مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

- - BYD F3 Automatic (https://www.masrmotors.com/vb/showthread.php?t=73442)

رد: BYD F3 Automatic

اقتباس:

المشاركة الأصلية كتبت بواسطة Hany Shokry (المشاركة 566683)

انا عامل لحد دلوقتى حوالى 3500 كيلو - بصراحه الفتيس الاتوماتيك ناعم جدا وتقريبا مش بحس بالنقلات بس اللى انا ملاحظه ان الار بى ام بيعلى جدا وصوت الموتور كمان بعد سرعة 100 كيلو

شكرا ياباشا على ردك اعتقد و ليس عن معرفة ان الصوت العالى دة فى السيارات الصينى و دة طبيعى يعنى مش مشكلة فىالماتور

رد: BYD F3 Automatic

اقتباس:

المشاركة الأصلية كتبت بواسطة ehabpopo (المشاركة 566615)

الف مبروك .... وربنا يعطيك خيرها ويكفيك شرها
وما تنساش التقرير وانطباعك عن السيارة ... وياريت بالصور

الله يبارك فيك - انطباعى عن السياره كالاتى
* الموتور قوى والسحب ممتاز بس بعد ما بعدى 100 كيلو صوت الموتور والار بى ام بيعلى بشكل غير عادى
* العفشه متوسطه - مش ناشفه زى النيسان صنى ومش ناعمه زى الالنترا - تقدر تقول بين الاتنين
* الفتيس الاتوماتيك لحد دلوقتى اداءه كويس جدا - بس طبعا الحكم عليه مش دلوقتى خالص
* الفرش من جوه مش فاخر جدا وكذلك التقفيل والتشطيب - الخامات البلاستيكيه طبعا اقل بكتير من العربيات الكورى - بس انا مش ناسى انا دفعت فيها كام و برضو انا بدور على الاداء مش الشكل . وبالتالى انا مش متضايق .
* الدهان على القطع البلاستيكيه زى الاكصدامات والمرايات ضعيف جدا لدرجة انى وانا بغسل العربيه فى البنزينه ضغط الميه اللى خارج من مسدس الغسيل شال جزء من دهان الاكصدام الامامى ( بصراحه انا مستغرب جدا )
* الفرامل كويسه واداءها ممتاز- بس تيل فرامل اليد من نوع ردىء جدا لانى بعد استخدام العربيه لمدة شهر سمعت صوت تصفير فى العجل الخلفى ولما فكيت غطاء الطنبوره عند الميكانيكى لقيت كمية رايش من تيل فرامل اليد - حتى الميكانيكى سألنى انت نسيت فرامل اليد مرفوعه ومشيت بالعربيه - طبعا انا منسيتش لانى قبل ما بطلع بالعربيه لازم اتأكد ان فرامل اليد مش مرفوعه وده اللى خلانى اقول ان تيل فرامل اليد مش كويس
* ان شاء الله قريب هعمل تقرير مصور كامل

رد: BYD F3 Automatic

شكرا لكم جميعا
بارك الله فيكم:THE_PR~18:

رد: BYD F3 Automatic

اقتباس:

المشاركة الأصلية كتبت بواسطة Hany Shokry (المشاركة 566688)

التقسيط مع بنك ناصر بصراحه مريح جدا و ممتاز فى كل حاجه والموظفين هناك متعاونين وصبورين جدا - الفائده 6 % على كل سنه ثابته على اصل المتبقى - ممضيتش على نفسى ولا شيك ولا كمبياله ولا حتى ايصال امانه واحد - المشكله كلها بس انك بتحتاج ضامن يكون شغال فى القطاع الحكومى لو هتدفع 50 % او اكتر من تمن العربيه - او اتنين ضامنين لو هتدفع اقل من 50 % - والضامن بيمضى على جواب من البنك بتحويل المرتب عند الطلب بس ( يعنى لو حضرتك مدفعتش القسط البنك بيطلب تحويل مرتب الضامن )

شكرا جدا لحضرتك بس سؤال بس فى موضوع الفائده دى يعنى هى كده مركبه يعنى مثلا اول سنه الفائده 6 % والتانيه هاتبى 12 % والتالته 18 % وهكذا يعنى لو انت بدقع على 5 سنين تبقى الفايده اخر سنه 30 % ؟؟؟؟

رد: BYD F3 Automatic

اقتباس:

المشاركة الأصلية كتبت بواسطة ماء السماء (المشاركة 567930)

الاخ الفاضل :
قام احد الموظفين بالبنك بالشرح التالى لى وارجو ان اتذكره :
يتم حساب الفائدة سنويا على المتبقى من اصل المبلغ و لتوضيح ذلك نضرب المثال الأتى :
سيارة بمبلغ 100.000 جنيه سيادتك قمت بدفع مبلغ 55.000 جنيه و قمت بتقسيط الباقى على 3 سنوات
مصاريف إدارية 2.5 % = 45.000 * 2.5 % = 1125 جنيه
قيمة القسط فى السنة الأولى = 15.000(45.000 ÷ 3 ) +2700 (45.000 * 6%) =17700 جنيه
قيمة القسط فى السنة الثانية = 15.000(45.000 ÷ 3 ) +1800 (30.000 * 6%) =16800 جنيه
قيمة القسط فى السنة الثالثة = 15.000(45.000 ÷ 3 ) +900 (15.000 * 6% ) = 15900 جنيه
إجمالى قيمة القسط = 1125 + 17700 + 16800 + 15900 = 51525 جنيه
قيمة القسط الشهرى = 51525 ÷ 36 = 1431.25 جنيه و بالطبع قيمة القسط ستقل لو ان التقسيط على عدد سنوات اكثر
الفائدة الإجمالية تكون بمعدل 14.5% من أصل المبلغ

ارجو ان تكون هذه الطريقة واضحة و صحيحة