مصر موتورز مجتمع السيارات - لو معايا 1000 جنية وعايز أعمل عدة صوت.... ينفع ؟؟

بص يا باشا
اولا انت محتاج عشان تسمع صوت نضيف يبقى عندك كاسيت نضيف
يعنى بايونيير من الاخر كده عشان تعرف تعلى و تعيش براحتك من غير خرفشه و لا وشوه ولا اى كلام نهائى

ثانيا بقى ايه الفرق بين البازوكا و الصب اللى فى بوكس
مبدئيا الاتنين بيبقى صب ووفر
الفرق بس فى شكل الصندوق بتاعهم
يعنى البازوكا بتبقى انبوبه او تيوب
و الصندوق باين من اسمه بيبقى صندوق
التيوب ليه شكل واحد و لازم يكون فيه فتحه
انما البوكس او الصندوق ليه اشكال كتير
و فيه منه اللى مقفول و فى منه اللى بفتحه و فيه منه اللى الصب اصلا بيبقى جوه الصندوق
و اشكال و حاجات كتير

فرق الصوت بقى
البازوكا مداها بعيد
يعنى تتسمع و تتحس من بعيد
طبعا جوه العربيه بيبقى تربنه :crazyW14:ههههههههه
كمان البازوكا حلوه اوى فى البييز بتاع الاغانى الراب
اللى هو البييز الرنان مش الدبات
الصب احلى فى الدبات
الصب بيتسمع من بعيد برضه بس مش بيتحس اوى زى البازوكا

وممكن تعمل صندوق يبقى صوتوا افجر من تيوب البازوكا
و ممكن الصندوق مايبقاش مظبوط و متحسش بقوة الصب

علشان كده اللى منتشر شويه هى البازوكا عشان كله بيحب يريح دماغه
غير ان كله عايز يعمل قلبان :crazyW14:
نيجى بقى لموضوعك لو على كلامك يبقى انت محتاج
1- جوز سماعات بايونيير 400 وات تايلاندى و باكد انها تكون تايلاندى مش صينى
و دى عامله 265 جنيه للسماعتين
2- لو عايز بازوكا هاتبقى JBL 1000 وات
و دى عامله 620-600 جنيه
لو عايز صب ووفر
يبقى الصب البايونيير ال 1400 وات
و ده عامل 385 جنيه
غير تمن الصندوق من 100 الى 150 جنيه

3- الجى ام عاشن يقوم الكلام ده
طبعا فى موضوعك انت مش عايز مصاريف
يبقى مفيش قدامك غير السيمفونى ال 640 وات
4 تشانل و باكد انه يبقى تشانل عشان تعرف توصل البازوكا او الصب مع السماعات
و ده عامل 550 جنيه

و لو هتجيب الجى ام ده يبقى خليك فى البازوكا لان الجى ام ده هايقوم البازوكا احسن من الصب
عشان الباور بتاع البازوكا اقل من الصب البايونيير
ف عشان تبقى مستفاد من الجى ام تمام و البازوكا برضه تمام
و مايبقاش صرف فلوس على الفاضى

طيب كده العمليه فتحت بقها و عدت ال 1000 جنيه و ممكن كمان ال 2000 لو هاتغير كاسيت العربيه ( و ده الاحسن )

يبقى ممكن تعمل ايه
( لو مش هاتغير الكاسيت )
تجيب الجى ام و السماعتين ( و كده يبقى 265+550=815)
و الباقى يبقى وصلات كهربا و RCA
و ممكن تعملك رف خشب ورا عشان السماعات متزنش فى الصاج
و بعد كده البازوكا او الصب

طيب لو هاتغير الكاسيت
يبقى هات الكاسيت و طقم السماعات
قول 650 +265 =915
طبع الكاسيت كل ما كان فيه اوبشن اكتر كل ما هايكون اغلى من ال650 جنيه
فه واحد برضه كويس اوى ب 900 وده يظبطك جامد فى موضوع البازوكا و الصب
عشان فيه تحكم صبو اوبشنز حلوه
و برضه ممكن تعمل الرف الخشب
و بعد كده الجى ام و البازوكا
او الجى ام و توصله على السماعات
و شويه و تبقى تجب البازوكا

طولت عليك كتير انا عارف
بس حبيت افيدك لانك زى حالاتى بتحتب البييز الجامد :crazyW14: