المشاركة الأصلية كتبت بواسطة fourseasons (المشاركة 515114)

بصراحة يا جماعة موضوع عدم بيع البنزين غير فى التنك صحيح 100% لاكن زمان كان عادى ممكن تشترى حبة بنزين فى جركن ولا حاجة كان اقصى تفكير الناس ساعتها انة ممكن الى بيشترى البنزين يولع فى نفسه ولا حاجة.ده كان زمان طبعا.وكان برضوه ممنوع.لاكن دلوقتى الناس بتشترى البنزين فى جراكن عشان تعمل قنابل الملوتوف بيه عشان تولع فى بعضها وفى عربيات الناس و الشرطة و المحلات:sycho26:.صحيح ان الناس ديه مش حتغلب يعنى ممكن تجيبه من تنك العربيه لاكن اهه بقى كل حاجة بتيجى على دماغ الناس الغلابة.

المشاركة الأصلية كتبت بواسطة dieseltrucker (المشاركة 515134)

بالنسبه لدمياط البنزين ال92 قليل شويه الاسبوع الي فات والاسبوع ده وملاحظ حاجه انه لو فيه بنزين 80 مابيبقاش فيه 92 والعكس
اول امبارح دخلت بنزينه من اكبر البنزينات في دمياط العامل قعد يشارورلي بايده تمانيه مقلوبه يعني مافيش الا تمانين والحركه دي عملها معايا اكتر من مره قبل كده نفس الشخص ف نفس البنزينه وكنت بادوروامشي لاني جربت ال80 اكتر من مره بيخلي العربيه تكركر وصوتها بيعلا اوي وبتتدربك كلها ف بعضها فاخدت فرمان بعدم التعامل معاه ....
المره دي قلت اتراخم عليه وعلى نفسي وع العربيه ووقلتله..... ماشي قالي بقولك 80 يابيه ......قلتله فول 80 ماشي
المهم الواد سلم امره وراح مفول
الغريب والله ده اللي حصل ان صوت العربيه ناعم ومافيش اي كركره ولا دربكه والسحب هايل ولا كأنه 92
عايز اقول حاجه وخايف تفتكروني بخرف : شاكك انه 92 فعلا وانه كان بيطفشني اناو زباين زيي كتيير ومش بعيد يكون بيعمل كده مع زباين ال80 ويقلبلهم صوابعه لفوق انه مافيش الا 92 فيبقى لا باع لدول ولا دول على اساس ان البنزين هايغلا مستني يبيعه غالي ؟ ولا دي جت شطحه مني شويه ؟

المشاركة الأصلية كتبت بواسطة black_cres (المشاركة 515219)

فعلا يا باشا انا لاحظت ان جوا دمياط كتير بيكون مافيش 92
بس لو سمحت ايه هي المحطات اللي حضرتك بتثق فيها جوا دمياط ؟؟