مصر موتورز مجتمع السيارات - سؤال لعباقره التكييف والفريون والناس اللي بتحب تشتغل بايدها

مصر موتورز مجتمع السيارات (https://www.masrmotors.com/vb/index.php)

- تكييف السيارة (https://www.masrmotors.com/vb/forumdisplay.php?f=150)

رد: سؤال لعباقره التكييف والفريون والناس اللي بتحب تشتغل بايدها

اقتباس:

المشاركة الأصلية كتبت بواسطة moca_moca (المشاركة 628704)

معلش بس السؤال كان للعباقره مش الناس اللي غاويه تكسر المجاديف وخلاص

حضرتك كدة متبقاش عبقرية تبقى حاجة تانية لما الواحد يجرب فى حاجة المفروض انها صنعة وعلم فنى يدرس بكلية الهندسة والمدارس الفنية ويتطلب خبرة للممارسة علشان الغلطة فيه هتكلفك الاف الجنيهات
وبعدين احنا دورنا النصيحة مش تكسير االمجاديف علشان لما يتحرق الكباس عن طريق الشحن الخطأ متبقاش تزعل وتفتكر ساعتها الناس اللى بتكسر المجاديف ...سلاما

رد: سؤال لعباقره التكييف والفريون والناس اللي بتحب تشتغل بايدها

اقتباس:

المشاركة الأصلية كتبت بواسطة ahmed_eng2001 (المشاركة 628713)

الاخوة الاعضاء عندهم حق فى موضوع كشف مكان التسريب .. علشان متشحنش فريون و يرجع يفضى تانى

اهم مكان الفريون ممكن يفضى منه ... ال اويل سيل الى على عمود الحركة بتاع الكباس .. ده بيتطلب ان حضرتك تفك الكباس و تغير الاويل سيل ده ( ده اكتر مكان متعب علشان جوة الكباس )
تانى مكان متعب السربتينة الداخلية ... علشان ده بياخد غلبة فى الفك و التركيب و كمان المكان ضيق
تالت مكان .. صمامات الشحن نفسها .... ساعات بتنفس و دى لازم تتقطع و يتركب غيرهم و يتلحموا تانى

للأسف انا مش معايا عربية حضرتك كام ممكن افيدك اكتر

ياريت حضرتك تحط الموضوع الى فى المنتدى التانى ده و تكتب انه منقول للافادة العامة

السلام عليكم ، إزيكم ، انا قريت الموضوع وعجبنى اوى وقلت أقول رأيى وعلى إستعداد اننا نتقابل ونشوف الموضوع ده مع بعضينا لأنى معايا عدة كويسة وممكن أساعد وكمان ممكن أصلح التكييف بتاعى بالمرة
المهم عشان نفضى الدايرة من الهوا عاوزين الكباس اللى بيتباع فى شارع زكى فى التوفيقية - عارفين الكباس ده - هو المفروض انه بينفخ الكاوتش
لكن إحنا لو قلبنا السلك اللى داخل له هيشتغل شفط نقوم شافطين الهوا اللى فى الدايرة وبعدين نشحن الفريون
أهم حاجة قبل ده كده نجيب البلف اللى هنوصله من الكباس لدايرة الفريون
قبل ما نرمى الفريون فى الدايرة بنكبس فيها هوا وبالسفنجة بالصابون نكشف على كل مللى فى الدايرة ودى طبعا لازم ميعملهاش واحد لوحدوا لأن العينين سعات بتكدب لازم يكون معاك حد تانى كده يبقى 1+1= 4
انا معاكوا لو تحبوا تعملوا الموضوع ده
تقبلوا مرورى

رد: سؤال لعباقره التكييف والفريون والناس اللي بتحب تشتغل بايدها

يا تونسي انت عاوز تفهمني ان الميكانيكي ولا فني التكييف ده درس تكييف ؟؟؟؟؟؟؟
هشام الجزار : ممكن تفرغ عن طريق مزتزر ثلاجه زي ما واحد صاحبي قالي بس مش عارف هو هيعملها ازاي

رد: سؤال لعباقره التكييف والفريون والناس اللي بتحب تشتغل بايدها

يا سيدى انا اسف مكنش قصدى اكسر مجاديفك انا كنت بفكر معاك و بنبهك لنقطة ان تكشف على التسريب الأول

رد: سؤال لعباقره التكييف والفريون والناس اللي بتحب تشتغل بايدها

اقتباس:

المشاركة الأصلية كتبت بواسطة moca_moca (المشاركة 628849)

ماهو موتور التلاجة زى طرنبة الفاكيوم ممكن تشغلة كبس وشفط
بس تكمل الموضوع عادى لأنى مجربتوش قبل كده، إنما موضوع كباس العربية ده أسهل ( من وجهة نظرى)
عموما لو هتعملوا الموضوع ده انا ممكن اساعد
90 % من الصنايعية مش بيعرفوا يقروا ويكتبوا يبقى هيدرسوا إزاى