذكرة
هى 20 جنية للدخول
5 جنية للباركنج

رد: معلومات عن الجديد فى فورميلا الاهرام 2012
 

اولاً مش عيب ان اى معرض يبقى لسيارات احلام وسواء كان معرض لسيارات فارهه او كلاسيكية او معدلة كلها محط انظار واهتمام عشاق السيارات والمهتمين بها

بالعكس يعيب المعرض لو كان بيعرض سيارات شعبيه فقط لانه هيفقد خاصية الابهار الازمة فى المعارض كفعل تسويقى والشاهد ان اى معرض سيارات ناجح لازم يحتوى بقدر الامكان على معروضات مبهرة سواء كانت سيارات فارهه او كلاسيكية او معدلة

اما عن التوازن بين المعروضات فعلى حد علمى ان المعرض هيكون فيه توازن جيد وسيارات الفئات الشعبية والمتوسطة لكن مش بالحجم ابداً بتاع المعارض اللى فاتت وده طبيعى جداً لعدة اسباب

1- تعثر البنوك والاقراض وهو ما يؤثر مباشره على مشاركة البنوك بنفسها كعارضين ورعاة او على الشركات والمعارض المدعومة من البنوك

2- انحسار موجة التوكيلات الصينية لسيارات مجهولة وترجيح كفه ماركات محدودة من السيارات الصينية فى مقابل افول وتراجع توكيلات صينية كثيرة كانت حاضرة المشهدة فى السنوات الماضية

3- نتيجة للحالة الاقتصادية العامة وتعباتها على الاسثمارات فى مجال السيارات عموماً نجد احجام مبرر من شركات السيارات على المشاركة فى مثل هذه الاحداث والفعاليات المكلفة مادياً

وفى الواقع ان ال3 اسباب دول كانو كفاية جداً لافشال حدث كبير زى معرض فورميلا الاهرام لكن الله سلم وبجد كلنا المفروض نكون سعداء بده ونشجعة لانه باى حال من الاحوال دافع للاقتصاد والاستثمار وسبب لرزق مئات الاسر فى عشرات الشركات المشاركة فى المعرض

يبقى ليه بقى زعلان انه اتعمل وبتتمنى ميتعملش !!!
وليه كميه الاكتئاب ديه كلها يا هندسة الموضوع ابسط من كده بكتير yesyes

رد: معلومات عن الجديد فى فورميلا الاهرام 2012
 

شكر وتقدير
:pod_of_gold: