مصر موتورز مجتمع السيارات - كيف رأى الضرير الاحداث ... حديث ومقابله الاستاذ عمار الشريعي مع منى الشاذلي

اقتباس:

المشاركة الأصلية كتبت بواسطة islam_galal (المشاركة 351169)

المعني وصل يا سامح باشا
و لكن يا تري من فعلا الضرير

الضرير فعلا هو اعمى القلب و البصيره ... اللي نظرته ضيقه لابعد حد ... و بيبص بس على النهارده او بكره بالكتير اوي ... مش قادر يبص لقدام .. مش قادر يشوف ابعد من مدى البصر ....
فاكر ان الدنيا هي دنيته وحده ...
فاهم ان العيشه عيشته و عيشه اهله بس

فاكر ان التخريب انه قاعد في البيت مش عارف يقبض المرتب ... ما هو كان عايش قبل كده بيقضيها ايام ..
فاكر ان اللي عملو الثوره هما اللي خربوا البلد .. و نسي اللي بقالهم سنين بينهبوا و يخربوا ... و يوم ما قامت الثوره ضربوهم وقتلوهم
هو مين اللي انضرب .. مين اللي مات !!
فاكر ان الثوره قامت امبارح تخلص النهارده وبكره الدنيا حترجع زي امبارح تاني
الضرير هو اللي نسي العباره و القطار و عمر افندي ومدينتي و غاز اسرائيل وقانون الطوارئ وحديد عز و العادلي و عز و البلطجه و الانتخابات المزوره و ..... و .... و

واضح اننا فعلا نستحق اللي احنا فيه ... طالما راضيين بيه ..
طالما فاكرين ان التغيير بيجي لوحده ... مش غير تمن ... مع ان مفيش اي حاجه ببلاش .. حتى الحق .. له تمن

بجد ربنا يستر عليهم و علينا ....

انك لا تهدي من احببت و لكن الله يهدي من يشاء