رد: حد عنده فكرة عن المشكلة دي ( فتيس اوتوماتك )
 

أن شاء الله هاغيرزيت الفتيس واقولكم على الوضع
و شكرآلاهتمامكم

رد: حد عنده فكرة عن المشكلة دي ( فتيس اوتوماتك )
 

النهاردهرحتعند الميكانيكي قدرآ
طلبت منه يقيس زيت الفتيس قاليناقص
كملته نص كيلوا قاسه لقاه تمام
العربية نقلت غيارات كويس بس شويهو رجعت تخرف تاني
النهارده لاحظتان الحرارةواضحانها عاليه جدآ بدليل وجود ضغط كبير في خراطيم الميه لكن المروحه ما اشتغلتش
و بعدينالمروحتيناشتغلوا سوا لمدة بسيطةو بعدين فصلوا سوا
واضح انه في مشكلة في التبريد
الأول كانت مروحة واحده بتشتغل و لما الحرارة بترفع جامد التانيه بتشتغل تساعدالاولى
لكن دلوقتي الاتنين بيشتغلوا مع بعض لما الحرارة بترفع جامد
اعتقد مطلوب مشوار للكهربائي
كانالمفروض اروحله النهارده عشان بكره الاحد بس اتشغلت جدآ و ما لحقتش
و بعدين لما الميكانيكي قاس الزيت لاحظت ان لونه مائل للحمرة .. روز يعني
هاروح للكهربائي الاول و اقولكم عالنتيجة

رد: حد عنده فكرة عن المشكلة دي ( فتيس اوتوماتك )
 

رحت عند كهربائي عشان يشوف مشكلة المراوح ايه
الراجل قالي تشتري صباع حرارة جديد
عملت المطلوب
جبته ب 85 جنيه
بعد ما ركبه الوضع ظل على ما هو عليه
العربية سخنة جدآ المؤشر اقل من النص بشويه بس المراوح مش بتشتغل
و فجأة المروحتين بيشتغلوا سوا لمدة بسيطة و بعدين بيفصلو سوا
بيشتغلوا حوالي خمس ثواني بس
و يفصلوا مدة كبيرة
سيبته و رحت لكهربائي تاني طلب تغيير صباع الحرارة
حاولت افهمه اني لسه مغيره و هوه مصمم انه العيب في صباع الحرارة
طيب الجديد و القديم نفس المشكلة بالملي اذاي ؟؟؟؟؟؟؟؟
لكنه قالي على معلومه مهمه
قالي انه في صباع حرارة تاني في كوع المية
فعلآانا شفته بس لما حاول يفهم هوه ليه فشل
شال فيشته ماحصلش حاجه
و لا حتي امبير الحرارة اتأثر
عمله توصيلة ببعضه محصلش حاجه
تفتق ذهنه عن انه ممكن يكون في حساس حرارة تاني جوه الكوع مش شغال
حساس ملوش و لا سلكه داخله و لا خارجه !!!!!!!!!!!!!!!!!!!!!!!!! !!!!!!
طلب مني اروح عند ميكانيكي عشان افك كوع الميه المعدن و اشوف الحساس الي جواه
قالي العربيات الخليجي بيكون فيها حساس ميه جوه الكوع
طب م الحساس ده ظاهر قدامك اهه و ف الكوع برضه
قال لا في حساس تاني جوه الكوع
بس بصراحه هوه ماكنش صاحب الورشة
صاحب الورشة معلم بس هوه مكنش موجود
هاحاول اعدي تاني بكره ممكن الاقيه
لو حد من الزملاء بالاخص ابو سهيلة ممكن يعرفني شغل المراوح دي بيكون عنده لمدة اد ايه و الاتنين معآ و لا واحده بس
يقولي
و شكرآ

رد: حد عنده فكرة عن المشكلة دي ( فتيس اوتوماتك )
 

حاول تجيب ترمومتر وتحطه فى القربه وتبته صح على زور القربه بأى وسيله

بحيث يستمر بعيدا عن الخوص فى القربه نظرا لعمقها الكبير عن طول الترمومتر

يادوب الترمومتر يبقى مغمور فى مية القربه أو الردياتير

( حسب الوضع عندك ) لغطاء تنفيس وضغط دورة التبريد

وسخن العربيه وأنت واقف

وشوف درجة الحراره حتعمل معاك كام

فى وضع أستقرار الحراره العادى على عداد الحراره

جايز فعلا تواجد مشكله خفيه عندك فى دورة التبريد

ممكن يكون سببها أى مكون فعلا فى دورة التبريد

قيس الحراره أولا

علشان نشوفها مقبوله ولا لا

وبدون تشغيلك للتكييف

رد: حد عنده فكرة عن المشكلة دي ( فتيس اوتوماتك )
 

