رد: فريق تويوتا للفورميولا واحد: الفوز أو الانسحاب
 

الشركه الياباني الوحيده اللي كان ليها انجازات في الفورميلا وان كانت هوندا في التمانينات ( ماكلارين هوندا )
ولما بقى ليها فريق خاص في الالفيه نتايجها بقت ضعيفه جدا ... وانسحبت

هو مهندس فادي عنده حق فعلا ... ونسبه كبيره من تفوق الفورميلا وان يعود الفضل فيه اولا للعربيه بتقنيتها في المقام الاول ... و بعدين السائق اللي اصبح زي المكنه او الروبوت ... و طبعا طبعا الدعم الفني و الصيانه
لكن كلام حازم باشا مظبوط ... فيه سائقين استثنائيين ... زي سيينا و شوماخر و هاميلتون
بس احب اضيف حاجه صغيره ...
السائق الماهر او صاحب الموهبه الفذه .... مع سياره ضعيفه حيحسن نتيجتها ...
لكن في نقطه مهمه جدا .. الاستراتيجي
تشوف مثلا انجاز فرناندو الونسو و نيلسون ييكيه جونيور مع رينو .. مع ان معاهم نفس العربيه لكن مهاره و خبره الونسو فرقت كتير 61 نقطه مقابل 19 نقطه لبيكيه .. و قدر بعربيه اقل من الفيراري و الماكلارين يتفوق عليهم في سباقات و يوصل بوديوم 3 مرات منهم مرتين اول ...
وده نتيجه استراتيجيته + موهبته + الخبره ...بالرغم من ضعف العربيه
فده سائق فوق العاده و لا يجري عليه مفهوم الغلبه للسياره .. بالعكس هو اللي قدر بمهارته انه يحقق انجاز للعربيه

رد: فريق تويوتا للفورميولا واحد: الفوز أو الانسحاب
 

طيب ما تويوتا تشترى سواق كويس وخلاص ptmnlo123per1127

رد: فريق تويوتا للفورميولا واحد: الفوز أو الانسحاب
 

رد: فريق تويوتا للفورميولا واحد: الفوز أو الانسحاب
 

الفورميلا وان هي اقوى و اغلى و اسرع بطوله سيارات
وسائقين الفورميلا وان هم احسن وافضل سائقين العالم
زي ما يقال Creme de la creme ... او بالبلدي وش القفص
وابسط دليل انهم بيتدرجو من الكارت للفورميلا 3 لحد ما يوصلو ليها
ولما يعتزلو ..ممكن يروحو يتسلو في الناس كار او الراليات

فالسواق الكويس من منظور الفورميلا وان يتعدو على صوابع شخصيه كارتونيه زي ميكي او بطوط ( 3 صوابع بالكتير )
رأيي الشخصي ان افضل السائقين المميزين حاليا
1- فرناندو الونسو - ( وده كل الفرق عايزاه و يوم ما حيسيب رينو على فيراري حدف )
2- لويس هاميلتون ( شويه خبره كمان و حتشوف وحش كاسر )
3- سيباستيان فيتيل ( لسه شاب صغير و مع الخبره حيظهر مدى تفوقه )

اما الباقي ( مع اعجابي الشديد لفيليبي ماسا ) زي ما مهندس فادي قال ... العربيه هي الاساس

رد: فريق تويوتا للفورميولا واحد: الفوز أو الانسحاب
 

متفق معاك يا أستاذ حازم,
فيه مواهب استثنائية فعلا و مايكل شوماخر منها,
و فيه سائقين عاديين رفعتهم سياراتهم مثل رايكونن مع فيرارى,
طبعا السائق ليه نسبة ممكن يرفع فريقه معاها, لكن لدرجة معينة.
الفورمولا واحد قمة الرياضات الميكانيكية,
و التفوق فيها صعب جدا,
فيرارى مشهورة بأنها تنقل خبرتها فى الفورمولا واحد الى سياراتها العادية, لهذا هى السيارة الرياضية الأكثر تطورا.
أعتقد انو اليابانيين ادامهم الكثير للوصول الى مستوى فيرارى و ماكلارين و لا أعتقد انهم هيوصلوا.
فريق ماكلارين هوندا كان مزود بمحركات فقط من هوندا, لكن بقية السيارة كانت مصممة بطريقة ماكلارين, لكن عندما تولت هوندا كل شىء, فشلت فى صنع سيارة منافسة.