رد: تاريخ لكزس ls من البداية حتى الآن...
 

شكرا ياباشا على الموضوع المميز مع ان العربية نازلة من سنة 2006
لكزس طبعا من سيارات الصفوة و باتت تنفاس و بقوة فى موديلتها الاخيرة و بالذات عندما بدأت تعطى موديلتها الاخيرة شكلا جماليا بالاضافة للفخامة و النعومة ...
معظم الانظمة اللى موجودة فى العربية و حضرتك تفضلت بسردها موجودة فى الوحوش الالمانية قبل لكزس بكذا سنة ...و خصوصا مرسيدس زى نظام البريسيف .. و الرادار طبعا و فى انظمة طبعا موجودة فى الوحوش الالمانية م و مش موجودة فى لكزس بس ده مايمنعش انها سيارة فخمة ..

و لا ننسى النموذج السوبر الرياضى الاخير منها .. الوحش LFA الذى ينافس بقوة وحوش السوبر

و طبعا اكبر و اهم المنافسين للعربية دى بالذات اللى التقرير عنها
فهم اولا عظماء الالمان
مرسيدس الفئة S
بى إم دبليو الفئة السابعة
أودى الفئة 8
بورش بناميرا الفخمة الرياضية
و طبعا الوحش الانجليزى جاجوار XJ

عموما العربيات المذكورة كلها سيارات الصفوة و فى نفس الفئة و يبقى الذوق للمشترى الذى يحدد و يختار السيارة الانسب هل هى الانعم او الاقوى او الاكثر امانا ... مع ان الفروق بينها صغيرة جدا الا انها فعلا اذاواق فى الاخر و فى رايى انا الشخصى فلن اركب يوما سيارة يابانية ما دمت قادرا على شراء الألمانية ....

بالنسبة بقى للمايباخ الألمانية التابعة لمرسيدس و الرولز رويس الانجليزية الاصل و التابعة لمجموعة بى ام دبليو حاليا
فتلك السيارات لا تقارن بتاتا باللكزس أو بأى من السيارات المذكورة قبلا

فهى ليست سيارات الصفوة بل سيارات صفوة صفوة صفوة صفوة الصفوة و سعر الواحدة منها يمكنه شراء أربع او خمس سيارات من تلك اللكزس

و ربنا يوعدنا و يوعدكم يا رب

رد: تاريخ لكزس ls من البداية حتى الآن...
 

تعرف ان الاودى R8 تجبها
عموما وبعدين لكزس بس انظمة انما فخامة ماتلاقيش وده من واقع تجربة انا كنت
عامل تجربة مجانية لـ 760 il والمرسيدس الـ S ( بانوراما )
وجيت عملت تجربة برضوا للكزس الـ GS460 طبعا مافيش اى نوع من انواع المقارنة ده عالم وده عالم تانى
انا مبنكرشى ان لكزس اول شركة سيارات مبتكره نظم انوار الليد وان فيها انظمة تتفوق على البى ام والمرسيدس بس بالنسبة للفخامة متقدرشى ابدا حتى فى المنتدى موضوع بأسم : مرسيدس لماذا ندفع فيها كل هذه المبالغ هنا الجواب .
الموضوع ده عجبنى جدا وقلت بعدا الريادة للألمانى لان بكل بساطة مفيش عربية خرجت من المانيا الا وكانت توب فى الفخامة
اما بالنسبة لو انت بتتكلم عن الجاكوار الـ XJ فهيا الصراحة اديها نسبة 95 % فخامة والباقى انظمة لان جاكوار
خسرانة سنة 2008 30 مليون دولار استرلينى وكان السبب طبعا فى نظام المكابح الجديد اللى حطته فيها ومنقعشى بسبب انه بيعد ساعتين تركيب وده اثر على خط التصنيع والتجميع ان جهاز يعقد فى تركيبة كل الساعات ديه وخصوصا انه حساس جدا والمصادر موجوده على فكره لو عايز تتأكد

وبعدين ايه ياباشا انتا عايز تقارن مايباخ62 ورولز رويس فانتيوم مع بعض ...... على العموم هما كلهم المنيين يصطفلوا مع بعضعهم مالناش دعوه ( مع ان الفوز لرولز طبعا نظرا لعدد السيارت اللى بتنتجها كل شركة مرسيدس بنز سياراتين فى اليوم الواحد تخيل ..... ده دليل على الاتقان حتى لو كان عدد السيارت قليل ورولز رويس 4 سيارات باليوم الوحد على العموم العربيات ديه سوقها واقف مين مجنون يدفع مليونين فى عربية اروح اتصدق بيهم احسن
وبعدين صفوة ايه حرام عليك ...... طيب عربية صفوة بس فى جيبى هتخلينى اشحت بيها فى الاشاره هتخلص على كل الفلوس ما فيش روح د لك موديل 2004 من طراز 64 .
************************* ************************* ************************* *********************
بارك الله فيك وفى معلوماتك (((((لو سمحت ممكن اعرف وظيفتك الرسمية ))))))

رد: تاريخ لكزس ls من البداية حتى الآن...
 

