مصر موتورز مجتمع السيارات - رجّة مش خفيفة مع السحب.

مصر موتورز مجتمع السيارات (https://www.masrmotors.com/vb/index.php)

- عفشة السيارة (https://www.masrmotors.com/vb/forumdisplay.php?f=152)

- - رجّة مش خفيفة مع السحب. (https://www.masrmotors.com/vb/showthread.php?t=77615)

رد: رجّة مش خفيفة مع السحب.

اقتباس:

المشاركة الأصلية كتبت بواسطة samirayad (المشاركة 600791)

من رأييى ترفع السياره فى بنزينه وتخللى عامل البننزينه يشوفلك فيه بوش فى العجل ولا لا

وممكن تعمل إختبار ترصيص للتعرف على حالة بلى العجل بالأكسات

صعب جدا فنيا يا بشمهندس سمير يكاد يكون مستحيل الي حضرتك بتقترحه ده, نظرا لإنعدام خبرتي يا فندم وغير إني لما هروح لحد مش بيفهم هيبعتني على مشكلة أكبر أو عند حدتاني.
إنما لو حضرتك شاكك في التشخيص أنا ممكن أروح لعفشجي تاني يقولي إيه الي بايظ.
----------------------------

لكننى أريدك أيضا أن تطمئن على بطاحات ركب التحميل الأماميه

وارد أوى تلاقى كاوتشة بطاحه أو الإثنين بحتاجه للتغير

والله يا بشمهندس أنا حاسس إنك بتتكلم بالهوريغليفي, :fun_36_1_4[1]: مش فاهم أي مسمى من المسميات دي كلها.

اقتباس:

المشاركة الأصلية كتبت بواسطة samirayad (المشاركة 600798)

الأكسات هى أعمده صغيره على نهايات أعمدة الكبالن ( بعد الكبلن نفسه ) من الجوانب الخارجيه

التى ترتكز على بلى العجل

ووظيفة الكبلن هو توصيل الحركه الدورانيه والمفصليه فى ذات الوقت بين أعمدة الكبالن

والأكسات

طيب معلش حضرتك ممكن كمان تجاوبني على أهم سؤال الله يكرمك.
فيه مشكلة من الإستمرار على الوضع الحالي ولفترة,
أنا طبيعتي في الإستخدام قاسية شوية ياعني فرامل شديدة وساعات ملفات بسرعة وأحيانا بمشي طريق لمدة تزيد عن الساعة ونص بسرعة لا تقل عن 140, غير في بعض الأحيان بوصل لـ 170 أو أعلى قليلا.
فا أنا مش مستعد أصلح العيب ده "لو كان أكسات" دلوقتي ياعني لظروف خاصة.
أولا العفشجي قالي تمنهم جداد عالي ودا غير التركيب.
أعرف واحدة كان معاها بيجو 206 وإتكسر منها الأكس في مرة وهيا على طريق صحراوي وطبعا شافت الويل لحد بس ماعرفت تروح وأنا كل الي خايف منه إني ألاقي العربية رقدت مني على بوزها وأنا في ملف ولا فوق مطب.
على فكرة أنا مش بتاع تخميس ولا قرص والمطباط باخدها بمنتهى الراااحة أنا بس أسلوب سواأتي عصبي لأني معظم الوقت ببقى مستعجل أو متأخر.
بجد بجد أنا شااكر مجهودك يا بشمهندس ومجهود الإخوة الكرام الي بيحاولوا يساعدوا لوجه الله والله والله دي أكتر حاجة بتميز مصر موتورز الجو الودود والحميمية بين الأعضاء.
:loveu::loveu::loveu::lov eu:

رد: رجّة مش خفيفة مع السحب.

اقتباس:

المشاركة الأصلية كتبت بواسطة احمد على 1999 (المشاركة 599721)

هو فعلا تحليل سليم ان الموضوع مش مرتبط بالكاوتش بدليل لما تسيب رجلك من على البنزين الرجة تروح
فهل ممكن يكون مكان القواعد بوش ؟ محتاجة فعلا يتكشف عليها كويس

طيب والله انا مستعد أبوظ عربية كل يوم بس إنتا تنورني بردودك. "طبعا بشرط اني العربية دي تبقى مش بتاعتي"
طيب يا أ.أحمد كدة الموضوع ده إتلغى أو إتشال من الإحتمالات فا أرجو متابعة التفاصيل وإفادتنا مما علمك الله.

اقتباس:

المشاركة الأصلية كتبت بواسطة محمد فيصل (المشاركة 599881)

ما هى اخبار عفشة السيارة من بيضات مقص وجلب مقصات وبيض طرف وجلب المقصات الخلفية
من الممكن ان يكون من قام بتركيب قواعد الموتور لم يتم المهمة على اكمل وجة وهذا مجرد احتمال
متابع معك حتى تقوم بالكشف على العفشة بالكامل

أ.محمد أنا آسف مش عارف أفيدك بأي حاجة من الحاجات دي كلها والله لأني فعلا مش فاهم أي شيء,,,
يا جماعة إستهدوا بالله كدة وحد يفهمني براحة.:fun_36_1_4[1]:

ممكن سؤال؟
هل أنا وإسلوب سواقتي هوا السبب في تلف الآكس ياعني (إذا كان هذا هو العيب) ياعني هل دا بيبوظ من سوؤ الإستخدام ولا ليه عمر إفتراضي؟
العربية على فكرة عاملة حوالي 220 ألف كيلو.

رد: رجّة مش خفيفة مع السحب.

نسيت أقولكوا يا جماع ةالرجة بدئت تزيد وبقت بتظهر على أي سرعة وأي أر بي إم لمجرد إني أدوس بنزين ومابتهداش غير بعد الـ 130 لما آجي أدوس بنزين تاني بلاقيها بش بتترج وطبعا دا إنتحار.
إمبارح سمعت صوت شخللة أو رجرجة خفييييف قوي من تحت ناحية الفردة الأمامية يمين ومستمر مع الحركة سواء فيه رجة أو لأ بس مش عارف أميزه قوي لأنه وااااااطى وصوت الهوا أعلى منه.

رد: رجّة مش خفيفة مع السحب.

اقتباس:

إنما لو حضرتك شاكك في التشخيص أنا ممكن أروح لعفشجي تاني يقولي إيه الي بايظ.

أعتقد ده أسلم حل ليك

بس حاول تنتقى عفشجى يمتاز بالمهاره والأمانه

رد: رجّة مش خفيفة مع السحب.

هل وارد يكون فيه مشكلة فى الفتيس ؟