رد: لو يرضيكوا ( اتنفخ ) اوك
 

والله يا باشا انا بدور على ريدياتير
مش لاقي ف كل محلات قطع الغيار
يريت لو حد عارف الاقيه فين
وتمنه يبقى ف حدود كاااام؟

رد: لو يرضيكوا ( اتنفخ ) اوك
 

لو انت من القاهرة فية عند واحد اسمة جورج فى التوفيقية هوة مختص بالعربيات الدايهاتسو لو انت من الاسكندرية فى واحد اسمة على نجم فى صلاح الدين متخصص فى الدايهاتسو
بيعمل حوالى 700 جنية استيراد
لو عربيتك مانيوال يبقى فصل واحد نحاس عند اى حد بتاع رداتير حيتكلف 400 جنية
لو اتوماتيك يبقى ما قدماكش غير الاستيراد
بس حاول اكشف على الراديتير الاول وبعد كدة طرمبة المياة

رد: لو يرضيكوا ( اتنفخ ) اوك
 

بصراحة التريوس دى عربية حلوة وعملية بس للى استعماله خفيف ومش بتاعة سفر يعنى داخل المدينة انا جيبت واحدة فى شهر 4 اللى فات لما جيت اشتريها صاحبها قالى انها مش محتاجة اى مصاريف غير سمكرة ودوكو مع انى كنت جايبة معايا ميكانيكى يكشف عليها بس الظاهر والله اعلم انه مش ولا بد قالى مفيهاش اى مشكلة وقدام الراجل عشان ال ايه يقلل من سعرها قالى محتاجة اسطوانات مع انى شرياها اوتوماتيك والاوتوماتيك مافيهوش اسطوانات ..ما علينا انا كنت لسة متعلمة سواقة وقولت اكمل تعليم عليها بعد مصاريف على السمكرة والدوكو استلمتها بعد 10 ايام الاقي فى الملفات العربية صوتها غريب (صوت طقطقة)لما سالت قالولى دى الكبالن روحت اغيرها وطبعا المقصات لازم تتغير مع عفشة طبعا ومساعدين دة غير الكهربا بتاعتها بصراحة انا من ساعة ماشتريتها صرفت عليها اكتر ماستخدمتها
بالنسبة لمشكلة الرادياتير فانا كنت كل مانزل بيها الاقى الماية ناقصة جدا ولازم ازودها حوالى لتر ماية على الاقل والمشكلة كانت بسبب غطاء الرادياتير مش موجود فالماية بتتبخر بسرعة ولما كنت اسخن العربية عداد الحرارة مش بيعلى معايا غير لما كنت امشى بيها مسافات طويلة انا بصراحة اخر مازهقت بيعت العربية والمشكلة مش فى التريوس نفسها المشكلة فى امانة صاحبها وربنا يهديك على حل لمشكلتك.

رد: لو يرضيكوا ( اتنفخ ) اوك
 

أنا حاسس إنك مش عايز تروح لبتاع رادياتير مش عارف ليه، مع إنه هو إلا هيحل المشكلة، وإذا كان المشكلة تسريب في الرادياتير هيلحمه والمشكلة تتحل. وإذا كان في الغطا هو هيقولك. وإذا كانت الأخيرة ويارب ما يطلعش كدة هيبقى جوان وش سلندر، وبرده بتاع الرادياتير هيفيدك، فريح نفسك واطلع على بتاع رادياتير كويس