مصر موتورز مجتمع السيارات - تقرير صيانة 1000 كيلو بكيا سيرفس المعادى

مصر موتورز مجتمع السيارات (https://www.masrmotors.com/vb/index.php)

- كيا سيراتو Cerato (https://www.masrmotors.com/vb/forumdisplay.php?f=137)

- - تقرير صيانة 1000 كيلو بكيا سيرفس المعادى (https://www.masrmotors.com/vb/showthread.php?t=61980)

رد: تقرير صيانة 1000 كيلو بكيا سيرفس المعادى

اقتباس:

المشاركة الأصلية كتبت بواسطة kmatrex (المشاركة 466245)

الاخوة الاعزاء بصراحة انا كنت مقلق شوية من حكاية الضمان الخليجى وخصوصا ان التجربة السابقة لى كانت نيسان صنى وتوكيل السبع بالمعادى وكانت هذة المرة اول تجربة لى فى كيا وكمان ضمان خليجى انا كنت شارى الضمان من شركة اسمها AAA وبصراحة كنت منسق مع المهندس محمد السيد مدير بيع الضمان ان يقوم بالتوصية على فى الضمان (اصل احنا ضربنا صحبية مع بعض ) وبصراحة كلمتة والراجل متاخرش قالى روح مركز الصيانة وكلمنى من هناك وبعدها ب نص ساعة فوجئت بوجودة (شخصية مرحة ومحترمة جدا ) المهم نيجى بقى للشغل والمهم

1-استلام السيارة طريقة محترمة وبنفس طريقة الوكيل السبع السايق بالنسبة للنيسان بصراحة وجدت نفس الطريقة المحترمة وكشف السيارة والملاحظات وشرح ماسوف يتم عملة وكماب بالتكلفة (كنت مفتقد هذة الجزئية فى السبع ) وكمان اى ملاحظات او متطلبات خاصة مثل الغسيل -النتروجين -الخ المهندس كان ظريف واسمة احمد سمير على فكرة الملاحظة لى كانت المرايا الخاصة بالسائق بتصفر صوت عالى مزعج

2- بعد الاستلام وكانت السيارة رقم 3 على الدخول ذهبت الى الاستراحة هى محدنقة حبتين بس بصراحة منظمة ومكيفة واهم حاجة نظيفة يوجد بها 2 شاشة LCD واحدة لمتابعة السيارة داخل الورشة والثانية للمشاهدة البرامج

3 دخلت السيارة للعمل الصيانة تغيير زيت 10.000 شل وتغيير فلتر -تربيط عفشة -مراجعة السوائل - الخ

4- غسيل الموتور بالفوم والمياة انا كنت مستغرب موضوع المياة وسالت المهندس قالى لا تقلق احنا عارفين بنوجة المياة بطريقة معينة وفى الاخر احنا المسئولين امامك

اثناء متابعتى للغسيل والسيارت السابقة فوجئت بعدم وجود الغطاء العلوى للماتور حيث انة موجود فى السيارت السابقة وبسوالى للمهندس احمد افاد بان الخليجى 2012 الاردنى لاتاتى بهذا الغطاء وسالتة عن اهميتة افاد بانة مهم حيث يقوم بغطاء الرشاشات والجزء العلوى للماتور وبصراحة طلبت تركيبة فقام بطلبة وتركيبة فى خلال 15 دقيقة طبعا دة برة الحساب وادى 350 جنية ظهرو بالنسبة لى فجاءة

5- بعد غسيل الماتور والذى منة 350 طبعا خرجت السيارة للغسيل الخارجى وبصراحة اتغسلت بضمير جانب مركز الخدمة

6- نيجى باقى للملاحظة الوحيدة الى عندى وهى مراية السائق وهنا كانت المفاجاءة ان صوت الصفارة دة عيب فى المرايا ولازم تغيير هنا ونقطة باقى ومن اول السطر

طبعا انا مكدبش عليكم اتخديت وقمت ناديت للمهندس محمد السيد اية يابو حميد الكلام دة احنا متفقناش على كدة اقلى متقلقش هاغيرهالك على حساب الضمان لان دة عيب فى مريات السيراتو كدة باقى الكلام باقى تمام وبرجوع الى المهندس احمد مسئول المركز افاد بانة سوف يقوم بطلبها وان شاء الله تركب فى خلال يومين ان شاء الله

يارب اكون اقدرت اوصل التقرير بصورة سليمة ومش مملة حيث انة اول تقرير لى بصحبة سيادتكم واخص بالشكر المهندس محمد السيد مدير مبيعات الضمان السيد احمد مدير مركز الخدمة على التعاون وحسن الضيافة

