رد: ايه احلى حاجة بتحب تعملها بعربيتك؟؟؟؟ (((((الكل يدخل ويقول)))))
 

انا كان في احلام ورديه SLEEEP في دماغي لما اجيب العربيه
وكنت مفكر حعمل بيها اللي متعملش

جبتها ومبركبهاش SLEEEP
مش عارف حاسس احساس غريب وخايف اجري بيها مش عارف لييه
مش عارف موهوم وخايف من العربيه ذات نفسها
مع اني كنت بطير بعربيات زمايلي لما كنت بركبها
لدرجة اني عملت حادثه علي ال 160 قبل كده وانا راجع من المصيف
لكن مش عارف مالي مش مستمتع بالسواقه ليه


قرفان من الشوارع والزحمه
امبارح الوقفه خدت زمايلي يتمشوا
وقفت في اشارات نص ساعه وماشي علي الاول كتييييييييييييييييييير من الزحمه
حلفت لراكنها
روحت ملقتش ركنه
ركنتها بعيد عن البيت
وقرفان من ركوب العر بيات

او الموضوع مطلعش اللي في دماغي
مع اني طول عمري كنت بحلم اني اشتري عربيه

بس برده الحمد لله
نعمه ربنا يديم خيرها ويكفينا شرها

رد: ايه احلى حاجة بتحب تعملها بعربيتك؟؟؟؟ (((((الكل يدخل ويقول)))))
 

1- باستمتع جدا وانا بغسل العربية وانظفها من الالف الى الياء
2- اصلح فيها اى حاجه بنفسى وخصوصا اعطال الطوارىء
3- اكون راجع من مشوار على الدائرى(بشرط يكون الطريق هادى لانى مابحبش الجرى) وامشى فى النص باعتدال (لا سريع ول بطىء) واسمع الكاسيت (موسيقى اجنبية)
تسلم ع الموضوع:balloons71:

رد: ايه احلى حاجة بتحب تعملها بعربيتك؟؟؟؟ (((((الكل يدخل ويقول)))))
 

موضوع جميل تسلم ايدك
انا احب يوم الاجازة وقبل الصبح بدري اخد العربية واطلع علي طريق سريع لوحدي واشغل الكسيت واسمع اغاني بأحبها وأفضل ادندن:danceW7:معها
معها وبعدين ارجع رايق

رد: ايه احلى حاجة بتحب تعملها بعربيتك؟؟؟؟ (((((الكل يدخل ويقول)))))
 

على الرغم من عشقى الشديد للسيارات و علمها الا انى مبحبش اسوق اصلا و ما بصدق ابقى بعين عن الدركسيون

رد: ايه احلى حاجة بتحب تعملها بعربيتك؟؟؟؟ (((((الكل يدخل ويقول)))))
 

أحلى وقت بيني وبين عربيتي لما أكون ماشي في مشوار سفر على طريق سريع ومشغل أي أغاني أم كلثوم أو نجاة ولا عبد الحليم وأبقى ماشي في حارة في النص يادوبك بسرعة الطريق أو أعلى 10 (المهم اكون تحت سرعة الرادار) علشان ما أركزشي إطلاقا في أي حاجة غير إني ادندن مع الكاسيت وبس.
لاكن لما ببقى سايق جوا البلد بقى ببقى مشغل أي أغاني وبالذات ريمكسات جاز أو ساعات بتضرب معايا وبتقلب راب وتلاقيني في المشوار الواحد واخدلي شتايم في جنابي تكفيني سنة من كتر مارخمت على الناس (غير مسموح بالمرة لأي عربية تعديني لا من اليمين ولا من الشمال) غير لو كان إستأذن مني أو كنت بتكلم في التليفون مثلا وماليش نفس أخنق على حد أو لو معايا حد في العربية من كتر ما أعصابه سابت عايز يفتح الباب وينط فا مابرضاش أتعب أعصابه أكتر من كدة.
وجوا البلد دا بيبقى أسوأ وقت أسوق فيه عربيتي وبكره السواقة بسبب أعصابي المشدودة:joy23:ddd: ونرفزتي الي على الفاضية والمليانة وربنا يستر بقى.