رد: انحراف السيارة مع الضغط على الفرامل
 

شكرا جزيلا ياميدو على اهتمامك بالمشكلة وأنا سعيد بمشاركتك
بص ياسيدي انا لما بدوس فرامل جامد وعلى سرعة عالية مثلا 80 كم العربية بتلف من ورا في اتجاه اليسار ومن قدام في اتجاه اليمين تمام كده يعني كأن العربية بتعمل دائرة لما تيجي تقف وطبعا الوضع الطبيعي انها تقف في مكانها يارب كده أكون وضحتلك المشكلة .
بالنسبة لاختبار الماستر الرئيسي والفرعي والخراطيم أنا عملت كل ده بنفسي من خلال إني كنت باخد هواء لكل عجلة وأشوف هل هيطلع زيت من مسمار الهواء بتاع العجلة ولا لا وفعلا ال 4 عجلات جابوا زيت فعلشان كده استبعدت ان يكون فيه مشكلة في الماستر الرئيسي او الخراطيم .
وكمان الميكانيكي أكد لي ان الفرامل تمام وقالي ركب كاوتش عريض في الخلف بس طبعا هو بيتفي .
هي ممكن تكون فيه مشكلة في العفشة بس انا عملت شيك اب على العفشة بالكامل .
كده بقى انا عملت كل حاجة ناقص بس اني اغير العربية هههههههههههههه بس الأول اعرف المشكلة وبعدين اغيرها .
تقبل تحياتي ياصديقي

رد: انحراف السيارة مع الضغط على الفرامل
 

بالمرة بقى بصيت على الطنابير

رد: انحراف السيارة مع الضغط على الفرامل
 

رد: انحراف السيارة مع الضغط على الفرامل
 

هو انت ممكن تعمل حاجة بسيطة تعرف منها المشكلة من الفرامل و لا لا انت ممكن تفك التيل الامامى اليمين و الشمال و تشوفهم قد بعض و لا لا و كمان بالمرة تنضفهم كويس ممكن يكون عليهم شحم و لا شوية زيت بيخليها متقفش كويس بس لو اللتنين قد بعض يبقى انت الفرامل يتاعتك تمام و المشكلة دى مش من الفرامل نهائى
و عايز افكرك كمان بحاجة بسيطة اكيد انت جربتها انك تظبط الهوا بتاع العجل كله قد بعضه علشان لو فى عجلة منم اللى قدام نايمة العربية بتحدف نحيتها
و كمان فى حاجة اخيرة مش معنى ان الماستر بيجيب زيت يبقى سليم ممكن يكون بيهرب زيت من جوه فيجيب زيت برضه
فى الاخر طبعا العفشه
انا عارف المشكلة دى غلسة قوى عاعموم ربنا معاك انشاء الله و تحلها

رد: انحراف السيارة مع الضغط على الفرامل
 

شكرا ياميدو على الرد والاضافة بس فعلا الميكانيكي بدل التيل بتاع الفردتين اللي قدام مكان بعض وده فعلا ممكن يكون بسبب عدم تساويهما وده فعلا معناه ان مشكلة في فردة منهم وان سيادته بيثبتني بالنسبة للماستر الرئيسي مش فاهم نقطة انه يجيب زيت ديه بس لو فيه مشكلة في الماستر الرئيسي ده معناه ان الدواسة بتاعت الفرامل ممكن تكون خفيفة لكن العكس الدواسة تمام وقوة الفرامل في العربية تمام بس المشكلة الوحيدة في عدم ثباتها في خط مستقيم اثناء الضغط على الفرامل وانحرافها .
عامة انا شاكر جداً ليك ولآرئك وان شاء الله جاري البحث عن السبب وشكرا للأخوة الكرام اللي مروا على الموضوع