مصر موتورز مجتمع السيارات - رائيكم فى غطاء العربية الوتربروف ( البلاستيك)

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - رائيكم فى غطاء العربية الوتربروف ( البلاستيك) (https://www.masrmotors.com/vb/showthread.php?t=81681)

رد: رائيكم فى غطاء العربية الوتربروف ( البلاستيك)

الشمس فى مصر ممكن تاكل العربية نفسها مش الغطا الووتربروف.احسن حاجة الغطا العادى من القماش التقيل و تنساه

رد: رائيكم فى غطاء العربية الوتربروف ( البلاستيك)

اقتباس:

المشاركة الأصلية كتبت بواسطة RAYAN (المشاركة 633359)

ياباشا مش عارف اقولك ايه بس يمكن اللى هقوله يفيد حد تانى غيرك ( غطاء ووتر بروف مبطن بملتون = سكة = مقلب = من ثلاثة الى اربعة اشهر بدون شقوق او تقشير ودة لو ركنت الغطا فى البيت والعربية فى الشارع ) , غطاء للسيارة يعنى حاجة تحميها من الخدوش والاتربة والامطار وخلافه , ولكن الغطاء الووتر بروف عايز حاجة تحميه وبعدين يبقى يحمى العربية , اسف على الاطالة ولكن نصيحة لاى حد ناوى على غطاء معمرررررررررررررر يعنى ممكن يوصل عمره الى اكثر من عشر سنوات وبنفس مقاس السيارة يبقى يخلى باله من الكلام اللى جاى :
غطاء تفصيل ودة بيتفصل من قماش الخيام ( قماش دك تقيل , يفضل اللون الابيض ) صحيح هو غالى حبتين لكن فعلا ثمنه فيه , ولا يشرب مياه ولا يسرب اتربة وقطن فبيحافظ على جسم السيارة ويتغسل فى الغسالة سبعين مرة ولا يكش ولا يقدر يتكلم , ويفضل اللون الابيض لانه افضل فى عزل الحرارة عن باقى الالوان يعنى تشيل الغطاء وتركب العربية تلاقيها تلاجة حتى لو راكن فى الصحراء الغربية , ملحوظة الدك درجات خفيف - وسط - تقيل , كلهم تمام لكن افضلهم الوسط لان الخفيف عمره قصير والتقيل صعب فى لمه من على العربية وفرق السعر بينهم جنيه او اتنين فى المتر .
تقبلوا تحياتى ,,,,,

والواحد يجيب الغطاء دة منين؟ يعنى القماش دة اجيبة منين؟ أنا عاوز استعد من دلوقتى...... ممكن تقولى لى بيتباع فين ومين يفصل له وبكام الغطاء يعنى يكلف كام كله بقماشة وتفصيلة

رد: رائيكم فى غطاء العربية الوتربروف ( البلاستيك)

على حسب العربية , بس عموما اقل سعر هتسمعه 400ج , واحنا بنعمله عندنا بس اكيد هيكون لاعضاء مصر موتورز سعر تانى , مع العلم ان سعر القماش هو اللى غالى 15ج للمتر , واقل عربية بتاخد حوالى 16متر يعنى سعره خامات مش مصنعية مش مصنعية , بس فعلا عمره مش اقل من عشر سنين مع الاستخدام العادى

رد: رائيكم فى غطاء العربية الوتربروف ( البلاستيك)

ازاي قطن ومبيشربش ميه؟؟

رد: رائيكم فى غطاء العربية الوتربروف ( البلاستيك)

اقتباس:

المشاركة الأصلية كتبت بواسطة screamseko (المشاركة 633453)

ازاي قطن ومبيشربش ميه؟؟

ههههههههههههه والله كنت حاسس ان السؤال دة هيتقال , ياباشا دة قطن بس الفتلة بتاعته مش زى التى شيرت القطن يعنى ناعم على جسم العربية بس سميك جدا وتحس انه اكتر من طبقة ولو حطيته فى جردل مياه لفترة طويلة تلاقيه اتشرب المياه انما لو دلقت عليه جردل مياه وهو مفرود على العربية هتلاقى المياه بتتزحلق عليه ( حلوة بتتزحلق دى ) وبعدين احنا شغالين منه بقالنا فترة طويلة جدا وعربيتى وعربيات اصحابى عاملين الغطاء دة وعمرى ما شوفته بيتشرب المياه او بيكش من الغسيل او بيشيط من الشمس او او او , ولو عايز تشوف الخامة دى انا عندى منها فى المعرض شرفنى واعمل عليها التجارب اللى انت عايزها , ونصيحة خالصة لوجه الله اللى عايز يعمل حاجة معمرة يدور على الخامة ولا ينظر الى سعرها لان فعلا الغالى ثمنه فيه , وشكرا ياباشا على السؤال عشان نوضح اكتر للسادة الاعضاء .