مصر موتورز مجتمع السيارات - خايفة اوى من السواقة

مصر موتورز مجتمع السيارات (https://www.masrmotors.com/vb/index.php)

- سيارات حواء (https://www.masrmotors.com/vb/forumdisplay.php?f=181)

- - خايفة اوى من السواقة (https://www.masrmotors.com/vb/showthread.php?t=72699)

رد: خايفة اوى من السواقة

اقتباس:

المشاركة الأصلية كتبت بواسطة ام سيف الدين (المشاركة 559125)

السلام عليكم

قولولى يابنات اعمل ايه وانتوا مريتوا بالموقف ده قبل كده واتصرفتوا ازاى
جزاكم الله خيرا

وعليكم السلام ورحمة الله وبركاته
بما إنك سألتي وحددتي إن البنات هن (هم) اللي يقولولك بس،
فأنا مضطر ما أقولكيش :120105~352:.. إنك ماتخافيش وإنزلي وسوقي، طول ما هتخافي مش هتتعلمي..
ومش هقدر أقولك كمان إنك لو التزمتي مبدأ السلامة أولا وجمدتي قلبك في السواقة، إن شاء الله نسبة إنك تخبطي أو تجرحي العربية هتنزل لأقل درجة ممكنة..

وبرضه مستحيل مسسستحييييل إني أقولك توكلي على الله وخلي حد معاك زوجك أو أخوك مثلا وأنت بتسوقي أول كام يوم زي ما أعضاء المنتدي قالولك في المشاركات اللي فاتت

وعشان كده برضه أنا هخبي عليك إن أنت ليك حق في الشارع زي أي حد تاني والمفروض ماتخافيش من إنك تاخدي حقك (أنا علمت أختي السواقه كده ودي كانت الكلمات السحرية)

سامحيني مش هقدر أساعدك..بالتوفيق :ROFL_C~118:

رد: خايفة اوى من السواقة

اقتباس:

المشاركة الأصلية كتبت بواسطة mar mar (المشاركة 559608)

احسن حاجه انك تجمدي قلبك خلي حد جانبك اي حد شغلي الكاسيت علشان ماتركزيش مع الناس اللي هتزمر او تشتم او تعمل اي حاجه
اظبطي مرياتك صح
خليكي هاديه امشي علي مهلك مش لازم تزودي السرعه علي اليمين
مالكيش دعوه باي مكروباص لو زنق عليكي خليه يعدي بلاش ترخمي عليه
ابعدي عن التكسيات
لما تقفي في زحمه خلي بينك وبين العربيه اللي قدامك مسافه كافيه لغلاطاتك
لو فصلت منك مترتبكيش خدي نفس وبكل هدوء حولي توليعيها تاني
لو مين قرفك بالكالكس قوليلوا بس يا واد وسوقي

نصايحي ليكي
الشارع انتي بتتفادي اخطاء الاخرين يعني اعتبري الناس كلها مش بتعرف تسوق
متتاثريش بكلام اقعدوا في بيتكم ومش عارفه ايه
خليكي بررده اوي واتصرفي ببرود
من الاخر كده جمدي قلبك
:THE_PR~18:

نسيتى تقولى اهم حاجة يا مرمر

ما تمشيش وراء سيدة

رد: خايفة اوى من السواقة

جزاكم الله خيرا على الرد
انا فعلا جمدت قلبى امبارح ونزلت بيها وسوقتها مسافة طويلة والحمدلله بس طبعا كان جوزى جمبى بس كان خايف اوى وانا حاولت اقلل توتره شوية
ان شاءالله هحاول انزل بيها يوميا عشان بس اجمد قلبى
بجد ردودكم فرحتنى اوى وطمنت قلبى

رد: خايفة اوى من السواقة

اقتباس:

المشاركة الأصلية كتبت بواسطة ام سيف الدين (المشاركة 559734)

:018A1D~146::018A1D~146:
كل حاجه في اولها صعبه بعد كده هتلاقي الحكايه جامده اوي
وهتوصلي انك تسوقي علي السريع وكمان تعدي اجمدها عربيه :fun_36_3_9[1]:

رد: خايفة اوى من السواقة

السلام عليكم
ايوة كدة برافو عليكى يا اختى العزيزة
و صدقينى كدة بسواقتك لسيارتك بتصونى نفسك و كرامتك من بهدلة المواصلات ربنا يوفقك و شوية شوية هتبقى من احسن السائقين بإذن اللهHPPYBUS
و مش هتعرفى تروحى مشوار بدون السيارة :funny25:
حفظها الله لكى ووقاكى شر الطريق:01FDAB~189: