مصر موتورز مجتمع السيارات - عربيتي الاكسنت ........ بجد بجد ... حيرتني؟؟؟؟

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - عربيتي الاكسنت ........ بجد بجد ... حيرتني؟؟؟؟ (https://www.masrmotors.com/vb/showthread.php?t=48795)

رد: عربيتي الاكسنت ........ بجد بجد ... حيرتني؟؟؟؟

وعليكم السلام ورحمة الله وبركاته

اقتباس:

ولا لسه المشكله في حساس البوابه ؟؟؟

للأسف أنا ميال لهذا فعلا

وشاكك فى هذا الحساس

لأن دى عمايله

اقتباس:

عداد ال RPM بيعلي الي قبل الرقم 2 لمدة 5 ثواني ثم ينخفض الي ما قبل الصفر ويرجع يعلي تاني ويوطي تاني وممكن تطفي فعلا

_____________

وهفكر تانى فى فحوى الشكوى

ولو وجدت جديد

أكيد هشارك

رد: عربيتي الاكسنت ........ بجد بجد ... حيرتني؟؟؟؟

اقتباس:

- طبعا علي حسب افتاءات الميكانيكه غيرت طلمة بنزين وفلتر بنزين وفلتر هواء وتم تنظيف الرشاشات ... وما زالت المشكله موجوده

كيف تم تنظيف الرشاشات

وهل تم التأكد من أن حالتها جيده

مفيش تسيل بنزين منها

وهل حريق البوجيهات وأستهلاك البنزين طبيعى

________________________

لو البوجيهات طبيعيه ....والدواره عاديه ( مع وجود الأعراض التى تشكو منها )

يبقى

موضوعك مش هيخرج عن حساس البوابه

رد: عربيتي الاكسنت ........ بجد بجد ... حيرتني؟؟؟؟

والله الرشاشات اتخلعت من مكانها ويا دوب اترش عليها اسبراي تنظيف من الخارج .. وتم تنظيف الماسوره اللي بيركب فيها الرشاشات بالاسبراي ..
الله وكيل انا مش مقتنع بالتنظيف ده .. لكن احقاقا للحق ..
بعد عملية التنظيف الخارجيه دي .. الدواره النتظمت وعداد الrpm كان ثابت بس لمدة يومين ورجعت اتنيلت تاني .. ورجعت للميكانيكي تاني وقالي العيب اكيد في طلمبة البنزين وفلتر البنزين مما اضترني الي تغيريهم .. ولكن بعد التغير محصلش اي تحسن بالمره .. وبعدين قالي دي مشكلة كهربا .. وابتديت امشي في مجال الكهربا
يعني بقيت فريسه للنصابين والفتاتيين
يا رب الاقي عندك الحل لان انا بأطبق بنفسي عملية التصليح .. فيا ريت تقولي علي شرح خطوات التنظيف والاصلاح ان امكن .... وشكرا

رد: عربيتي الاكسنت ........ بجد بجد ... حيرتني؟؟؟؟

اقتباس:

بعد عملية التنظيف الخارجيه دي .. الدواره النتظمت وعداد الrpm كان ثابت بس لمدة يومين ورجعت اتنيلت تاني ..

يبقى لازم تنظف الرشاشات أولا

على جهاز الألتراسونيك

دى أول خطوه ( قبل مانفكر فى موضوع الحساس بتاع البوابه )

علشان نبقى ماشيين صح

_____________

وارد فعلا

أن تنظيف الرشاشات صح على الألتراسونيك

ينهى القصه دى

_____________

شوف مركز تنظيف رشاشات بالألتراسونيك

وخليه يحطهوملك على الجهاز

من أجل النظافه وأختبار عدم تسيلهم

وجرب بعد النظافه

وأبقى قولى على الجديد

___________

أكاد أستشعر أننا هنلاقى المطلوب

بعد نظافة الرشاشات

على جهاز الألتراسونيك

غالبا هتكون المصنعيه فى حدود 80 ج ( مثلا )

رد: عربيتي الاكسنت ........ بجد بجد ... حيرتني؟؟؟؟

للاسف ماعرفش مين ممكن يكون عنده جهاز الألتراسونيك.. لكن هاسأل ان شاء الله
ولكن هل موضوع تنظيف الرشاشات ده ممكن يتم يدوي .. وما هي علامة او دليل وجود عيب في الرشاش ...وهل توجد طريقه مبدئيه لمعرفة الرشاش الذي به مشكله مثال مثلا اخلع فيش الكهرباء منهم بالتتالي زي طريقة البيجوهات... ولو فكرت اغير الرشاشات خالص ممكن الاقي منهم جديد ولا استعمال والسعر ممكن يكون كام ؟؟؟
شكرا ... واسف للاطاله