مصر موتورز مجتمع السيارات - سؤال بخصوص الفتيس الاوتوماتك ارجو التوضيح

مصر موتورز مجتمع السيارات (https://www.masrmotors.com/vb/index.php)

- نيسان NISSAN (https://www.masrmotors.com/vb/forumdisplay.php?f=32)

- - سؤال بخصوص الفتيس الاوتوماتك ارجو التوضيح (https://www.masrmotors.com/vb/showthread.php?t=58253)

رد: سؤال بخصوص الفتيس الاوتوماتك ارجو التوضيح

بصي طالما حتقفي كتير يبقي تجيبي العربيه علي n اما لو حتقفي ثواني وبس عادي خالص شيلي رجلك من البنزين واكسري يمين وشمال براحتك بس دوسي علي الفرامل لان العربيات الاوتو كلها بتتحرك ببطئ اول ما تديها ال d فخلي دايما بالك من النقطه دي

رد: سؤال بخصوص الفتيس الاوتوماتك ارجو التوضيح

اقتباس:

المشاركة الأصلية كتبت بواسطة hyundai2005 (المشاركة 442760)

اما وضع ال p دي اختصار للركن واكنك شاده فرامل اليد واكتر العربيه بتكلبش فالارض وعادي ممكن تدوري علي ال p او n مافيش مشكله بس لما تركني العربي خليها دايما علي p

على فكرة فية عربيات مش فاكر تويوتا تقريبا
العربية مابتدورش الا وانت عاملها على ال P
ماتدورش خالص على اي وضع تاني
كمان في عربيات اصلا المفتاح مابيخرجش من الكونتاكت الا وانت جايب ال P
يعني نوع من انواع الحماية مش اكتر

رد: سؤال بخصوص الفتيس الاوتوماتك ارجو التوضيح

الفتيس اللى فى الصورة ده مش موجود الا فى بعض العربيات الحديثة فقط ...

ولكن الفتيس الشائع والمعروف بيكون شكله كده ..

http://www.motorward.com/wp-content/...ansmission.jpg

وده وظيفة كل وضع من اوضاع الفتيس ..

P ده وضع التعشيق .. بيخلى العربية معشقة وهى واقفة .. يعنى زى ما بتكون العربية المانيوال واخدة غيار ومبطلة بالظبط ..

ولكن الاختلاف انه ممكن العربية تدور والفتيس على الوضع ده وتفضل واقفة عادى ....

وضع R ده زى وضع المارشدير بالظبط فى المانيوال ...

وضع N ده وضع المور .. وده فى حالة الوقوف المؤقت (زى الاشارات او غيره يعنى لو مش هننزل من العربية) ...

وضع D وده وضع السواقة العادى .. يعنى العربية بتاخد كل غياراتها اتوماتيك بدون التدخل من السائق .. ونظرية عمله انه بحدد الغيار المناسب حسب ضغطه البنزين .. يعنى فى حالة الضغط جامد بيحس ان السواق عاوز يجرى فبيقوم يسقط غيار (ينزل نقله يعنى) .. وفى حالة تخفيف القدم على البنزين يزود غيار لانه بيحس ان السائق مش محتاج تسارع قوى ...

وضع 2 .. وده بيخلى الفتيس مينقلش بعد التانى .. يعنى يمشى اول وتانى بس .. ومفيد فى حالة نزول المنحدرات الحادة مثلا (الوضع ده استخدامة مش كتير يعنى ملوش لازمة اوى) ..

وضع 1 او L .. وده بيخلى العربية تمشى على الاول بس ومتزودش عنه .. وده مفيد فى حالة جر عربية تانية مثلا او صعود منحدر قاسى ....

العربية الاتوماتيك مينفعش تدور غير على P و N فقط ..

وفى بعض العربيات الاتوماتيك بيكون لازم ندوس فرامل علشان الفتيس يتحرك معانا (زى العربيات الالمانى كده) ..

العربية الاتوماتيك لما بنجيب الفتيس على اى وضع من اوضاع الحركة (P و R و D و 2 و L) بتبدأ تتحرك لوحدها بدون الضغط على البنزين .. كأننا بنطلع بالدبرياج فقط فى العربيات المانيوال .. ولكن لما بندوس فرامل العربية مش بتبطل زى المانيوال طبعا ...

والفتيس اللى حضرتك جايبه صورته ده فتيس فيه خاصية اسمها استيبترونيك .. وده بيتخلينا نقدر نتحكم فى نقلات الفتيس يدويا فى حالة الشد والجرى وكده ...

يا رب اكون قدرت افيدك يا استاذة نوجا ..........

رد: سؤال بخصوص الفتيس الاوتوماتك ارجو التوضيح

اقتباس:

المشاركة الأصلية كتبت بواسطة حسام البورسعيدى (المشاركة 442953)

فعلا انا استفدت جدا بس انا يا افندم نورا مش رانيا وميرسى لك اوى

رد: سؤال بخصوص الفتيس الاوتوماتك ارجو التوضيح

اقتباس:

المشاركة الأصلية كتبت بواسطة hyundai2005 (المشاركة 442853)

اوكى ميرسى اوى اوى اوى كده فعلا تبقى الاوتو اريح لف مرة من المانيوال