المشاركة الأصلية كتبت بواسطة tamer.koko (المشاركة 612386)

لو هو فعلا بتاع الميجان فللحق فتيس الميجان ليس به اي مشاكل

المشاركة الأصلية كتبت بواسطة rasmy28 (المشاركة 612397)

انا اتفق معاك مليون فى الميه
لان لوجان اوتوماتيك كانت بالنسبالى حلم مكنتش اتوقع انه يتحقق وجاء فى الحظه الحاسمه
انا من اول لحظه معجب بالعربيه لوجن كافضل قيمه سعريه فى وسط عربيات كتير مبالغ فيها وكان عبها الوحيد بالنسبالى انها مانويل ولما قررت انى اتخلى عن حلم الاوتماتيك روحت المعرض علشان اشترى مانويل لقيته بيقولى مانويل ولا اتوماتيك بصتله :pod_of_gold: وحجزتها علطول

ولما روحت واعلونا رسميا انها هتنزل تانى يوم وشوفت الماتور الجبار الشركه قررة تنزله معاها عرفت سعتها
ان رينوا قررة متهزرشى وتاخد مكانتها الحقيقى

ولما فكرت ان قوة الماتور ده هتضيع بين الجير الاوتماتيك والتكيف فوجئت بان الجير ستيب ترونك وده زي مانتم عرفين بيوفر كتير فى جهد العربيه

منكشرشى انى خايف من ان الجير وخصوصا اانه جير مطور ومعقد لكن اطمنت نوعا ما لما عرفت ان الجير والماتوري بيجوا مقفلوين من فرنسا "الله اعلم مدى صحة المعلومه "

وبردك هل معه ماتور الجبار ده والجير الرياضى ده هتقدر لوجان تحافظ على توازنها وثبتها ده سؤال هتجاوبه الايام

لكن المتاكد منه ان لو العربيه دى اتعملها الدعايه الصح وخدمة البيع المتوقعه من افضل توكيل فى مصر معه انتشار وانخفاض قطع الغيار العربيه دى هتسيطر على فئة ال 80 الف وما اقل ويمكن ما اعلى كمان

واخيرا دعواتكم انى استلم فى اقرب وقت لانى منتظرها على احر من الجمر
وتمنياتى
ان تكون العربيه دى على قد ما بنحلم بيها
لتحقق حلم المواطن المصرى فى سياره بسعر معقول ترحمه من المستعمل
ويقد يديها لاخته ولبنته تسوقها بسهوله
تحياتى
محمد رسمي

المشاركة الأصلية كتبت بواسطة الكشفى (المشاركة 612428)

:THUMB_~112::THUMB_~112:: THUMB_~112::THUMB_~112:

المشاركة الأصلية كتبت بواسطة elmahdy29 (المشاركة 612439)

انا عايز اقول حاجه صغيرةانا معايا سانديرو ستيب واي فيها الموتور ال 8 صباببس في حاجه عايز اقولهاالموتور مع التكييف مفهوش مشكله خالص ... وده مجرب كتيرالمشكله في صوت الموتور العالي مالهاش دعوه بنوع الماتور... ده ليه دعوه بالعزل في العربية وده مش متوفر اوي بشكل جيد في اللوجان والسانديرو لان العربيات ديه معموله بشكل اقتصادي فهتلاقي حاجات كتير مش موجوده فيها خاصه بالرفاهييه ومنها موضوع الصوت... وسبب الصوت بتاع الموتور ان الكاتينه جنزير... فطبيعي صوت دوران السير الجنزير على التروس عامل الصوت ده... بخلاف الكاتينه الجلد مالهاش صوتبس الجنزير افضل من ناحية الامان والعمر... كل حاجه زي مانت عارف ليها ميزة وعيبعايز اقولك برضه الماتور اللي نازل مش بتاع اميجان... لا ده بتاع الاسكالا اللي هو اصلا متور نيسان صني... وهو برضه كاتينه جنزير وصوته برضه عالي... اما بالنسبه لفرق القدرة مش هاتحسه كبير اوي لان الفتيس المانوال بيقدر يولد عزم اكبر من الاوتوماتيك... لذلك هاتلاقيها محصله بعضها... ولو بصيت في معدل التسارع هاتلاقي من 0 الى 100 كم في المانيوال بالماتور القديم 8.4 وفي الاتوماتيك ماتور جديد 7.9 ... يعني احنا بنتكلم في فرق نصف ثانيه!!!هو الفرق كنت تحسه لو ان الماتور الجديد نازل مانوال... كان الفرق هايزيد لثانيه كامله او اكتربس مش ده الفرق الضخم يعني... وعلى فكره موضوع الماتور ال8 صباب كان في السكودا الاوكتافيا لحد 2008 تقريبا... بس الفرق في البنزين بيعمل حوالي 20كم صفيحه لان الجديد 2 كامهطبعا انا مش بقول ان ال8 صباب افضل.. لكن عايز اقول ان الفرق مش خرافي زي مانت متوقعلكن الفرق الحقيقي في الاتوماتيك... بصراحه هو ده المطلوب لان الزحمه هنا حاجه تخنق اوي ومبارك عليك مقدما