مصر موتورز مجتمع السيارات - اوبل استرا 2004|2005

مصر موتورز مجتمع السيارات (https://www.masrmotors.com/vb/index.php)

- اوبل Opel (https://www.masrmotors.com/vb/forumdisplay.php?f=21)

- - اوبل استرا 2004|2005 (https://www.masrmotors.com/vb/showthread.php?t=67455)

رد: اوبل استرا 2004|2005

استاذ يحيى جزاك الله كل خير انا دخلت الموقع لاهتمامى بيك وبردك الجميل على الناس اللى بتسأل
وليا عند حضرتك استفسار صغير
قدامى عربية اوبل كورسا كاملة مانيوال باور وتكيف وسنتر واربعة زجاج كهرباء فتحة التنك والشنطة من الداخل مرايات كهرباء اول يد من الزيرو بجواب المرور صيانة دورية بالتوكيل من 2004 وحتى الان السيارة فابريكة بالكامل 1600 سى سى |148,000 كم صاحبها عارض 42 الف ايه رايك فيها وايه عيوب العربية دى وقطع غيارها عامله ايه ؟
متشكرا جدا جدا جدا

رد: اوبل استرا 2004|2005

اصلاح كمبيوتر المحرك للاسترا البرازيلي فقط ب 1000 جنيه و ضمان 6 اشهر , مهندس اكرم 01001184837

رد: اوبل استرا 2004|2005

اقتباس:

المشاركة الأصلية كتبت بواسطة yahiaashraf (المشاركة 510198)

بص يا باشا
اولا الموديل اللى بتقول عليه ده هو ده شكله
http://www.sogarab.com/photos/35803.jpg

http://media.linkonlineworld.com/Gal...9/8/401764.jpg

http://media.linkonlineworld.com/Gal.../18/379365.jpg

http://media.linkonlineworld.com/Gal.../18/379367.jpg

http://media.linkonlineworld.com/Gal.../18/379366.jpg

http://media.linkonlineworld.com/Gal.../14/374739.jpg

بالنسبه للعربيه كمعلومات

1600 سىسى
تكيف
سنتر
باور
4زجاج كهرباء
فى منها اوتوماتيك
و فى منها مانوال
مرايات كهرباء
وحدات رفع للزجاج الكهرباء
فتح الشنطه من الداخل
فرامل ابى اس
مثبت سرعه
قفل مركزى للابواب عند سرعه معينه
ايرباج
امكانيه بفع و خفض الضوء

فى منها تكيف تاتش و تكيف عادى

بالنسبه للاسعار
2004 فى حدود 55 الف ممكن تزيد و ممكن تقل على حسب الحاله بس مش تزيد اوى

2005 من 63 الف الى 65 الف جنيه عل حسب الحاله برده

بالنسبه لقطع الغيار متوفره فى كل حته يعنى هتلاقيها هتلاقيها

بالنسبه لاسعار قطع الغيار
فانوس امامى 500 جنيه الواحد
شبكه اماميه 450 جنيه
تيل فرامل امامى 240 جنيه
فلتر هواء 55 جنيه
فلتر بنزين 55 جنيه
سير التقسيمه بالشدادات بكل حاجه عامل 1320 جنيه

سعر الكشاف 750 جنيه اصلى و الفانوس الخلفى بحوالى 200 جنيه فلتر بنزين ب35 جنيه سير بالشدادات حوالى 900جنيه تيل امامى بحوالى 100 جنيه صينى

الاسعار دى انا نقلتها من ناس سالت عنها

الاعتماديه

عربيه ممتازه و من انجح السيارات اللى صنعتها اوبل بخلاف الفيكترا اللى كانت معايا و طلعت عينى

المهم بالنسي\به للاسترا
عربيه ممتازه ممتازه و اظظن انا كاتب الاوبشنز بتاعتها متتعدش
عربيه ثباتها هايل جدا على الارض و اعتماديه فى السفر
مريحه جدا فى السواقه
شكل اسنيابى فخم
شنطه واسعه
عائليه من الدرجه الاولى
عربيه يعتمد عليها بجد بجد

ملحوظه الكلام اللى انا قولته عن تجربه
لان صاحبى كان معاه اوبل استرا و بيشكر فيها جامد اوى و انا جربتها بنفسى معاه

يا رب اكون قدمت الافاده
تحياتى

:THUMBS~220::THUMBS~220:: THUMBS~220::THUMBS~220:

رد: اوبل استرا 2004|2005

أشرف بيه يحيى انا بنا محتاج رايك, طبعا احنا دلوقت 2013 ومعروض عليا استرا 2006 اتوماتيك وعامله 75الف كيلو وصاحبها طالب 49 ألف هل ده سعر قليل يشكك الواحد ولا ايه رأيك وهلى هى نفس الشكل والمواصفات اللى سبق قلتها عن 2005

رد: اوبل استرا 2004|2005

اقتباس:

المشاركة الأصلية كتبت بواسطة YahiaAshraf (المشاركة 510570)

اول حاجه تبص على العربيه كشكل
فى خبطه و لا لا
كانت رشه و لا لا
و لو رشه كانت خبطه و لالا
لما تركب جرب الاشارات و الانوارو التكيف و كل حاجه

شوف الابواب كلها بتقفل كويس و اتاكد
دور العربيه و اسمع صوت العربيه فى حاجه غلط و لا لا
اركب مع صاحب العربيه و خد بيها مشوار بسرعه تجرب فيها العربيه
شوف الفتيس و انت ماشى اخباره ايه
السحب اخباره ايه

بعد لما تخلص بقى
شوف العربيه من تحت فىها حبطات و لا لا
اه و نسيت برده شوف المرايات الكهرباء و الزجاج الكهرباء و شوف السنتر بيعلق و لا تمام
لو الكرسى كهرباء لان تقريبا كهربا شوفه الزرار بتاعه شغال و لا لا
لو عاده شوفه برده للتاكيد
شوف كمان السماعات كلها شغاله و لا لا
اتاكد ان جميع العدادات تعمل بكفائه
و الكاسيت لو الاصلى يبقى تتاكد جدا منه لان سعر الكاسيت الاصلى بتاعها فوق ال4000 جنيه
لو مش اصلى سهله يتغير
شوف المرش كويس و لا لا
و بيخلى فى خشونه فى الماتور يبقى فى حاجه بايظه لانه مهم جدا

تاتكد ان كهرباء السياره كلها تعمل بكفائه متلاقيش الانتظار يعلق او يعمل بسرعه
شوف التكيف اخباره ايه برده

ده اللى انا فاكره دلوقتى و لو افتكرت حاجه تانيه هقولها
لان لما كان معايا الاوبل فيكترا 99
عملت كل ده و مندمتش ابدا

و لما جبت فكترا 2002 و كنت مستعجل عليها مع انها كانت عامله 90 الف كم
معملتش كل النصائح دى و اشتريتها على طول
و كانت مليانه بلاوى ربنا ما يوريهالك

تياتى:Wkiss5::Wkiss5::Wki ss5::Wkiss5:

انا معايا العربيه دى اقسم بالله ممتازه ثبات سرعه قوه اقتصاديه انسيابية ومع احترامى للكاتب اسعار قطع غيارها هى ارخص من كد بتير