والسلام عليكم ورحمت الله وبركاتة

عاوز اعرف اية اللي حصل في المراية ارجو التوضيح لو في اي مشاكل

رد: تقرير صيانة 1000 كيلو بكيا سيرفس المعادى

:010104~171::010104~171:: 010104~171:

رد: تقرير صيانة 1000 كيلو بكيا سيرفس المعادى

استاذ /محمد
صباح الخير
اولا :اشكرك على حسن متابعتك ومجهودك فى خدمة العملاء

بالنسبة للمريا قام أ/محمد السيد مشكورا بتغيير عدد 2 مرايا بمريات بها اضاءة (اشارة ) نظرا لعدم تواجد المريات الخاصة بسيارتى (بدون اضاءة فى التوكيل ) مجهود يشكر علية نظرا لتغيرة 2 مرايا بدلا من واحدة فقط التى بها العيب وهذا يثبت حسن التعاون
اخيرا شكرا للاستاذ /محمد السيد

رد: تقرير صيانة 1000 كيلو بكيا سيرفس المعادى

اقتباس:

المشاركة الأصلية كتبت بواسطة kmatrex (المشاركة 520182)

شكر وتقدير
حبيبي لاشكر علي واجب وانا بحترم فيك ثقتك فينا ولك خالص الشكر والتقديروه\ة شهادة نعتز بها في تريبل اية

رد: تقرير صيانة 1000 كيلو بكيا سيرفس المعادى

عن تجارب شخصيه و مع زملاء و مشاكل مقرؤه فى المنتديات....احذر من التعامل مع هذا المركز النصـــــــــــــــــــــ ــــاب بجميع المقاييس...قطع غيار بتتبدل و العربيه بتتبهدل ,شوف بيسوقوا عربيات الناس هناك ازاى كأنها بفلوس حرام و كل اللى بيحصل ان العربيه بتدخل تغير زيت و فلتر و يتغسل الحوض و تتقلب و خلاص على كده و بيتفك منها قطع الغيار الاصليه و يتحط قطع غيار مضروبه و انت ولا دارى بأى حاجه حضرتك قاعد جوة مش شايف حاجه...و من الأخر أ/محمد السيد بتاع AAA صديق شخصى مقرب جدا أ/ لسعد رشاد مدير و صاحب المركز و البعض بيقول شركاء ((الله أعلم)) فى هذا المركز عشان كده كل الشغل بيروح عليه و كلم أ/محمد سيد قله اروح فين يقولك روح هذا المركز !!!! وتيجى تسأل اى حد من اللى بيعملوا صيانات محدش بيشكر , واحد بيعمل صيانه لعربيه كارينز صيانه 10000 غيروا فيها حاجات ب1780 جنيه الفاتورة فى الاخر ليه و الراجل كان هيتشل منهم و واحد صيانه ال50000 دفع 2750 و كان رايح مغير زيت و فلتر انا قارنت الفواتير دى بفواتير ناس عامله صيانه فى التوكيل لقيت فواتير التوكيل اقل من الارقام دى بكتير !!! وازاى ده بعد عدد الكيلوات ده بس و واحد بيشحن فريون يقولوا ده بره الضمان AAA و الشحن ب 250جنيه اللى هو ب 140 او 150 فى اى حته فى الدنيا و صيانه ال5000 كيلو ب 150جنيه انا شخصيا دى جننتنى عشان التوكيل اللى هو وكيل العربيه نفسه بيعملها ببلاش ازاى انت تاخد فيها 150 جنيه و ليه عشان بيراجع على الزيت و السوائل اللى هى انت ممكن تعملها بعنيك المجردة او عند ميكانيكى ب 20 جنيه و يغسلك العربيه و يقولك خلصت بجد عيب اوى و AAA بتعوض فى مشاكل بسيطه مرايه , فانوس ....الحاجات الخفيفه دى لكن فى المشكل الكبيرة بيقولك اى مسكنات و خلاص عشان ميتطلعش تعويض للعميل , بصراحه شركه غير مريحه فى التعامل و الدليل ابحث هنا فى الموقع و فى نايل موتورز هتلاقى ناس كاتبه عن مشاكل فى عربيتها و متحلتش لحد الان و هما مأمنين فى AAA اظن ان العميل المفروض تتحل مشكلتوا ايا كانت نوعها امال اسمه ضمان ازاى , انا بجد ورا الموضوع ده و هجمع الناس اللى ليها مشاكل و هشوف محامى و هنشوف ايه الجراء القانونى اللى ممكن يتخذ ضد هذه الشركات و المراكز النصابه