رد: RPMهيجننى - وانا ماشي علي 40 بيكون rpm علي 3 او 3.5
 

أفهم من كده

أن حساس الهواء عندك تالف .............؟

:shyy:

لو الإجابه ....ب نعم

يبقى ده كلام مش حلو

ولازم تغير الحساس ده قبل أى شىء

رد: RPMهيجننى - وانا ماشي علي 40 بيكون rpm علي 3 او 3.5
 

ياهندسه انت شكلك كدا نسيتنى
منا اول مجبت العربيه قولتلك عل الحولر ده
وجبت بتاع 5 حساسات غيره وجربتهم ونفس المشكله وجبت حساس شغال علي عربيه تانيه وجربته ومشتغلش عندي وحصرنا المشكله تقريبا في ضفيره الحساس ياما الكنترول - بس في الاخر لاقيت 2 صحابي عندهم نفس المشكله وماشيين عادي من غير الحساس شايلين الفيشه بتاعته خالص وعرباتهم زي الفل

بالحق هو لو انا فاصل لمبه التشيك خالص الكمبيوتر بيعرف انى فاصلها ؟
اصل وانا بكشف كمبيوتر اخر مره ادانى 2 عطل واحد حساس الهوا والتانى مش فاكر اسمه بس الراجل قالى دا بتاع لمبه التشيك

رد: RPMهيجننى - وانا ماشي علي 40 بيكون rpm علي 3 او 3.5
 

ههههههههه

أسألتك غريبه الصراحه

وأول مره يمر عليا سؤال زى ده

ولكن نفكر سويا ........

لمبة التشيك دى مجرد لمبة بيان لتعريف قائد المركبه بأن هناك مشكلة ما ( فى حالة إنارتها )

الكمبيوتر بيقفل عليها خط الأرضى ومن هنا بتضىء فى حالة الأعطال

بمعنى أنت ممكن تعرف أنها بتؤدى وظيفتها ولا لا

ولكن الكمبيوتر لا يستطيع تحديد قيامها بوظيفتها مثلك

( تقدر تقول الكمبيوتر مجرد مفتاح لتشغيل تلك اللمبه فى حالة وجود إراده لديه )

وبالتالى هو بيشغلها أو لا يشغلها ( حسب رغبته ) لكنه لايستطيع معرفة

هل هى تعمل أم لا

ماهو أسم حساس الهواء الذى لايعمل عندك

وياريت لو تعمل إسكانر فى مكان تانى للتشييك على كلام الراجل الموضح فى الإقتباس

رد: RPMهيجننى - وانا ماشي علي 40 بيكون rpm علي 3 او 3.5
 

اسم الحساس air flow

وانا فعلا شاكك في الراجل اللي كشفت عنده لانه مكنش عارف اسم العيب التانى ايه بس قالى دا لمبه التشيك ومرداش يورينى الجهاز علشان اقرا اسم العطل

رد: RPMهيجننى - وانا ماشي علي 40 بيكون rpm علي 3 او 3.5
 

لا كده الراجل بيستهبل
انا مع المهندس سمير تماما لازم تروح لحد تانى تعمل سكان عشان نعرف الكود التانى
استاذ عبد الرحمن لو حتعمل سكان بعد يوم 18 لغاية يوم 20 كلمنى لو عرفت اروح معاك لانى زيى ما قولتلك ان شاء الله حبقى فى بورسعيد 01001648489