مصر موتورز مجتمع السيارات - تقرير صيانة 10000 كم للسيارة مازدا 3 2010 ( زفت )

مصر موتورز مجتمع السيارات (https://www.masrmotors.com/vb/index.php)

- مازدا MAZDA (https://www.masrmotors.com/vb/forumdisplay.php?f=34)

- - تقرير صيانة 10000 كم للسيارة مازدا 3 2010 ( زفت ) (https://www.masrmotors.com/vb/showthread.php?t=58649)

رد: تقرير صيانة 10000 كم للسيارة مازدا 3 2010 ( زفت )

والله يااستاذ علي ربنا يعينك , هوه أنا بصراحة معاك في اللي حضرتك حتعمله على الأقل مش علشانك علشان اللي حيروح بعد كده , يمكن لما كذا واحد يعمل زي ماحضرتك حتعمل يمكن يكون في نتيجة , وممكن نعمل حملة ضدد أي توكيل حرامي إن إحنا نتكاتف وماحدش يروح للتوكيل وأعتقد ده حيكون درس ليهم كويس ممكن يجيب نتيجة حتى ولو بعد فترة , المهم النفس الطويل

رد: تقرير صيانة 10000 كم للسيارة مازدا 3 2010 ( زفت )

اقتباس:

المشاركة الأصلية كتبت بواسطة cars admire (المشاركة 445336)

إرسال e-mail لشركة مازدا في اليابان
DO IT NOW JUST DO IT
!!!!!!!!!!!!!!

:fun_36_1_39[1]::fun_36_1_39[1]::fun_36_1_39[1]::fun_36_1_39[1]:

اقتباس:

المشاركة الأصلية كتبت بواسطة سيف الدين سعيد (المشاركة 445378)

توكيل أبو الفتوح بيعمل كده برضو فى اسبيرانزا . وبيجبرك انك تروح مره كل ثلاث شهور تعمل صيانه . وتكع 300 جنيه زى الباشا

ربنا على الظالم و المفتري :srus:

اقتباس:

المشاركة الأصلية كتبت بواسطة Toyota Corolla (المشاركة 445458)

والله العظيم ده حاجة تحرق الدم فعلا الناس ديه مش عارفة انها هتتحاسب ولا هيروحوا من ربنا فين
عموما اللى اتاخد منك فى الدنيا تاخدوا فى الأخرى أضعاف

كلام مضبوط بس أنا مش عايز أبقى سلبي
أحاول و رزقي على الله

رد: تقرير صيانة 10000 كم للسيارة مازدا 3 2010 ( زفت )

اقتباس:

المشاركة الأصلية كتبت بواسطة mohamed456 (المشاركة 445477)

'MazdaCustomerAssistance@ mazdausa.com'
هوا دا الاميل لمازدا امريكا
بس ماعرفش مازدا اليابان اية؟؟؟؟؟؟؟؟؟؟
و لازم يا جماعة يبقى صوتنا واصل للمازدا اليابان عشان المفروض يرخصوا قطع الغيار و المصنعيات و كمان الوكيل مايسرقش فى الناس

كلامك صح برضه
بس أنا لي تعلق على الأحداث حاقوله في مشاركة منفصلة إن شاء الله

اقتباس:

المشاركة الأصلية كتبت بواسطة aboelesaad (المشاركة 445613)

استاذي الغالي بعد التحيه

بالنسبه للموضوع انا لو مكانك مش هعمل حاجه
لانك بالفعل خسرت بتاع 200 ج وحركه ملهاش لازمه بس اكيد اتعلمت و فهمت الدرس كويس و هي سرقه التوكيل في جميع الاماكن

لو بعت رساله لليابان او عملت شكوي في حمايه المستهلك هيطلع عينك و بنزين و قرف و قواضي و علي اي ده كلو مادام الموضوع مفهوش مشكله بالعربيه لا قدر الله هي سرقه يبقي متعاملش معاهك و اقعو ببوزهم و انتهينا

انا مبقتش بروح للتوكيل نهائي لان كلها صيانه و بعملها برا في مراكز للاسبرانزا ب 30 ج اروح لي بقي للتوكيل ؟؟؟؟؟ ومش بغير حاجه يعني مهياش عامله حادثه لا قدر الله

قطع غيار برا و فنيني كويسين ولو عايز قطع غيار من التوكيل هجبها فلي ادفع مصنعيه كده ؟؟؟؟؟

راي الشخصي و الي عملته قبلك
بحاول اتناسي عشان دمي ميتحرقش اكتر
وبتعلم و بشوف بدائل

وبالتوفيق يارب

جزاك الله خيرا
بس اللي فارسني الاستغلال مش موضوع فرق الفلوس بس
و بعدين شفت عمرك في حياتك موتور 1600 بياخد 4,5 كيلو زيت ؟؟؟!!!
دي سرقة عيني عينك

رد: تقرير صيانة 10000 كم للسيارة مازدا 3 2010 ( زفت )

اقتباس:

المشاركة الأصلية كتبت بواسطة hyundai2005 (المشاركة 445720)

ربنا معانا والله كل التوكيلات اصابها صرع وطمع غريب ربنا يسترها علينا ويقوينا عليهم

ربنا يكرمك
و بعدين مش انت مشرف الياباني
قولي اعمل ايه بالضبط
انصحني
ولا انت مشرف على الفاضي :):)ROSE4U

اقتباس:

المشاركة الأصلية كتبت بواسطة corsair (المشاركة 445775)

الله يعينك يا استاذ علي معلش ديه ضريبة ركوب الياباني لازم يخربو بيت اي حد يفكر يعمل صيانه عندهم

والله يا استاذ علي بعمل الصيانة بتاعت عربيتي دلوقتي عند كام واحد من حبايبي بره ومش قادر اقولك علي كمية التوفير اللي بوفرها وبريح دماغي من الانتظار الممل بتاعهم وقلة الضمير بتاعت شغلهم قبل كدا خلوني روحتلهم مرتين علشان اعمل ريجلاش للفرامل وقولهم الفرامل تعبانة بشد الهاند والعربية ماشية ولا كأن في اي ريجلاش اتعمل

وروحت عملتها بره في خمس دقائق ورجعت 10/10

ربنا يكرمك يا أبو حميد
أنا فعلا شكلي حاعمل الصيانة برة التوكيل و مش حاروحلهم إلا في الحاجات الكبيرة أو المشاكل لا قدر الله أو قطعة غيار مزنوق فيها
و طظ في الضمان لأنهم مش حاينفعوني لما حاجة تبوظ:12F099~16:
الاجابة : تونس ايه ياترى

اقتباس:

المشاركة الأصلية كتبت بواسطة عمرو سيف (المشاركة 446194)

ربنا يكرمك
على العموم حاتسمع بقية الحكاية إن شاء الله

رد: تقرير صيانة 10000 كم للسيارة مازدا 3 2010 ( زفت )

سيدى الفاضل / واضح انك مهندس ميكانيكاو انا احب انصحك لوجه الله

- أولا متسكتش عن حقك و قم بتنفيذ جميع الاقتراهات و خلافه (مع يقينى انك لن تجنى او تعوض شيئا).

و لكن احنا المصريين لازم نتغير ، و لازم نتعلم اتقان العمل و اتمامه على اكمل وجه ، انت من حقك انك تحصل على خدمة جيدة مش تهريج مرة 4 كيلة و مرة 4.5
امال احنا هنتقدم ازاى.
انت لما تعمل الحاجات دى بتعملهم دوشه ن و تخليهم يخافوا يكرروها تانى ، مجرد ملاحظة او تكرار الشكوى منك و من غيرك ممكن يضرهم جامد و بالذات فى اليابان.
ارجوك متسكتش عن حقك ، بغض النظر عن المبلغ اللى خسرته صغير او كبير و لكن عدم السكوت من اجل المبدأ ذاته.

و الله يا اخوانى انا شفت ناس بره مصر بتعمل مشاكل على مبالغ هايفة ممكن 10 جنيه ، و لكن الموضوع مش موضوع فلوس الموضوع موضوع مبدأ اتقان العملو الاحسان ، و ده للاسف اللى دينا الحنيف بينادى بيه و احنا تناسيناه تماما.

ممكن يكون تفكيرى غريب شوية ، لكن و الله قطرة ماء ورائها قطرة ماء .... يمكن ان تفلق الحجر.

و ربنا يهنيك بعربيتك و يسلمها لك من كل شر.