رد: ازاى احافظ على علامة الرينو لوجان لانها منظوره ؟واهتم بالعربيه ؟
 

رد: ازاى احافظ على علامة الرينو لوجان لانها منظوره ؟واهتم بالعربيه ؟
 

اولا الف مبروك علي العربيه وربنا يباركلك فيها وتستلمها بالسلامه ان شاء الله اهم حاجه تفحص العربيه كويس وانت بتستلمها وتتاكد من سلامه الدهان وعدم وجود خدوش وفتح وقفل الابواب ووجود الكوريك والاستبن والعده ويكون العداد اقصي حاجه عامل 70 كيلو وتتاكد من من عمل ريموت العربيه والانذار لو فيها والسنتر لوك وتتاكد من التكيف علي كل السرعات وسلامه فتح واغلاق الشنطه والكبوت والانوار والمساحات وطبعا وديه اهم حاجه تتاكد من سلامه الفتيس الاتوماتيك وان يكون سلس وطبعا مفهوش مشاكل عشان يعتبر جديد علي اللوجان اما بخصوص العلامه اللوجان فحاول تركن العربيه في اماكن بعيده عن العيال الصغيره وحاول وانت بتحطها تحت البيت لو مفيش جراج انك تغطيها بغطاء حتي تحميها وان شاء الله ربنا يحفظاهلك من كل سؤء ويفضل تحط العربيه في جراج للحفاظ من السرقات والتجريحات وخلافه واول لما تستلم تظبط كده طقم جلد للصالون وتفرش الدواسه جلد عشان تحافظلك علي العربيه ومتخفش مش بطلع من الضمان والف مبروك

رد: ازاى احافظ على علامة الرينو لوجان لانها منظوره ؟واهتم بالعربيه ؟
 

الف الف مبروك ربنا يبركلك فيها وعقبالى يا رب انا نويت ان شاء الله اجيب رينو بس محتار بين لوجان سيدان ولا لوجان هاتش باك :w6w200504112236376d وعايز اعرف اجيبها من التوكيل احسن ولا من معرض

رد: ازاى احافظ على علامة الرينو لوجان لانها منظوره ؟واهتم بالعربيه ؟
 

الله يبارك فيك اولا الهاتش باك اسمها سانديروا والفرق بنهم فى الاوتماتيك بتاع 3 الف لسانديروا انا بصراحه معرفشى الفرق اوى لانى من الاول مختار السيدان لانحنا عيله لكن اعتقد الهاتش باك شبايبه وشنطتها اصغر

التوكيل مدة الانتظار 4 شهور فى الاوتماتيك و 2 او اكثر فى المانويل عما اعتقد المعارض ممكن تستلم فى اسرع وقت يعنى انا كنت هروح اخد المانويل واستلمها تانى يوم كان الاوتماتيك كان لسه نازل محدش عارف عنه حاجه حجزته واستلمت بعد اسبوع او 10 ايام عما افتكر

التوكيل بتحجز ب 10 الف لمانويل 15 الف لاتوماتيك المعرض بتحجز ب 500 او الف جنيه

التوكيل اكتر امان كلمه واحد لكن المعارض انته وشطارتك لكن لو شاطر تعرف تجيبها ارخص من التوكيل وتاخد امتيزات اكتر وطبعا كل معرض وخدمته وهل هو موزع معتمد ولا مجرد معرض

رد: ازاى احافظ على علامة الرينو لوجان لانها منظوره ؟واهتم بالعربيه ؟
 

الف الف الف شكر على ردك انا شيكت عله كل ده وانا بخلص فيها الحمد لله وماشيه 4 كيلو بس لانها جايه على ترله ومستلمها فى نفس اليوم الخرجت فيه من الميناء الى الموزع الى فرعى مرحتشى فى حته الحمد لله

لكن مامشيتشى بيها طبعا ولا شوفت الجير طبعا فى خوف عام من جير الوجان الاوتماتيك لكن انا متفائل بيه خير وعمتن لما ورقها يخلص واستلمها وارخصها هقولك تقريرى على الجير ان شاء الله وربنا يستر على العلامه وانا باذن لله هعملها جلد كراسى لكن الارضيه خايف من فك الكراسى وكده لميعرفشى يرجعه زي الاول

شاكر ردك واهتمامك