مصر موتورز مجتمع السيارات - لماذا لا تنتج سياره فى مصر حتى الان والى متى

اقتباس:

المشاركة الأصلية كتبت بواسطة كومندا (المشاركة 412493)

اقولك انا يا شيخ طارق زمان مش زمان اوى يعنى الحراميه اللى كانوا ماسكين البلد كان فكرهم ازاى ياخدوا بس فكان عندنا مصنع كبير بينتج العربيات اسمه شركة النصر للسيارت وطبعا انته سيد العارفين دى كانت بتجمع العربيات الفيات والشاهين واتوبيسات وتريلات كمان بس طبعا الحرميه مكنوش فاضين يجددوا منتجات الشركه ويجيبوا توكيلات جديده ليها فالشركه انهارت وادينت وفلست حسب كلمهم اللى انا مش مصدقه لان لاخر لحظه الشركه اشتغلتها كانت الشاهين مطلوبه
نيجى بقا لنوع تانى من الحرميه اللى هما اصحاب توكيلات العربيات اللى بيجيبوا توكيلات من الصين وكوريا والهند ويخدوا مكسب فى العربيه اد كده بدليل الوجان المغربى للى كانت نازله ب37 الف وبقدرة قادر نزلة ب56 الف بعد ضغط بعض توكيلات العربيات على توكلها انه يرفع السعر لانه هيوقف حلهم كده
تفتكر بقا بعد كل ده فى حد قلبه على البلد دى يعرف يصنع عربيه وسط الحلوين دول
وبعدين مش لازم نعمل عربيه 100% مصريه نعملها الاول 40% مصريه والباقى نشترك فيه مع الدول العربيه وبكده نكسب تسويق للعربيه فى الدول اللى هتشارك فى تصنعها معانا وواحده واحده نعمل العربيه اللى تبقا 100% مصرى وتقدر تنافس الكورى والصينى اللى مالى البلد و متكونش مليان عيوب تقفيل
واسف على الاطاله

اقتباس:

المشاركة الأصلية كتبت بواسطة tagroup (المشاركة 420030)

علفكرة السؤال اساسا غلط
السؤال الصحيح
مصر بكل فخر اول من صنعت سيارة مصرية 100% الا وهي رمسيس فلماذا لاتقوم بدراسة المشروع مرة اخرى والقيام بنهضتها ودب الروح فيها مرة اخرى والتفكير بصناعة سيارة ثانية ؟
ياجماعة لماذا تنسون انجازاتكم وعلمائكم الافاضل انتم فخر الامة العربية الى يوم الدين
الى الامام ياخير اجناد الارض

مع احترامى الشديد لكل ما قرأته من آراء . وكلها تقريبا تدل على حبنا الشديد لبلدنا ورفعته طبعا .
وانا هنا أخذت مثالين فقط للرد بهما والإستدلال فى رأيى الخاص .
وانا اتفق كل الإتفاق مع رأى أخى كومندا . بخصوص مصانع شركة النصر وهى مصانع مهوله وامكانياتها وخبراتها كانت عظيمه الا انه طالتها يد الفساد والسرقه وباعوها خرده من أجل التكسب والعمولات وما خفى .......
الا أن أخى tagroup أشار الى السياره رمسيس على انها سياره مصريه 100% وهنا أحب ان اشير الى ان رمسيس كانت سياره المانيه تصنع هنا فى مصر مثل الـ 128 و الشاهين مثلا . وليست مصريه كامله . وقد انتجت لمدة 3 أعوام فقط من 1954 وحتى عام 1956 . وقد توقفت لظروف مصر السياسيه والإقتصاديه . رغم انها فى رأيى الخاص كانت خطوه كبيره وهامه فى تاريخ الصناعه المصريه .
اما بالنسبه لموضوع انتاج السياره المصريه فانا منتمى الى أحد المجاميع الهادفه لهذا الغرض . ونحن نخطط لهذا الموضوع وبصدد انشاء جمعيه أهليه تكون بداية هذا المشروع العملاق . وتواجه المشروع عدة عقبات أولها التمويل المالى بالطبع . ثم تجميع الخبرات المتخصصه فى كل ما يتعلق بانتاج هذه السياره بداية من التصميم الخارجى مرورا بكل ما تحتويه السياره حتى نصل الى الموتور . وهناك الخام الداخل فى كل قطعه من هذه السياره . والدراسات الكامله لكل جانب من صناعتها وسيرها وتحميلها والتعليق والمقاومه للهواء والمكابح والإنزلاق وما الى ذلك من جوانب يجب أخذها فى الإعتبار .
كما انه وفى رأيى الخاص جدا . فنحن ينقصنا أهم شئ لكى نتمكن من صنع هذه السياره ولكى نستطيع ان نقول عنها انها صناعه مصريه بحق . الآ وهو الأمانه . وحب مصر بحق .