رد: مأساتي مع سيارات المعاقين(حازم خضر)
 

بص يا لانسر من قبل ما نعمل الموضوع دا و حسبنا المصاريف الاساسيه
تمن العربيه و مصاريف فك الحذر و فلوس المعوق كان تمن العربيه هو نفسه تمن العربيه
في السوق يعني ما فيش اي وفر بس .
لما تيجي تشوف المنثريات اللي ادفعت تلاقيها عدت ال 2000 جنيه بالراحه
قولنا برضه مش مشكله حاله العربيه كويسه و مش خساره فيها
لما دفعنا الغرامه و الحاجات دي تمن العربيه حيقف علينا اغلي من تمنها في السوق ب 5 الاف او اكتر كمان .
يعني الموضوع مافيهوش اي وفر المكسب الحقيقي ان في عربيات حالتها تحفه
والله يا احمد الموضوع دا من شهر 6 اللي فات و مكنتش اعرف انه حيتطور بالمنظر دا
المشكله الحاليه ان حاليا العربيه ما ينفعش لا تتباع لاي حد من غير فك الحذر
ولازم اللي جايه العربيه باسمه هو اللي يفك حذرها:(:( شفت الورطه
مش للدرجادي يا ابو حميد اللانوس 1 هناك بتعمل في حدود 27 الف جنيه
و النوبيرا 1 برضه في نفس الحدود
النوبيرا 2 بتعمل في ال 35 و الاكتافيا في حدود 50 و الماتريكس(اسمها هناك لافيتا) برضه في الخمسينات
و البي ام الفئه التالته الدبانه بتعمل في ال 60 الف و ال70 كده يعني

رد: مأساتي مع سيارات المعاقين(حازم خضر)
 

ربنا يقويك يا حزوم ويارب تخلص على خير كفاية اوى كده طبعاً

وافتكر ان بايو زميلنا كان اول واحد يحكيلنا ويحذر من سيارات المعاقين لمشاكلها واجراءاتها

المشكلة فى العربيات ديه ان الناس بتبقى فاكره انها هتجيب عربية بتراب الفلوس وفى الحقيقة ان التكلفة فى افضل الاحوال ممكن تكون زى تكلفتها العادية او ارخص الف او الفين

بس هو فعلاً المكسب الحقيقى فى حالة العربية بس فى نفس الوقت مخاطر انك تشترى عربية مشغولة او ملعوب فيها بقت كبيرة برضو وناس كتير حصل فيهم كده فالموضوع اجمالاً بقت مشاكلة ومخاطرة اكبر من مميزاتة

رد: مأساتي مع سيارات المعاقين(حازم خضر)
 

موضوع سيارات المعاقين لا اعرف مدى مشروعيته
لكن اعتقد ان المعاق هكذا يتاجر بعاهته
وان من يساعده يشترك معه فى أثم
وانا غير مقتنع بسياره المعاقين الا لاستخدام المعاق نفسه
حتى لا ندخل فى جدل الحرام والحلال وليس عندى رد 00 نجعلها مسأله أخلاقيه وهى لا تستقيم اخلاقيا حتى لو كانت للالتفاف حول قوانبن غبيه ونظام جمارك مستبد

رد: مأساتي مع سيارات المعاقين(حازم خضر)
 

بالضبط كده يا ابونورا
هناك بتلاقي عربيات نضيفه اوووي و عربيات برضه تعبانه و هما بيبقوا لاعبين فيها
محتاج الواحد تبقي عنيه في وسط راسه و هو بيشتري لانه لو ما اخدتش باله ممكن ياخد عربيه مشمومه و حالتها سيئه جدا
بص يا دكتور انا بتكلم هنا عن تجربه حصلت و بوعي الناس
و لا انا ولا اي شخص معانا في المنتدي يقدر يقول اذا كان دا حلال او حرام
لاننا ببساطه مش اهل للفتوي

رد: مأساتي مع سيارات المعاقين(حازم خضر)