مصر موتورز مجتمع السيارات - لو شباب التحرير رافضين يروحوا هتقولهم ايه

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - لو شباب التحرير رافضين يروحوا هتقولهم ايه (https://www.masrmotors.com/vb/showthread.php?t=47692)

رد: لو شباب التحرير رافضين يروحوا هتقولهم ايه

طبعا هما معزورين فى تمسكهم الحالى بأستمرار التواجد فى الميدان

لأن اللى شافوه مش شويه فعلا

ولكن ...................!!!!!! !!!!!!!!!!!

عاوز أنصحهم وأكلمهم بمنطق العقل

وأقولهم

كفايه كده ياأبطال وياريت تنتبهوا بأه لبيوتكم وأعمالكم

وكفايه أنكم قدرتم تقلبوا الأمور رأسا على عقب

وصوتكم وصل لكل العالم

وحاليا أمورنا جميعا فى يد القوات المسلحه الباسله

التى رفضت التعامل معكم بعنف

أذا القوات المسلحه منكم وليكم ومعاكم وليست ضدكم

فروحوا وتابعوا تطورات الأمور

وأذا كان على الميدان

فخلاص

أتعرفت الفوله والميدان موجود

يبقى العقل بيقول

نروح ونتابع أعمالنا ونتابع نتاج ثورتنا العظيمه

وخيرا بإذن الله

رد: لو شباب التحرير رافضين يروحوا هتقولهم ايه

اقتباس:

المشاركة الأصلية كتبت بواسطة AboNoRa (المشاركة 357015)

استمرار الاعتصام مطلوب فعلاً لان باقى المطالب لم يتحقق لكن مش المفروض يكون فى التحرير الافضل يكون فى محيط مجلس الشعب والشورى شارع هادى مش هيعيق حركة المرور وكده كده المجلس المزور ده مش هيشتغل الا لما ينفض ويعاد انتخابه

بالظبط هو ده اللى نفسى الناس السلبية تفهمه لأن رسميا الجيش لم يعطى مهلة زمنية محددة لقضاء تلك المطالب وأنا برضه مش مع إنهم يتحركوا من التحرير التحرير خلاص بقى رمز عالمى بس ممكن يخدوا جنب من الميدان عشان الحياة تمشى فيه ولو بنسبة 70% مثلا ويا ريت نفهم يا جماعة إن اللى هناك دول مش عيال صغيرة بتلعب دول ناس من كبار مثقفى المجتمع المصرى بمختلف طوائفهم ناس رجالة بجد ناس بترسم خريطة مصر من جديد فياريت نتكلم عنهم ولو بإحترام شوية لأن الناس دى لها رؤية تخدم فى الأخر شىء واحد هو مصر

رد: لو شباب التحرير رافضين يروحوا هتقولهم ايه

اقتباس:

المشاركة الأصلية كتبت بواسطة @واحد من الناس@ (المشاركة 357023)

لست معك فى كلامك هذا

المفروض نتحرك ونشتغل

وننتظر القرارات

السلبيه هى

عدم التفاعل مع من يعملون

وأنتظار صدور القرارات

وأذا كان على الميدان

فمش حيطير

وفيه غيره كتير حتى لو أحتل الميدان

رد: لو شباب التحرير رافضين يروحوا هتقولهم ايه

انا عن نفسي روحت بعد بيان الخلع
وبيان القوات المسلحة الرائع
اللي اتمني انه يتنفذ بأسرع وقت

بس مقدرش اقول للمصابين واباء وامهات واصدقاء الشهداء
روحوا قبل ما تشوفوا افعال مش بيانات بس

وبرده صعبان عليا الناس اللي اتوقف حالهم ومش قادرين يستحملوا لظروفهم الخاصة

وشايف ان اقتراح استاذنا ابو نورا اقتراح جميل وعملي

ياريت القوات المسلحة تسمح بالاعتصام امام مجلس الشعب والشباب فعلا يروحوا هناك
معلش يا جماعة استحملوا افكار الشباب شوية

ان شاء الله بكره احسن

رد: لو شباب التحرير رافضين يروحوا هتقولهم ايه

حقولهم براحتكوا يا رجالة
يا اللي رفعتوا راس مصر
يااللي رجعتوا حقوق الضعفاء و المظلومين
اللي معرفش القضاء العقيم ان يرجعها
و السلبيين اللي تجاهلوها
عايزين تروحوا براحتكوا
عايزين تفضلوا براحتكوا
مصر باقت حرة و من حقكوا تمارسوا حريتكوا
بس حافظوا على السلمية و عدم الاخلال بالامن
اتبعوا تعليمات افراد الجيش لانه الجهة التنظيمية و الامن في مصر الان
لا تغلقوا الشوارع و واصلوا اعتصامكم
ربنا معاكوا و انا معاكوا و الشعب المصري معاكوا