بص هو اللي بيقولك عليه حساس الحرارة اللي في الكوع ده اسمه بلف حرارة ، وعادة في الخليج بيفكوه بيرموه في الباسكت ، هو لزمتة انه في الجو البارد بيخلي العربية تسخن اسرع ، وصحيح ده لا ليه سلك ولا حاجه بيكون راكب جوه الكوع
وحيث انه احنا بقينا زي دول الخليج في الجو الحار نوعا ما ، فهو لو موجود فعلا الغيه افضل.
ثاني حاجه ليا استفسار بسيط بالنسبة لدورة المياه عندك ،، حاول تفتح غطا الراديتير والعربية دايرة وبارده طبعا ، وعبي الراديتير مايه على الاخر ، وحاول تشد سلك دواسة البنزين ( زود بنزين يعني ) وبص على الراديتير وشوف المايه جواه اخبارها ايه ، هل مع دوسة البنزين بتلاقي المايه بتتقلب كويس او بتحاول تعلى وتتكب من الغطا ، يعني عشان تتطمن على طرمبة المايه وان ضغطها كويس

بالنسبة للفتيس فأنا في رايي الشخصي انه سليم ان شاء الله مافيهوش حاجه ، عشان لو في حاجه يبقا فيه من اول ما تيجي تمشي وهي باردة
فأنا مع راي اساتذتنا م/ سمير ، م/ ابو سهيلة في ان نوع الزيت مش كويس ، لان الفتيس الاوتوماتيك اعتمادة الرئيسي في طريقة عمله هو ضغط الزيت ،، فلو الزيت مش كويس يبقا الفتيس حيشتغل ازاي ؟ ، اكيد حيخرف

الحاجه كمان الاهم دلوقتي الحرارة الل عندك ، عشان بسببها ممكن تبوظ حاجات كتيره حرام بصراحة ،، خد بالك ان من الفتيس الاوتوماتيك بيكون طالع منه ماسوره رفيعة ودي داخله جوة الراديتير وده بغرض تبريد زيت الفتيس ، والفتيس طبعا صباح التهييس لو كان سخن. اتأكد من ان المواسير دي سليمه مش واخده خبطه والا فيها عضه خانقة المواسير .
وأخطر حاجه ممكن تتعرضلها انه يحصلك تسرب مياة داخل الفتيس وده امر وارد وخصوصا لو في خلل في وظيفة الراديتير ناتج عن ارتفاع درجة الحرارة. وانا اخشى ان يكون قد حصل هذا وخصوصا انك بتقول ان الزيت لونه شفاف وده غريبه لان اي نوع زيت فتيس لونه محمر ، فلو غيرت انصحك بزيت موبيل او اسو بس خلي بالك في زيت رخيص وزيت غالي والنضيف اللي في حدود 30 ج تقريبا
للكيلو ،، فيجب عليك اخذ الحيطه والبدأ باصلاح الحرارة الزائدة في السياره قبل اي شيئ. جرب الصبح بدري والعربيه بارده خالص افتح غطا الراديتير وشوف في زيت عايم على الوش او لا . وان شاء الله يكون لا
ونصيحه بالمره بقا ،،لما تيجي تغير الزيت غير معاه فلتر الزيت بتاع الفتيس ، كده كده المفروض يتغير بقا العربيه مو 98 كتر خيره

شوف تقليب الماية واطمن ان الطرمبة شغاله كويس ،،، حاول تروح لحد بتاع راديتير وخليه ينضفه كويس ، ولو لزم الامر يسيخه ،، حساس الحرارة لو غيرته تاني ، يبقا غيرته على الفاضي عشان هو يا اما بايظ يا اما شغال مافيش حل وسط فيه ، ولو بايظ ما كنتش حتشوف المراوح بتشتغل اصلا ، واتاكد من فيش المراوح ممكن تكون بتلمس ساعات تشتغل وساعات لا ، وخلي بالك من تهريب الزيوت ان وجد أ عشان لو في ترشيح من زيت الماتور بينزل على صباع الحرارة يبقا حيبقا زي قلته مش حيشغل المراوح ، وجرب شد الفيشه اللي واصله لصباع الحرارة ده وشوف المراوح حتشتغل والا لا
والعربية سخنه جرب بحذر على ايدك طبعا ، حرك الاسلاك اللي داخله للحساس ده لاحظ المراوح بتشتغل مع حركة ايدك ولو اشتغلت حركهم تاني شوف حيفصلو والا لا وكذلك الفيشه اللي داخله للمراوح ،،، لو فصلو يبقا الاسلاك بتلمس وبتعلق مره توصل كهربا ومره لا.
وربنا يعنيك وان شاء الله كل حاجه ليها حل

تحياتي للجميع ،،