مصر موتورز مجتمع السيارات - لو اتمسكت على الصحراوى والرخصة منتهيا من 7 سنين هيعملوا فيا اية

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

رد: لو اتمسكت على الصحراوى والرخصة منتهيا من 7 سنين هيعملوا فيا اية

اقتباس:

المشاركة الأصلية كتبت بواسطة matmm (المشاركة 386491)

كل دة لية انا عملت اية لكل دة بس ولية طب الحبس ما يسحب الرخصة وخلاص

كل دا ليه؟؟!!!!!
حضرتك كسرت كل القوانين
و كل قانون له بنود و له عقاب
و انت بترخيصك للعربيه وافقت علي البنود اللي في القانون
و عدم اتباعك للتعليمات تكون خارج عن القانون و تتحمل العقوبه
و الا لو بتفكيرك
لو مثلا و انت سايق خبط واحد قريبك و قتلته لا قدر الله
تروح تقول لهم دي عربيتي و دا قريبي و انا حر معاه !!!!!

رد: لو اتمسكت على الصحراوى والرخصة منتهيا من 7 سنين هيعملوا فيا اية

اقتباس:

المشاركة الأصلية كتبت بواسطة matmm (المشاركة 386440)

دلوقتى انا عايز اسافر اسكندرية والرخصة بتاعت العربية منتهيا من 7 سنين وانا كمان مغير لون العربية وكمان العربية مش باسمى لان احنا اشترينا العربية وسجلناها فى الشهر العقارى بس و منقلناش ملكية فا لو سافرت بيها ووقفت فى لجنة هيعملوا معايا اية

بعد متابعه رد الاعضاء اللي كله صح طبعا خصوصا تفصيل اخونا حازم خضر ليك في رده

فيه شوية كلام غريب في النص ومش فاهمه ولا مستوعبه
لو انت شاري النهاردة يبقى انت اشتريت عربية رخصتها منتهية من 7 سنين طيب على اي اساس اشتريت مش يمكن العربية دي تكون عاملة مصيبه او عليها مخالفات اكتر من ثمنها
طيب لو انت شاريها من 7 سنين معقول طول 7 سنيين مهوبتش ناحية المرور ونقلت الملكية والرخصة باسمك ده حتى التجديد كل 3 سنين يعني المفروض تكون روحت مرتين على الاقل
وبتقول مغير اللون يعني مهتم بحالة العربية يبقى مش مهتم ليه بتوثيق العربية

طيب لو هتسافر اسكندرية وعارف وضعك ايه من امبارح او اول او من قبل كده مفركتش ليه تنزل النهاردة او امبارح المرور وتحاول على الاقل تنقل ملكية العربية باسمك ويمكن كمان تلحق تعمل الترخيص بتاعها ( باعتبار انك مهتم بيها وحالتها كويسة وهتعدي في الفحص )
ولو مش حصل يبقى انت كل اللي هيحصلك انك هتمشي بدون ترخيص مش كوم القضايا اللي قالك عليه حازم

رد: لو اتمسكت على الصحراوى والرخصة منتهيا من 7 سنين هيعملوا فيا اية

طب اطول فترة مسموح العربية تقعد من غير تجديد قد ايه

رد: لو اتمسكت على الصحراوى والرخصة منتهيا من 7 سنين هيعملوا فيا اية

اقتباس:

المشاركة الأصلية كتبت بواسطة michohat (المشاركة 386730)

طب اطول فترة مسموح العربية تقعد من غير تجديد قد ايه

3 شهور
لكن ده ولا العربية باسمه ولا فيه رخصة ولا المواصفات مطابقة للملف بتاعها

رد: لو اتمسكت على الصحراوى والرخصة منتهيا من 7 سنين هيعملوا فيا اية

اقتباس:

المشاركة الأصلية كتبت بواسطة michohat (المشاركة 386730)

طب اطول فترة مسموح العربية تقعد من غير تجديد قد ايه

اقتباس:

المشاركة الأصلية كتبت بواسطة sad-bird (المشاركة 386733)

3 شهور
لكن ده ولا العربية باسمه ولا فيه رخصة ولا المواصفات مطابقة للملف بتاعها

شهر واحد ولا يجوز استعمال السياره في هذا الشهر
و يسمي في عرف المرور شهر الحكومه
يعني لو اتمسكت في خلال الشهر دا حتسحب رخصتك
............
اما بخصوص الاخ محمد فعلا انا بستغرب ازاي يمشي دا كله بالاسلوب دا