مصر موتورز مجتمع السيارات - كلاكيت ثانى مره هام جدا جدا للمترددين فى اقتناء BYD F3

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

رد: كلاكيت ثانى مره هام جدا جدا للمترددين فى اقتناء BYD F3

اقتباس:

المشاركة الأصلية كتبت بواسطة lonedoctor (المشاركة 341067)

دى حقيقة اخى الكريم
انا بافكر فى الجاك والانجلون من الان عندما ساشترى سيارة اخرى بصراحة ان شاء الله
لانه كان تصورى نزول الاوتوماتيك ب 70 او 72 الف لكن كده الوضع اختلف تماما
وانا اتمنى تكون سيارات المعرض دى المستوردة والتجميع سعره اقل من كده
اتمنى من الاستاذ عماد يوضح لنا الصورة اكتر
اتمنى تحياتى

الحمدلله انك فهمتني اخيرا اخي الكريم! انا سعيد جدا ان مستواك الفكري بالروعة دي!!!
هو ده اللي انا بقوله! لما سعيد بيبيع عربية ب 5 جنيه يبص يلاقي الناس بتطلبها و سوقها يمشي يقوم يطمع ان مكسبه في العربيه يبقى بدل ما هو 1 جنيه يقوم يخليها ب 6 علشان مكسبه يبقى 2 جنيه بدل1 معتمد على مبدأ انه وكيل السيارة ( محتكر السيارة )
و لما يلاقي لسه في طلب على العربيه يقوم يقول ايه دا انا طلعت غبي صحيح انا لو كنت اعرف من الاول كنت نزلتها ب 6 جنيه من الاول و كنت عملتلي مكسب محترم بدل ما عملت 3 مليون السينة اللي فاتت دي كان زماني عملت 6!!
يقوم مزود السعر تاني ( بدون اي سبب اللا الجشع) و يخليه 7 جنيه
دا اللي انا ارفضه جملة و تفصيلا حتى لو رسيت اني اشتري حصان ب 6 الاف جنيه و اروح بيه مشاويري ان شاء الله لو وصلت بعد ساعة بدل ربع ساعة!!
الحمدلله انا معايا و معايا عربية و كل واحد في الاسرة معاه عربية! بس المبدأ اني بزعل جدا لما الاقي الناس بتاكل في بعضيها!!! الدنيا كلها التجارة فيها سمعة و امانة و مصداقية اللا في مصر فهلوة و نصب و شطارة و قلة ادب!
انا كان معايا تمن الزيرو والله لما جيت اجيب عربيه تانية بس جبت مستعمل مخصوص لاني فعلا رفضت اني انفع اي حد من المستنفعين اصحاب التوكيلات

رد: كلاكيت ثانى مره هام جدا جدا للمترددين فى اقتناء BYD F3

اقتباس:

المشاركة الأصلية كتبت بواسطة mmffor (المشاركة 341273)

mmffor العزيز

لقد قلت كل ما اريد ان اقوله و اكثر و لعنة الله على التوكيلات و اللي عملها و الله يخرب بيوتهم زي ما خربوا مصر في كل شئ
و ليس في مجال السيارات فقط , مش عارف ليه البلد دي الروث فيها له سعر و كل حاجة فيها اغلى من قيمتها الحقيقية
لقد كنا في السبعينات نستخدم السيارات الاوربية (بيجو - فيات - مرسيدس - فولفو)
ثم بدا تخريب التجار فنزلنا الى الياباني في الثمانينات ثم الكوري في التسعينات و الان حتى الصيني يبتعد عنا شيئا فشيئا
متهيالي اني ممكن اخاف امشي على الرصيف بتاع توكيل البيجو مثلا لحسن التاجر يزود عليا مصاريف المشي بجوار توكيله
يا اخي ربنا يولع في كل التجار بسبب طمعهم و غلاء كل شئ على المصري المقهور و يا ريت يعرفوا كلمة حسبي الله و نعم الوكيل دي حتعمل فيهم ايه يوم الدين

رد: كلاكيت ثانى مره هام جدا جدا للمترددين فى اقتناء BYD F3

الطمع والجشع هى ثقافة متبادلة بين كل من الحكومة والشعب
ضرائب باهظة على السيارات اقلها 40 %من قيمة السيارة 1600 سى سى وتجار احتكروا توكيلات بطرق مشروعة وغير مشروعة وبدلا من الاستفادة من التسهيلات المقدمة لهم لتشجيع الصناعة المحلية وبيع المنتج بسعر معقول فى متناول الطبقة الوسطى جشع زائد وطمع لمزيد من الربح
وهناك اسباب كثيرة لذلك فنحن بعد كل هذا العمر مازلنا دولة نامية بدائية فى كل شئ نظاما وسلوكا افرادا وحكومات
ربنا يصلح حالنا
اللهم امين

رد: كلاكيت ثانى مره هام جدا جدا للمترددين فى اقتناء BYD F3

متفق ومتابع وعلي فكره المفروض نشجع حمله خليها تصدي وموديلها يعدي وانا عن ثقه لو كل اللي بيشتري صبر سنه واحده اكيد الاسعار هتنزل كتير...........

رد: كلاكيت ثانى مره هام جدا جدا للمترددين فى اقتناء BYD F3

اقتباس:

المشاركة الأصلية كتبت بواسطة nktis (المشاركة 341608)

اتمنى انه يتم تفعيل الحملة! يأتي في ذهني قصه حقيقية! في انجلترا كان سعر كيلو السمك ب 3 جنيهات و كان السعر ده ثابت من فتره و مرضي للتاجر و المستهلك! فمرة تجار السمك اجتمعوا ( زي التجار اللي عندنا) و قالوا متيجوا نرفع سعر السمك شوية و اهو نعملنا قرشين حلوين في وقت قصير! ( اااااه هما قالوا كده بالحرف الواحد! انا كنت معاهم و بقولهم عيب ميصحش) المهم تفوا في بق بعض و تاني يوم الناس تصحى من النوم تروح تشتري سمك لاقوه بقى ب 4 جنيهات!!!! ليه ؟ من غير ليه ! بدون اي سبب ظاهر للمستهلك! يا جماعه الدنيا ربيع و الجو بديع و الخير كتير و السمك كتير امال زودتوا السعر ليه مفيش اجابة! بدون اتفاق كل اللي بقى يروح يشتري سمك يلاقيه غلي ياخد بعضه و يمشي من غير ما يشتري (و يحلف بينه و بين نفسه طب والله ما انا شاري ! اشربوه الهي تشربوا البحر كله)
اول يوم بعد رفع الاسعار مبعوش حتى بشلن!!! الله الله ! ايه اللي بيجرى يا ولاد!!! ريس الحرامية (التجار ) ولا يهمكوا هوا اول يوم بس ! بكره حييجوا و رجليهم فوق رقابيهم و ساعتها نبيعلهم ب 5 جنيه كمان مش 4 بس و ان كان عاجبهم! تاني يوم لاقوا مفيش حد بيسأل حتى ولا معبرهم!!! تالت يوم !
رابع يوم! ولا قرش دخل جيوبهم الجشعة! ايييه يا زعيم ! العمل ايييييه! قالهم العمل عمل ربنا! (افتكروا ربنا ساعتها بس!!! ) امركوا لله نزلوا السعر, السعر رجع تاني 3 جنيه! مفيش حد برضه راضي ياكل سمك!!!! يا خبر اسود و مهبب!!!! عملوا دعاية و لفوا بميكروفونات! قرب يا عم قرب يا جدع السمك رخع للاسعار القديمة تاني علشان خاطر عيونكوا انتوا بس! علشان بنحبكوا و عارفين انكوا مننا و علينا مرضيناش نحرمكوا من السمك اللي بتحبوه! اليك يا عزيزي العميل لان مصلحتك من مصلحتنا و رضاك هو اكبر همنا لانك في ايدين امينة! السمك بتلاته جديدة لفترة محدوده و بأسعار زمان! هس هس مفيش ولا زبون و السمك ابتدت ريحته تفوح من كتر ما صدا! قصدي من كتر الركنه و ابتدى يعفن!!
المهم بعتوا واحد : قربي يا مدام قرب يا استاذ كيلو السمك ب 2 جنيه!!!! مفيش......
طب قرب والحق العرض! تصفيات الموسم السمك بجنيه (مفيش حد ريقه جري و راح جاااري يشتري و نسي ان اللي حيشتري منه ده و ينفعه كان لسه مديله على قفاه من كام يوم!!! ) السمك بنص جنيه برضه مفيش و بعد مرور شهر كان كل صيد السمك مرمي في البحر بعد ما باظ و التجار باعوا اللي وراهم و اللي قدامهم و اجتمعوا بعمدة المدينه اللي عمل اجتماع مع مجلس المدينة و باقصى قدر من الشفافيه رئيس التجار اعترف بغلطته و ابدى ندمه و اعطى تعهد ان سعر السمك عمره ما حيزيد عن 3 جنيه استيرليني و من ساعتها لحد يومنا هذا كل حاجة بتغلى اللا السمك في انجلترا لسه ب 3 جنيه!!

و توته توته خلصت الحدوته