مصر موتورز مجتمع السيارات - لماذا أرفض أبو إسماعيل رغم أنى إسلامي؟

اقتباس:

اولا : اسف على التأخير ...

عادي ولا يهمكـ ^_^

اقتباس:

ثانيا : احب اوضح حاجة ... الموضوع منقول ... و لكن معظم اللي مكتوب انا متفق معاه ... و ده مش تشويه تاني ... ده رأي و تحليل و محاولة للبحث عن الاصلح ... و انا مش هتكلم في اي جانب غير الخبرات و المؤهلات و الاراء و المواقف ... ال CV بالبلدي كده

تمام و الرد أيضا محاولة لرؤية الأصلح .. يبقي كدا احنا متفقين ع المبدأ

اقتباس:

انا مقولتش انه شيخ داعية ... هو رجل قانون محترم ... زي ما في ناس فكره البرادعي عالم ذرة و هو برضو رجل قانون ... و من حيث ان فيه سفراء و وزراء خارجية فاسدين .. اكيد فيه كويسين ... و الا مش هنستخدم اي منهم بعد كده .. هنستورد من بره .. اعذرني في الاستهكام .. بس اصل حضرتك بتقول كلام عام و غريب .. عندك نبيل العربي .. رجل عربي و طني حتى النخاع و مفاوض ممتاز .. و كان من اللجنة اللي اعدت ملف استرداد طابا .. و هكذا .. يعني الناس اللي ليها خبرة زي النواب و السفراء و الوزراء مش كاهم كويسين ... بس مهميين جدا طبعا

السيد نبيل العربي لما مسك جامعة الدول العربية قال في قضية سوريا بعد زيارة الأسد

لا يحق لأحد سحب الشرعية من زعيم الا الشعب

هو الشعب اللي كل يوم بيموت منه عشرات ووصل 4000 شهيد لسه مسحبش الشرعية ؟

هو ده القرار اللي كنت منتظره :36_1_1[1]:

و أخر تصريحات السيد نبيل العربي : الجامعة العربية عاجزة عن التعامل مع الأزمات !!

سيدي المنصب لايجاد الحلول و الافكار ليس للاعتراض مع المعترضين

- - - - - - - - - - - - - - - - - - - - - - - - - - -

اقتباس:

و برضو الانجازات اللي حضرتك ذكرتها في اول فقرة .. اي ناشط مدني بيعمل كده ... يعني مش مجال تميز ... و ليس كل من عاش الزمن البائد خائن ... و اعتقد افتراض حسن النية جائز حتى يحسم كل منا امره في اختيار الرئيس الاصلح ... ثم ينظر الى اجنداته ان صح التعبير

لم أفهم ما المقصود بالأجندات هنا ؟

بس بجد حضرتك شايف ان اقامة مشاريع بدون ميزانية مرصودة .. ده اي ناشط مدني بيعملو ؟

و أن الدراسات القانونية و الدستورية المستفيضة و برنامج اقتصادي .. برضو اي ناشط مدني بيعمله ؟

وعلي قولك أنه مغمور فجمع 160 ألف معجب علي الفيس بوك .. عشان هو انسان عادي برضه ؟

- - - - - - - - - - - - - - - - - - - - - - - - - - - - - -

اقتباس:

و الجزء الخاص بالصحابة .. الشاهد منه انه ليس بالدين فقط و لكن بالسياسة ... و بالنسبة لسؤالك ... دول صحابة رسول الله و الكل يعلم ما هي ظروف توليهم للخلافة و ليست مجال للخوض الان

محدش قال بالدين فقط .. لكنها ليست بالسياسة فقط أيضاً

و لو كانت بالسياسة فقط لكان أولي بعمرو بن العاص الخلافة لدهاءه كما ذكرت

اذن الدين أحد المقومات في الحاكم

- - - - - - - - - - - - - - - - - - - - - -

اقتباس:

هو فعلا الخمر كارثة عقائدية ... و لكن الرئيس لن يحرم الخمر !!!!!!
ما هو محرم اصلا في القران ...

لكن سيعطي الحق للأزهر بأن يحدد الحلال و الحرام ( لأنه المؤسسة المسؤلة )

وطبعا الأزهر هيفتي بتحريم الخمر

و من ثم يعرض علي البرلمان لـسن القانون

اما غيره لن يعطي الفرصة أصلا لمناقشة الأمر

- - - - - - - - - - - - - - - - - - - - - - - - -

اقتباس:

و بالنسبة لنقظة تزكية النفس ... هي مفيهاش حاجة عيب يعني .. بس بعض الناس تقدر تقرا حاجات من تفاصيل زي دي ... اعتقد الكل حر في تفسير ما قيل ... و الكلام مش متركب . هو زي ما اتقال !!!

