رد: الرجاء المساعدة بخصوص سيارات المعوقين
 

أيوة يجيبوا لانوس وخلى بالك أنت ممكن تشترى فى خلال سنة من تاريخ قرار الكومسيون. يعنى لما يطلع لك الجواب والظروف المالية شوية ماسكة ممكن تسيب كام شهر لحد ما ربنا يرزقك بكام جنبة. الأسعار ممكن تكون شدة شوية اليومين دول بسبب ان البلد فيها مشاكل وسعر الدولار داخل على ستة جنيةز أنا كنت شارى عربيتى أيام ما كان الدولار 5 وعشرة قروش. يعنى 90 قرش دول ممكن يزودوا شوية فى أثمان العربيات ولكن اللانوس المانيول تبدأ من 17... وساعات من 16 الف كمان ولكن دى موديل 1997...

على قد اللى معاك اشترى وبعد 5 سنين بيع وجيب غيرها...

بالمناسبة ممكن حد يروح لك مصر بدل منك لو مش هتقدر يعنى مش شرط تروح بنفسك تحجز الجلسة ولكن يوم الكشف لازم تكون موجود. والكشف بيكون على يومين يعنى هتروح يومين . يوم للنظر ويوم للعظام. والنتيجة بتأخد من شهر إلى شهرين. عادة بتكون شهرين...

بالتوفيق يا أخى

رد: الرجاء المساعدة بخصوص سيارات المعوقين
 

السلام عليكم ورحمه الله وبركاته
شركة كريستال لسيارات المعاقين والسيارات المجهزه طبياً

شركة كريستال مجموعه اولاد حسين تعرض مجموعه من افضل السيارات الأوروبيه والكوريه بأسعار السوق الاوروبيه والعالميه في متناول اسعار لاتصدق وبتخفيضات هائله للعميل لاول مره وللمرات الاخري

شركة كريستال ( المنطقه الحرة للاستثمار ) بورسعيد
موبايل 0182557174 :fun_11_15_21[1]:

تليفون 0663746224

فاكس 0663746225

جميع الأجرائات والاستفسارات بأيد خبيره داخل الشركة

[warning]برجاء عدم التعامل مع السماسره [/warning]


[youtube]http://www.youtube.com/watch?v=oDsKy-Wvv_o[/youtube]

رد: الرجاء المساعدة بخصوص سيارات المعوقين
 

موضوع جميل و مفيد الف شكر:fun_36_3_11[1]:

رد: الرجاء المساعدة بخصوص سيارات المعوقين
 

رد: الرجاء المساعدة بخصوص سيارات المعوقين
 

ربنا يتمم على خير يا أخى:::

طبعا القرار هيأخد 2 شهر بالضيط زى ما قالوا. ليك الحق تشترى العربية فى أى وقت خلال سنة من تاريخ القرار. لهذا لا تتسرع وأختار وأنتقى السيارة الصح لان العربيات فى بورسعيد بتكون عاملة زى قفص الطماطم فى عربيات تحفة ولقطة وفى عربيات مضروبة المهم انك مش تتسرع وأعرف ان لو عربية سبتها هيجى الف غيرها. ولما التاجر يلقيك عاوز حاجة كويسة ومعاك ميكانيكى فاهم هيعرض عليك العربيات الكويسة وطبعا مش هيتهاود فى سعرها. يعنى فى كل الاحيان هما عرفين ان الانوس بيوصل لحد 17 او 18 الف ولكن اول كلمة منه هتكون 20 او 22. وهتقعد تفاصل وتمشى ويقولك تعالا بس نتفاهم ولما يحس ان اخرك هو 17 مثلا هيوافق. طبعا لو العربية حالتها كويسة مش هيتنازل عن 18 مثلا او أكثر. وتأكد أن العداد بتاع العربية مش هو الاساس فى الحكم عربيات بتكون
عاملة اقل من 100 الف كيلوا وتلقيها فى مشاكل كثيرة.

اوصيك بالتأنى والفحص الجيد وتأخد معاك ميكانيكى ثقة وتتأكد من
1- ماتور كويس
2- مفيش بارومة لان العربيات دى بتيجى من مناطق باردة فبيكون البارومة والصدأ من عيوبها اجعل الميكانيكى يفحص الأماكن اللى حولين العجل والعتب بتاع العربية واسف العربية.
3- ان مفيش مشكلة اثناء التدوير والسير بالعربية يمعنى مش يكون فى لمبة منورة فى التابلوة ان فى حاجة غلط.
4- تأكد ان كل حاجة شغالة فى العربية مثل التكيف والراديو والإشارات. أنا مثلا أخذت معايا شريط تسجيل علشان اتأكد أن المسجل شغال....

أنا كنت بصور العربية اللى عجبانى بالموبيل واقعد أتفرج عليها على الكمبيوتر فى البيت لأنك بعد ما ترجع هتلقى نفسك مش فاكر او لو فيها خبطات او تجريح لانك هتشوف كثير. صور بالموبيل للحاجة اللى تعجبك وتحس انك هتشتريها......

بالتوفيق وطبعا مش تبخل علينا وقول لنا عملت ايه فى المشوار بتاع وأيه أخبار الأسعار.