مصر موتورز مجتمع السيارات - مساعده فى إختيار نوع كاوتش 175/70/13

مصر موتورز مجتمع السيارات (https://www.masrmotors.com/vb/index.php)

- إطارات السيارة (https://www.masrmotors.com/vb/forumdisplay.php?f=151)

- - مساعده فى إختيار نوع كاوتش 175/70/13 (https://www.masrmotors.com/vb/showthread.php?t=71241)

رد: مساعده فى إختيار نوع كاوتش 175/70/13

اقتباس:

المشاركة الأصلية كتبت بواسطة borio1704 (المشاركة 551024)

أنا ملاحظ فيه تناقض في بعض الأسعار

إزاي كاوتش كومهو بـ300 جنيه .. وهانكوك بـ360؟؟؟؟

أكيد فيه حاجة غلط

لما تجيب الكاوتش... لاحظ كود السرعة اللي عليه... كود السرعة من أهم الحاجات اللي بتفرق في السعر لإنها بتعبر عن أداء الإطار

بما إن اللانوس مش هتعدي سرعة 180 كم/س.. يبقى هات الكاوتش بكود سرعة S أو T ... والكاوتش بكود السرعة ده سعره أرخص سعر، وأداؤه كويس قوي لمعظم العربيات.. كمان هتلاقيه هادي عشان نقشته مفيهاش فراغات واسعة، ويمكن ده بيبقى عيب لبعض الناس لإن النقشة دي شكلها غالبا مش حلو

حتلاقي من كل ماركة نفس المقاس بأكواد سرعة مختلفة... دور على الرخيص في كل ماركة (اللي كوده S أو T) واسأل عليه... حتلاقيه مغطي كل طلباتك

...

و الله انا لقيت الكومهو فى محل واحد بس فى الدقى وكان المحل على قده أوى .... سألت على السعر و مشيت ...... بس اللى مريحنيش فى الكاوتش ده أن نقشاته كانت واسعة أوى

رد: مساعده فى إختيار نوع كاوتش 175/70/13

اقتباس:

المشاركة الأصلية كتبت بواسطة ahmedsamy90 (المشاركة 551722)

غالبا الكاوتش ده قديم... ولو هو كده فعلا ابعد عنه تماما... حتى لو كان أحسن ماركة في السوق

العمر الافتراضي للكاوتش بشكل عام حوالي 5 سنين... مش لكاوتش العربيات... لأ.. أي حاجة معمولة من الكاوتش، وكل ما كان الكاوتش جديد يبقى أحسن

عموما فيه حاجات تانية بتأثر في سعر الإطار... المهم إنت عايز إيه؟؟

إطارات الأداء العالي غالية... بس غالبا مش مريحة وممكن تتاكل بسرعة

راعي وانت بتشتري تبص على الحاجات اللي حقولها دي:

مؤشر التآكل (Treadwear)، وكل ما الرقم بتاعها علي يبقى عمر نقشته أطول
مؤشر الحرارة (Temperature): خليك في A أو B عشان يستحمل الجو بتاعنا... ابعد تماما عن الـC
مؤشر التماسك (Traction): الـA هو الأفضل

الحاجات دي كلها بتأثر في أداء وسعر الكاوتش

ودي صورة لـلبيانات اللي حتلاقيها على الكاوتش
http://www.alrahalat.com/vb/uploaded/493_1181556849.jpg

...

رد: مساعده فى إختيار نوع كاوتش 175/70/13

عوز عجله نعمه تبقي كوري
كومهو بس هتلقي فتنامي
هات هانكونك كوري

رد: مساعده فى إختيار نوع كاوتش 175/70/13

اقتباس:

المشاركة الأصلية كتبت بواسطة ahmedsamy90 (المشاركة 550972)

أنا برده باقول ان الأسعار دى كتير أوى ....... رأيك أستنى شوية و لا ايه لأن أقل فرده شوفتها كانت بـ 280 جنيه

بعد التحيه ..
مسألة انتظارك على الشراء تعتمد على حالة كاويتش السياره .
- وأعتقد أن إرتفاع الأسعار بهذا الشكل يرجع لقلة الإستيراد بسبب النواحى الإقتصاديه و السياسيه فى العالم كله
ولكن بعد أن تهدأ هذه الأمور هل ستهدأ معها الأسعار ... ( الله أعلم ) .