مصر موتورز مجتمع السيارات - ايهما تفضل ماركه جامده بس مستعمل ولا نص نص بس زيرو

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: ايهما تفضل ماركه جامده بس مستعمل ولا نص نص بس زيرو

الزيرو طبعا افضل لأنها هتقعد فتره على بال ماتفتح في صيانتها اما المستعمل ممكن من تاني تروح للميكانيكي

رد: ايهما تفضل ماركه جامده بس مستعمل ولا نص نص بس زيرو

اقتباس:

المشاركة الأصلية كتبت بواسطة Bendary (المشاركة 32038)

هو طبعا الاراء تختلف حسب احتياجك من العربيه واولوياتك
يعنى اسعار الصيانه وقطع الغيار - هل مهم مظهر العربية ام الاداء اهم - حجم العربيه - خبرتك فى القياده - معدل استهلاكك للعربيه بتسافر كتير ولا مشاوير داخل المدينه ؟؟؟؟

ودعنا نقلل المبلغ شويه ونسال السؤال تانى :
هل لو معك 55 الف تشترى سيارة صغيرة زيرو (سبارك - سبرانزا - التو على سبيل المثال) ؟ أم تفضل عربيه اكبر مستعمل بحاله كويسه مثل لانوس - اكسنت

شفت ازاى ان القرار يرجع الى عدة نقاط كتيرة .

ولكن لو نستبعد كل نقاط التفضيل ونفكر فقط فى مستعمل ولا زيرو يبقى زيرو طبعا.

تحياتى ...

طيب ده كلام جميل بس يعني ايه خبرتك في السواقه يعني سواقه المرسيدس مثلا غير سواقه الهيونداييييييههههههههه ولا حضرتك تقصد حجم العربيه

رد: ايهما تفضل ماركه جامده بس مستعمل ولا نص نص بس زيرو

أنا طبعا لو معايا الفلوس كاش حدور على المستعمل بس بشرووووط

أولا: وأخيرا: الحالة.......يعني في مستعمل بحالة الزيرو فعلا مش مجرد كلام ودي بتبقى حاجات لقط وطبعا بتبقى أغلى نسبيا

ثانيا: لازم تكون العربية عالية علشان أضمن ان صاحبها يكون محافظ عليها

ثالثا: لازم يكون سعرها مغري

رابعا: ما يكونش عدى على الموديل أكتر من أربع أو خمس سنين

لو لقيت عربية بالشروط دي ومعايا فلوسها مش حتردد لحظة.....لأني باختصار حبقى اشتريت عربية زيرو بسعر المستعمل
وعلى فكرة الوقت اللي احنا فيه ده أنسب وقت الواحد يشتري فيه مستعمل ....دي وجهة نظري

رد: ايهما تفضل ماركه جامده بس مستعمل ولا نص نص بس زيرو

ده يرجع لغرضك من شراء العربية
جري ومواتير وحوادث هتجيب مستعمل تحت إغراء قوة الموتور وثبات العربية في اللحظات الحرجة اللي هتحب تحط نفسك فيها
وسيلة مواصلات مريحة وتخاصم الميكانيكي بتاعك تبقي زيرو تحافظ عليها و تحافظ عليك

رد: ايهما تفضل ماركه جامده بس مستعمل ولا نص نص بس زيرو

لو مستعمل يبقى فى حدود 4 سنوات لورا غير كده الزيرو زيرو بس ايضا ماركة معروفة وعريقة وليست شركة حديثة ناشئة