رد: واخيرا تحقق الحلم مكنة ليجانزا في عربية نوبيرا
 

أنا عندي سؤال مهم جدا لحضرتك وأرجو الاهتمام:
حضرتك بتقول إنك ثبت الموتور 1500 عشان الورق بتاع الموتور الجديد اتحرق
أنا تقريبا واقع في نفس المشكلة؛ لأني مسقط موتور استيراد لعربيتي مازدا 323 في شهر واحد قبل الثورة.
وأخذت صورة من الإفراج الجمركي، والمفروض الأصل كان هيتبعت من مرور بور سعيد على مرور السلام بتاعي.
لكني اتصلت بمحل الاستيراد بتاع بورسعيد اداني رقم الصادر وتاريخه بس قالي ممكن الورق ما يكونش راح مرور السلام لأن مرور بورسعيد اتحرق يوم 28 يناير، وإحنا بعتناه يوم 26 فممكن يكون اتحرق في المرور.
بصراحة أنا لسة ما سألتش في مرور السلام هل الورق وصل ولا لأ، لكن بفرض إنه اتحرق فعلا، هل ممكن أثبت الموتور بالصور إلا معايا، ولا إيه الإجراءات.
وشكرا ليك مقدما

رد: واخيرا تحقق الحلم مكنة ليجانزا في عربية نوبيرا
 

صحيح، الف مبروك يا موكو ربنا يبارك ليك فيها

رد: واخيرا تحقق الحلم مكنة ليجانزا في عربية نوبيرا
 

بترجع تاني لبوابة 20 وبتعمل بدل فاقد للورق اللي معاك صورة وترجع تبثة في ادارة المرور اللي في بورسعيد جنب البوابة في قسم الأفراجات وتمضي الظابط و تختمة و ترجع للمرور بتاعك و هترخص علاطول بأذن الله

رد: واخيرا تحقق الحلم مكنة ليجانزا في عربية نوبيرا
 

الف الف مبروك
بس كان رأيي فعلا تاخد الفتيس الاتوماتيك بتاع النوبيرا
علشان تبقي ركبت الموتور بالفتيس بتاعه و تضمن اداء افضل

رد: واخيرا تحقق الحلم مكنة ليجانزا في عربية نوبيرا
 

و الله الميكانيكي بتاعي قالي نفس الكلام
و لكن الموضع انة كنت عاوز اقلل اكبر قدر من التكاليف و خصوصا ان الفتيس بتاعي كان شغال كويس فميش داعي اغيرة و انا بفتيسي دة جبت 200 هو انا عاوز اكتر من كدة اية