سيدي الفاضل أنا لم أتهمك بتركيب الكلام .. و قلت أني احسن الظن بأنك لم تتعمد اسقاط المشيئة

فالشيخ قال بالنص ان شاء الله بإذن الله المسألة محسومة

و المشيئة .. تنفي التجني علي الله أو ادعاء معرفة الغيب .. وبذلك لا تعارض مع سورة اأنعام

ليس غرور ولكنها الثقة في الله

- - - - - - - - - - - - - - - - - - - - - - - - - - -

اقتباس:

هو توضيحا لنقطة الحجاب ... انا و كل الناس مع نقطة الحجاب .. بس الحجاب ليس بالقهر ولا بالقانون ... و لاني لست دارسا للفقه .. لا اعلم اجابة سؤالك ... و لكن الرد كان مكتوبا .. ان الغصب يولد العند و عمر القمع ما جاب مع المصريين فايدة و اكيد حضرتك عارف كده ... لما هتقول انه فرض بالقانون .. هتنفر الناس منك ... و اهل الكتاب كمان ممكن ينفروا.. لانها ممكن تتفهم غلط ... و الله دي نقطة حسابها عند الله ... و كل واحد حر في افعاله لانه هيتجازى عليها

Xx نقلا عن الصفحة الرسمية للشيخ حازم صلاح أبو إسماعيل xX

حازم أبو إسماعيل : لابد أن تعلموا أن الشريعة الإسلامية برغم كونها شريعة حاكمة ، إلا أنها شريعة تراعي حتمًا طاقة التقبل لدى الناس ... فتطبيق الشريعة مرهون بحد الاستطاعة .
September 21 at 7:24pm

يبقي عندما يري أن الناس متقبلين لتطبيق الحجاب كاملا سيفعل ..

- - - - - - - - - - - - - - - - - - - - - - - - - - -

اقتباس:

بص .. انا زعلت على بن لادن عشان الطريقة اللي احتفل بيها الامريكان... و ندعي للكل بالرحمة .. مفيش مشكلة .. و لكن المنطقة شائبة ... و التعرض لها ليس بالهام .. هي خاجات بتقرا منها ملامح ... و على فكرة القاعدة دي مش امله يعني ... دي برضو مجموعة بتروع الامنين ... هو مش ليهم عمليات في الشرق الاوسط ؟!؟!؟!

مؤيد لرأيك أن دي منطقة شائبة .. ولم يكن بالضرورة التعرض ليها

ولا أجد دفاعا عن الشيخ هنا الا حسن الظن .. بأنه يمدح عمليات القاعدة ضد الامريكان و الناتو

- - - - - - - - - - - - - - - - - - - - - - - - - -

اقتباس:

اتمنى مكنش طولت ... و دي اول مرة احس اني محطوط في خانة مهاجمة شيخ جليل ... و لم اكن احب ذلك ... و لكن الظرف هو ما فرض علينا التوضيح و التفريق

لا عادي ولا يهمك و مفيش خانات .. كلنا مصريـين و النقاش للوصول للأصلح ^_^

- - - - - - - - - - - - - - - - - - - - - -

اقتباس:

و الله انا عارف الوقت متأخر و انا منمتش بقالي كتيييييير ... بس هرد الان رد مقتضب لعله يوضح وجه النظر ...
بخصوص الليبرالية و السلفية .. انا معترض على كلمة و تصنيف سلفي ... لان انا اصلا سلفي ... بس المشكلة الفهم الخطأ للكلمة و كمان ليبرالي ... الخلاصة ... الشيخ حازم راجل قانون فاضل ... صاحب موقف و روئية تحترم ... و لكن ينقصه التاريخ و المؤهلات اتولي المنصب ... الرئيس دلوقتي لازم يكون صاحب فكر ثوري .... مش قصدي خاااااااااااااالص ثوري بالمعنى ... قصدي يبقى زي مهاتير محمد ... يعمل ثورة في الفكر في التخطيط في المجالات المختلفة ... فكر مستنير و منظم ... مبدع ... كده يعني

معاك في الاعتراض علي التصنيف سلفي وليبرالي .. الناس مصممة متتكلمش غير كدا :36_1_1[1]:

بس مين قال ان الشيخ مش صاحب فكر .. هو قدم للحكومة فكرة اقتصادية سنة 95 تقريبا

عن تصنيع السيارات علي أرض مصر من الشركات الأم

و كدا بتشغل عمالة .. و تزود كفاءة العامل لاحنكاكه بخبرات أجنبيه

و تصبح مصدر للسيارات في دول الشرق الأوسط بدل من مستورد

لكن كالعادة الفكرة اترفضت زي ما فاروق الباز و ممر التنمية اترفض و هكذا

و لسه البرنامج الانتخابي لما يكتمل هيبان فكر الشيخ أكتر ..

- - - - - - - - - - - - - - - - - - - - - - - - - - -

اقتباس:

بس اعتذر تاني عن عدم الرد على الجزء التاني ... عشان و الله الوقت متأخر و هصحى بدري و بقالي كتييير صاحي ... دمت في رعاية الله ... و يا ريت اتشرف بالاسم

ولا يهمك وربنا معــاك :01FDAB~189:

انا اسمي محمد ..

دمتــ بود

ROSE4U