مصر موتورز مجتمع السيارات - العربيات ح تجنني والله ...وحالة نفسية سيئة جدا جدا

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: العربيات ح تجنني والله ...وحالة نفسية سيئة جدا جدا

اقتباس:

المشاركة الأصلية كتبت بواسطة hisham853 (المشاركة 370751)

اهم حاجة الثقة بالنفس و لكن بدون تهور
و اقتراح ان واحد صاحبك يمشي معاك ساعة في اليوم ده اقتراح كويس و ابدا في الاوقات اللي تكون فيها الشوارع فاضية الصبح بدري اوي او متاخر ليلا و في البداية طبعا يستحسن انك تبدا في حته فاضية خالص
و ما تقلقش خالص السواقة دي ما فيش اسهل منها و بعدين السواقة لو كانت صعبة كانت البشرية دي كلها اللي انته شايفها سايقة اتعلمتها
قليل من المثابرة و كثير من التركيز تبقي استاذ سواقة و هتفتكر الايام دي و تضحك عليها
طبعا التعليم علي العربية الملاكي افضل لانك هتسوق ملاكي مش نص نقل مع ان الفروق بينهم بسيطة
الموضوع لو ساعة يوميا مع حد بيسوق كويس اعتقد ممكن مش ياخد اكتر من اسبوع يمكن اقل كمان
و في النهاية ارجو لك التوفيق و ابقي قولنا عملت ايه

شكرا جزيلا يا استاد هشام وانا ح اسمع رايك وربنا يوفقني يارب وح اعمل موضوع شكر لكل من شارك في التوبيك ان شاء الله وارفعلكم فيديو او صور وانا سايق وشكرا مرة اخري

رد: العربيات ح تجنني والله ...وحالة نفسية سيئة جدا جدا

اقتباس:

المشاركة الأصلية كتبت بواسطة salmonkalou (المشاركة 370729)

شكرا يا سمير وسالم علي الرد السريع
بس مقولتليش اتعلمتوها في قد ايه بالضبط يعني عدد الساعات او الايام وهل التعليم علي الملاكي كويس لانو في واحد قلي مفيش احسن من التعليم علي التويتا النص نقل

تعليم القياده دى حاجه سهله جدا بس عاوزه دايما استمراريه وتكرار انا عن نفسى كنت بتعلم فى مدرسه القياده كنت بسوق العربيه 3 مرات فى الاسبوع وكل مره ساعتين بس وكل اسبوع اطلع على الطريق السريع 10 دقايق بس والمدرس ينزلنى المدينه على طول وانصحك ماتتعلمش على عربيات نقل فى بدايه المشوار لان العربيات النقل سهله فى سواقتها عن العربيات الملاكى لان العربيات الملاكى صغيره وتحكمك فيها فى بدايه الامر بيبقى صعب شويه وغير انك بتبقى والعربيه مش كاشف الطريق ومالك الطريق قوى غير النقل لان النقل انت بتبقى كاشف الطريق كله لانك بتبقى فوق واعلى من الاخرين ومساحه الرؤيه بتبقى كبيره وعندك مرايات جانبيه كبيره فبالتالى انت بتحس بسهوله السواقه بالعربيات النقل وسواقه العربيات النقل بيبقى ليها متعه خاصه فى سواقتها عن العربيات الملاكى وده احساسى انا شخصيا احب سواقه الاتوبيسات عن سواقه العربيات الملاكى لانه بحس انى مالك الطريق وفيه متعه خاصه فى سواقه الاتوبيسات والنقل غير الملاكى بحس انى مخنوق كده جوه العربيه الملاكى . بالتالى تعليم القياده على الملاكى الصغير هوا افضل طريق لتعليم القياده السليمه وبعد ما تبقى استاز فى سواقه الملاكى الصغير ممكن بقى تركب اى عربيه نقل او اتوبيس بسهوله بدون مشاكل

رد: العربيات ح تجنني والله ...وحالة نفسية سيئة جدا جدا

اقتباس:

المشاركة الأصلية كتبت بواسطة mainz (المشاركة 370773)

شكرا جزيلا علي الرد ...وانا سعيد بمستوي المناقشة وهدا ان يدل انما يدل علي ريادة المنتدي واعضاءه المحترمين فشكرا ليكم جميعا

رد: العربيات ح تجنني والله ...وحالة نفسية سيئة جدا جدا

توكل على الله أولا واخيرا..

جمد قلبك وعيش اللحظة..

وبالتوفيق إن شاء الله

رد: العربيات ح تجنني والله ...وحالة نفسية سيئة جدا جدا

انا بتعلم زيك يا salamon كل يوم جمعة بسوق نص ساعة او اكثر شوية. كل مرة بكون احسن من المرة السابقة. أنا بسوق عربيتى الماتركس. كل مرة بتعلم حاجة جديدة واكتسب خبرة اكبر. الحاجة الوحيدة اللى بيخوفنى هى لما فى عربية بتضرب كلكس علشان تعدينى لانى بمشى ببطئ ( حوالى 40 كيلوا فى الساعة) بخاف ان العربية تروح شمال ناحية الرصيف او ناحية اليمين واخبط فى العربية اللى بتمر جنبى. هذه هى الحاجة الوحيدة اللى بترعبنى وياريت حد ينصحنى اتغلب عليها ازاى