مصر موتورز مجتمع السيارات - تجربتي مع شاب جد أسمه محمد زوزا

اقتباس:

المشاركة الأصلية كتبت بواسطة hazem_khidr (المشاركة 549212)

الف مبروك يا استاذ حسين
عاوز منك شويه استفسارات بعد اذنك
الموتور دا موديله كام يعني الرقم بتاعه
زي مثلا ال 1300 موديله 4G13
و يا تري كامه واحده ولا اتنين و يا ريت لو صوره
و الميكانيكي اخد كام و الكهربائي اخد كام ؟؟؟
معلش اسألتي كتير لاني بفكر اعمل الموضوع دا قريب

أستاذ حازم انا في الخدمه
هوه الموتور 2 كامه 1580 سي سي
و ده له سلبية واحده و هي قطع الغيار ذي ما فهمت من المكانيكيه
و انا لله الحمد حليت جزء كبير من المشكلة لما احتفظت بالموتور القديم لأن المارش و الدينامو و الباور و التكييف و طلمبة الزيت و نص الموتور التحتاني عامة واحد
و الباقي هوه عند زوزا منه كذا موتور فاكه و بيبيع منه قطع حسب الطلب و انا شفت متورين عنده كده
بالنسبه لحساب الكهربائي و الميكانيكي محمد زوزا قالي انهم بياخدوا 700 جنيه لكن سعر الموتور 4500 شامل الفك و التركيب للموتور و الفتيس ستب ترونك و عصاية الفتيس و العدادات و ضفيرة الموتورو الفتيس و التانك عشان تنك البنزين لازم هوه كمان يتغيرعشان العوامه دي مختلفة بيقول الميكانيكي انه التنك لازم يتغير و إلا العربية ممكن تبطل مني في الملفات
و السعر ذي ما قلتلك شامل الفك و التركيب و تغيير كل ما سبق
و هوه على فكرة عنده موتور واحد بس استب ترونك دلوقتي لكن عنده مواتير كتير اوتوماتك عاديه
بصراحه انا ما أعرفش موديل الموتور لكن انا قسته ف البنزينه قالوا لي 75 في الميه
و ده معدل ممتاز على حد تعبير عامل البنزينه
و بصراحه العربيه فرقت كتير
و حتى لما مونتها 80 العربيه شغاله كويس مع التكييف بس ممكن تكركر او تسقف لو قرصت عليها فجأه لكن لو سيبتها تسحب براحتها بتبقى فله و لله الحمد
بالنسبة لرقم الموتور بصراحه انا مش فاكره هوه قالي انه هيبقى رموز برضه
بس انا لسه ما جبتش ورق المرور منه
عشان هوه بيبعته بورسعيد يجيبه بأسمي كان المفروف استلمه من اسبوع بس انا مهمل حبتين و بيتكلف 100 جنيه
اي استفسار انا في الخدمه
الراجل ده محترم و يشرف اي حد يتصدرله
سلام