مصر موتورز مجتمع السيارات

ياجماعة الإختلاف في الرأي لا يفسد للود قضية.
أ،ا من رأيي إني الماروتي شكلها غير مقبول بالمرة ناهيك عن حجمها الغير قابل للإستخدام الآدمي إلى جانب ذالك الـ 128 عربية بتيجي وتروح بسهولة ياعني لا هيتعب علشان يلاقيها ولا هيتعب علشان يبيعها وغير كدة شكلها شكل العربيات عادي ياعني مش مفتكسة.
وبالنسبة لإقتصاديات التشغيل أ،ا أختلف معاكوا في الرأي هيا لو عربية غير إقتصادية ماكانتشي إشتغلت لحد دلوقتي لأني إحنى الي بينجح عندنا في السوق مش العربية الحلوة لأ بالعكس العربية الإقتصادية.
عموما صاحب الموضوع يقدر يحدد هوا محجتاج إيه لإستخداماته وعليه هيعرف هوا هيجيب إيه أوتوماتيكالي.
لو إنتا شاب عايز تعرف تروش عربيتك وتخرج بيها في وسط أصحابك وممكن ساعات يكون راكب معاك نفرين تلاتة ورى ومش عايز تعاقبهم علشان ركبوا عربيتك أكيد هتختار الـ 128.
لو إنتا صاحب أسرة صغيرة وعايز عربية تعرف تركب فيها غنتا وأهل بيتك أكيد وإنتا مغمض الـ 128.
لو إنتا عايز عربية بغض النظر عن شكلها وإستخداماتها ويادوبك المطلوب منها توصلك مشوارك من غير تعب دماغ وعلى رأي الأعضاء موديل حديث ياعني هتبقى الماروتي, وأهم حاجة يكون مابيهمكشي من كلام الناس ولا نظرتهم ليك.
عموما العربيتين ماليين البلد إركب دي وإركب دي وخد بكل واحدة لفة والي هتستريحله نفسيا هاته وماتغلبشي حالك.
توكل على الله وصلي صلاة إستخارة.