مصر موتورز مجتمع السيارات - نازل سوق الجمعة ومحتاج نصيحة

مصر موتورز مجتمع السيارات (https://www.masrmotors.com/vb/index.php)

- سوق السيارات المصرية (https://www.masrmotors.com/vb/forumdisplay.php?f=147)

- - نازل سوق الجمعة ومحتاج نصيحة (https://www.masrmotors.com/vb/showthread.php?t=68213)

رد: نازل سوق الجمعة ومحتاج نصيحة

اقتباس:

المشاركة الأصلية كتبت بواسطة heshhesh (المشاركة 517186)

ياباشا انا معيا النترا 2007 فضى اوتوماتيك فل اوبشن سنتر لوك زجاج كهرباء مرايات كهربا انزار وحدات رفع عفشه جديده وكاوتش جديد وكاسيت جديد العربيه ماشيه 153000
وناوى انزل انا كمان يوم الجمعه لو توفر عليه وعلى نفسك المشوار :)
وتشتريها على 720000 اانا موافق ياعم

هو السعر اللي حضرتك بتقوله حلو لو العربية مفيهاش حاجة بس انا مشكلتي اني شكل الالنترا ده عمره ما عجبني مع اني فيه كتير بيختلفو معايا بس الموضوع بيبقي راحة شخصية وبصراحة انا عمري ما حبيت الالنترا وهي عربية جميلة وكل حاجة ومفيهاش مشاكل لكن الموضوع مش اكتر من راحة شخصية وان شاء الله انا شايف اني السعر الل حضرتك عاوزه كويس لو مفيهاش حاجة وهتلاقي كتير يشتروها وربنا يوفقك في بيعها ان شاء الله

رد: نازل سوق الجمعة ومحتاج نصيحة

اقتباس:

المشاركة الأصلية كتبت بواسطة mr_astra (المشاركة 517334)

على فكرة موضوع التجار دة انا لية راى تانى فية
التاجر لو هايشترى لنفسة عشان يبيع عمرة ما بيشترى حاجة وحشة لكن بيكسب الف اتنين فى الحاجة
انا اعرف تاجر تشترى منة وانت مغمض بس هاتكون دافعلك عن المعتاد الف جنية ودة مكسبة انما كعربية لا يمكن تلاقى فيها غلطة ..........وفى منهم معاو ليزر كشف المعجون
انما لو تاجر نازل يبيع لحساب واحد تانى دة اللى غلط ودة بتعرفها منين
اما يكون العربية فيها ورقة واحدة بس من وش الرخصة باسم التاجر يبقى التاجر اشترى ونزل يبيع لحسابة اما لو الرخصة باسم صاحبها يبقى بيبع للغير
وفى النهاية كل شىء نصيب
لان من كتر ما الواحد شاف عربيات مركبة انصاص وارباع وسقف حتى عربيات حوادث يعنى وبعد اما تتعمل ابو مين اللى يطلع فيها غلطة حتى الدهان بيكون فبريكة عدا مناطق اللحام اللى لا تتعدى 3 مم ومتسروخة ومتجلخة فبيكون صعب اوى اوى انك تكتشفها
انا مش بؤلك اشترى من تاجر بس كنت عاوز اوضح حجاة معينة
تعالى بقى لو هاتشترى من واحد زية زيك اولا الرخصة بتكون باسمة ولو على كلامك ناوى تجيب حاجة موديل حديث يبقى ممكن يكون اول مالك وهتلاقى معاة الاوراق والصيانات الدورية بتاعة التوكيل
لو لقيت حد زى دة اتفق معاة انك هاتخلص كل حاجة فى يوم واحد بس تروح المرور بتاع العربية وتكشف عليها الدوسية بتعها فية كام ورقة عشان الامور توضح ادامك
ربنا يوفقك

بجد الف شكر ليك علي المعلومات دي لاني اول مرة اعرفها بس هو المفروض اخد معايا كام وانا رايح وهكشف عليها في المرور ازاي ده يوم الجمعة اعتقد المرور قافله
طيب هو انا دلوقتي عاوز اعرف ايه اللي هيحصل يعني انا دلوقتي مثلا عربية عجبتني المفروض هعمل ايه ينفع الراجل يخرج معايا بره السوق واكشف علي العربية عند حد اعرفه ولا لازم ابينله فلوس الاول ولا هو ايه اللي بيحصل وبتبقي ماشية ازاي ؟؟؟؟؟؟؟؟؟؟؟

رد: نازل سوق الجمعة ومحتاج نصيحة

اول حاجة متاخدش معاك اللا 100 جنيه تمن رفع العربية في بنزينه
العربية لما تعجبك 100% و تبقى متكيف من الكلام و السعر و الحالة و الشكل و الميكانيكي يقول 100% تروح على بنزينه و ترفعها بس تكون مكان انت تعرفه - اترفعت و تمام تطلع على بيتك و تمضوا عقد بيع ابتدائي و تديله 80% من تمن العربية لحد ما يجيبلك التوكيل المسجل + شهادة مخالفات حديثة + شهادة بيانات / طبعا العربية بايته معاك و معاك المفاتيح - هو معاه الرخصة علشان يطلع الورق اللازم
يسلمك الورق تسلمه ال 20% الباقيين او ال 10% الباقيين حسب الاتفاق

رد: نازل سوق الجمعة ومحتاج نصيحة

اقتباس:

المشاركة الأصلية كتبت بواسطة mmffor (المشاركة 517580)

كلامك حلو

انا برضة نزلت السوق قبل رمضان وبعد العيد وناس خوفتنى من العربيات المسروقة لكن فى مشكلة تانية الاسعار رافعة جدا عن قبل الثورة بشكل مبالغ والحجة ان مفيش عربيات ولو لقيت حاجة اشتريها باى سعر :k_crying77[1]: بالرغم انى بنزل السوق والمعارض وانا معايا تاجر عربيات اصلا :thnkr:

رد: نازل سوق الجمعة ومحتاج نصيحة

اقتباس:

المشاركة الأصلية كتبت بواسطة mmffor (المشاركة 517580)

طيب هو انا ليسه مجبتش الفلوس من البنك ياتري هيكون المفروض ايه اللي يحصل وقتها يعني ممكن نتفق من غير فلوس باي اوراق وبعدين يوم الاحد هو يكون مثلا بيخلص في اوراق العربية وانا اكون بخلص في اجراءات البنك