السلام عليكم
اخبارك ايه يا باشا يا رب تكون تمام

أولا أنا من أشد المعجبين و المتحيزين بقوة للسيارات الالمانية لأنى اعرف الفرق جيدا بينها و بين كل الصناعات الاخرى ... بس الكلام اللى بنقوله كله احقاقا للحق فقط لا غير

الاودى R8 يا باشا صعب انها تجيب ال LFA إلا لو كان قصدك بقى R8 V10 الجديدة العشرة سلندر و اللى معمولة عشان تبقى فى نفس فئة السيارات مثل لمبورجينى جلاردو و مرسيدس SLS الوحش المجنح لأنهم قوتهم الحصانية قريبة من بعض جداو الاداء كمان متقارب

عموما هى أول مرة لكزس تعمل عربية زى دى فا دى نقطة تحسب ليها
و انا سقت يا باشا المرسيدس البانورما الجديدة و قبلها سقت الفياجرا و سقت طبعا عربيات المانى كتير زى البورش كايين و كذا حاجة فولكس منها الطوارق و الباسات
و ركبت البى ام الفئة السابعة الجديدة بس ماسقتهاش سقت الفئة السابعة القديمة كذا مرة و سقت الفئة الخامسة الجديدة

و كان عندى زمان مرسيدس زلمكة

المهم يعنى انا عارف كويس جدا الفرق بين العربيات الالمانى و العربيات التانية

بس فيه نقطة يا باشا .. ازاى لكزس مش فخمة ؟؟؟ و ايه هى الفخامة فى وجهة نظرك ؟؟؟

طبعا مفيش كلام على الاداء اللكزس فى الاداء هى تويوتا على انظف شوية و طبعا ماتتقارنش بالألمانى

و انا طبعا قريت موضوع المرسيدس لماذا ندفع فيها كل هذه المبالغ و بصراحة انا كنت عارف كل المعلومات اللى فيه من قبل قراءته كمان بس هو طبعا مرجع كويس جدا و مبذول فيه مجهود جامد من استاذنا الكبير احمد كامل

و بالنسبة للجاجوار يا باشا انا معاك فى كلامك و ده موضوع كناعاملينه انا و صديقى شريف منسى عن شوية عربيات فخمة و من ضمنها الجواجوار Xj الجديدة ... شوفه و قولى رأيك

http://www.masrmotors.com/vb/showthr...E1%D3%E6%C8%D1

و طبعا يا باشا المايباخ 62 لازم تتقارن بالرولز رويس فانتوم .. لأنهم نفس الفئة
و اساسا مرسيدس عاملة مايباخ 62 عشان تسحب البساط من تحت الفانتوم فطبيعى جدا انهم يتقارنوا مع بعض .......
و تصحيح معلومة بس .. الرولز رويس انجليزية و ليست ألمانية

و طبعا يا باشا هما دول سيارات الصفوة و اللى معاه فلوس يقدر يدفع و الغاوى ينقط بطقيته بالبلدى يعنى ...

و حكاية مين يتفوق على مين من الفانتوم و المايباخ فا هما الاتنين بيتنافسو و بقوة و انا شخصيا افضل المايباخ طبعا لما فيها من اوبشنز كتييير جدا اكتر من الرولز التى تعتمد على اسمها و تاريخها اكتر من انظمتها و يكفى ان المايباخ المانية


و انا وظيفتى ياباشا (استشارى انظمة اوراكل) مبرمج كمبيوتر يعنى بس معايا شوية خبرة كويسين الحمد لله

انا عن معلوماتى فى السيارات فهى هواية فقط لا غير

و صباحك زى الفل

رد: تاريخ لكزس ls من البداية حتى الآن...
 

اولا شكرا علي الموضوع

ثانيا
اول شركه تنزل ال LED هي اودي و ده في الفوانيس الاماميه
اما الفوانيس الخلفيه فالبي ام الفئه السابعه نزلت بيهم من 2002
و اللكزس عربيه فخمه لا جدال في ذلك لكن مفيش فيها انظمه غير موجوده عند الالمان اللهم الا نظام الركن الاوتوماتيكي و عموما هو نزل دلوقتي في عربيات اقل شائنا و بكفائه احسن


ههههه مش قوي كده
طب شوف ده و قول لي رايك


http://www.youtube.com/watch?v=A5R-oi91bd4

رد: تاريخ لكزس ls من البداية حتى الآن...
 

ازاى ده حتى شركة تابعة لـ BMW والمصادر مش منى من ويكيبيديا ومن الشركة البافرية نفسها

ههههههه والله ديه معلومة قديمة جدا ان لكزس اول شركة سيارات مبتكره انوار الليد دا حتى واخده جائزة كبيره جدا على الحكاية ديه وتدشين الحفل كان موجود على النت بس خلااااااااااص راح

تيجى وتقولى اودى لا والله مااااااااااااااااااا اقبل ( طيب قولى على مصادرك )


متنساش ان الـ GT-R متصلة بالاقمار الصناعية يعنى مهياش سهله ابدا .