مصر موتورز مجتمع السيارات - نظره على الأحداث

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - نظره على الأحداث (https://www.masrmotors.com/vb/showthread.php?t=72436)

رد: نظره على الأحداث

اقتباس:

المشاركة الأصلية كتبت بواسطة MmFFoR (المشاركة 556263)

البيان بتاع المجلس العسكري انه لا صحة لاشاعات تأجيل تسليم السلطة لرئيس منتخب حتى عام 2012 و ان كل حاجة حتبقى تمام على اخر 2011 راحت فين؟
و دلوقتي المجلس بعد ما طبخ الليله يقوله وثيقة فوق دستورية و وثيقة بطيخية و بعدين يقولك انتخابات رئاسة على اخر 2013 !!!!

المجلس العسكري مهمته من ساعة ما مسك تنحصر في : تدمير الاقتصاد تماما - تدمير الامن و انعدامه تماما - اساءه علاقة مصر مع جميع الدول الخارجية و الشقيقة - وقف جميع المشاريع القومية التي تم طرحها بعد الثورة - ازمة بوتاجاز و بنزين طاحنة - ازمة خبز - الابقاء على جميع فلول النظام السابق الصف الثاني و الثالث و حتى بعض قيادات الصف الاول!! - اعتقال النشطاء السياسيين و تهديد القنوات الاعلامية و وقف بعض الصحف!! - الاصرار على عدم دعم اي من دول الربيع العربي التي ما زالت تعاني في ثوراتها و دماء ابنائها تسيل

و اخيرا الاصرار على تحدي جميع القوى الشعبية و السياسية و الشعب المصري كله بصورة قبيحة و سخيفة و سمجه مستخدمين سياسة لي الذراع و فرض الامر الواقع - واقع على دماغهم ان شاء الله-

كفايه فوضى وكفايه مظاهرات وتدمير فى البلد
هما مين النشطاء السياسيين دول ....كل واحد عايز البلد تبقى فى فوضى مسمى نفسه ناشط سياسى ....ومين إداهم الحق يتكلموا بإسم الشعب
إللى يتكلم بإسم الشعب صحيح لازم يستنى لما الشعب ينتخبه عشان يتكلم بإسمه مش كل من هب ودب سمى نفسه ناشط سياسى ويتكلم بإسم الشعب
كفايه فوضى البلد بتضيع حرام عليكوا

رد: نظره على الأحداث

اقتباس:

المشاركة الأصلية كتبت بواسطة nktis (المشاركة 556270)

بصراحه انا لالت محتار بين مؤيد ومعارض....
واتفق مع كلام دكتور كمال من حيث الخسائر الاقتصاديه ولكن هي الحكومه عملت ايه؟؟؟؟
ايه التغييرات الجذريه اللي حصلت من بعد الثوره؟؟؟
كنت اعرف ان اي ثوره بتقوم ..تاني يوم رموز الفساد بتكون مدبوحه او معلقه في الميادين ..؟؟وهذا لم يحدث؟؟؟:w6w20050411223637 6d:w6w200504112236376d

يادكتور نوح الحكومه دى حكومه تسيير أعمال .....مش مطلوب منها تاخد قرارات سياديه
مفيش تغييرات حصلت بعد الثوره بسبب المظاهرات والمليونيات والإئتلافات والإختلافات والنشطاء وكل واحد عايز ياخد حته من الكعكه ومفيش حد قلبه على البلد دى
دا سطر واحد من الدستور مش عارفين نتفق عليه ......هنعمل دستور إذاى ؟؟؟
شوف تونس الكل إتفق وشكلوا حكومه ورئيس
شوف ليبيا الكل إتفق وشكلوا حكومه ورئيس
إحنا لازم نكون إضحوكه الشعوب والكل يتفرج علينا

رد: نظره على الأحداث

اولا لازم اسجل ملحوظه ان الدكتور كمال بيعمل كل فتره موضوع حلو بيزود الحيويه في منتدى ثورة يناير وبيفتح مجال للنقاش بين الرأي والرأي الاخر
ثانيا انا مع كلام د كمال ولكن فيه نقطه مهمه لازم تتقال كمان علشان الصورة توضح

اقتباس:

المشاركة الأصلية كتبت بواسطة د.كمال (المشاركة 556184)

مايحدث فى التحرير الأن هو إسقاط للدوله
بعد مليونيه الأمس الجمعه وظهور القوى الإسلاميه بهذا الحشد الكبير وهذا التنظيم الرائع ......شعرت القوى الليبراليه والعلمانيه والفلول بأن البساط قد سحب من تحتهم وأن الإنتخابات القادمه ستكون الغلبه لصالح القوى الإسلاميه والحكومه القادمه ستشكل منهم فأرادوا أن يهدموا المعبد على من فيه واستغلوا الموقف وكل واحد منهم أوقف حملته الإنتخابيه وبدأوا يطالبون برحيل الحكومه وتشكيل حكومه ثوريه وإلغاء الإنتخابات وعمل دستور جديد والرجوع إلى نقطه الصفر .
فليسقط النظام وتسقط الإنتخابات ويسقط المجلس العسكرى وتسقط الدوله وتسقط مصر وتحيا الفوضى وتحيا البلطجه مادام الكعكه ضاعت منهم .

النقطه هيا ان المجلس العسكري هوا كمان مستفيد من الفوضى ومحرض اساسي عليها لتطويل الفترة الانتقاليه لاطول فتره ممكنه .. ليه؟ علشان اكيد فيه ملفات فساد ممكن تتفتح بمجرد استقرار الاوضاع وتسلم سلطه مدنيه للحكم في مصر
يعني باختصار المجلس والفوضويين ايد واحده

رد: نظره على الأحداث

شكرا يأستاذ تامر على المشاركه
وأحب أذكرك ان أركان الامن فى أى دوله هى الشرطه والقضاء والجيش .
والشرطه سقطت والقضاء حاولوا يسقطوه من اسبوعين عن طريق الوقيعه بينه وبين المحامين لكن ربنا ستر ....معدش فاضل غير الجيش
راجع معايا أحداث العباسيه وما حدث فيها .....راجع أحداث ماسبيروا وما حدث فيها .....والأن أحداث التحرير ومايحدث فيه
صدقنى مايحدث الأن هو إسقاط للدوله بأجنده خارجيه

رد: نظره على الأحداث

ايوه فعلاً هما اجندة خارجية وعناصر اجنبية اللى عاملة المظاهرات والاعتصام فى التحرير حتى الصورة اهيه واضحة مش محتاجة كلام
http://a1.sphotos.ak.fbcdn.net/hphot...07360323_n.jpg