رد: صيانة اكسيل مانيوال 1500 cc
 

استاز وليد مبروك عليك العربية وربنا يديك خيرها و يكفيك شرها
انا مع كلام البشمهندس سمير متستعجلش اصبر الزيت الناقص مش شرط يكون الموتور بيكلو حضرتك وضحت ان فى تسريب ممكن يكون جيوان الكرتيرة ولو عاوز تعرف وانتة بتركن العربية حاول تركنها فى حتة نضيفة وشوف الصبح فى اثر للزيت على الارض ولا لا
موضوع بلية الدبرياج دى بتبان والعربية دايرة بس مش معشقة ممورة يعنى لو دوست دبرياج الصوت يروح ولو شيلت رجلك يظهر تانى والعربية واقفة وممورة دى كدة بلية دبرياج انما على طول وانتة ماشى متبقاش بلية خلص ممكن يكون الزيت الفتيس خفيف ومحتاج زيت اتقل منة
خد العربية وروح مغسلة كويسة وخلى الراجل يغسل الموتور كويس بلجاز وميخليش اثر لزيت خالص وبعدين اعمل مشوار يكون طويل شوية وبقى بص على الموتور لو فى تسريب هايبان مكانو
ومبروك مرة تانية ومتنساش الصور :14369D~149:

رد: صيانة اكسيل مانيوال 1500 cc
 

الله يبارك فى حضرتك
طيب الدخان اللى طالع من ناحية سير الكاتينه و من الخرطوم اللى رايح للعمه والزيت اللى جوه العمه ده سببه ايه يا ترى
وكمان فى صوت ونة بسمعها وانا سايق اعتقد انها من المكنه او الفتيس لست ادرى ؟
وباذن الله هعمل اللى قولتولى عليه
1- هغير زيت الفتيس الى زيت اتقل
2- هغسل الماتور فى المشحمه واعمل مشوار طويل وارد عليكم باذن الله تعالى
وربنا ييسر الاحوال

رد: صيانة اكسيل مانيوال 1500 cc
 

حضرتك الدخان دة نتيجة ان فى زيت على الموتور من الخارج وبيتحرق من سخونية الموتور
اغسل الموتور وانشاء الله خير

رد: صيانة اكسيل مانيوال 1500 cc
 

ياااااااااااااااارب
وربنا يعزك ويكرمك

رد: صيانة اكسيل مانيوال 1500 cc
 

روحت لميكانيكي آخر
ولقينا فعلا الدخانه طالعه من الخرطوم اللى رايح للعمه وكان مقطوع
وآثار الزيت الموجوده ع الماتور طالعه من المكنه نفسها من قطع الخرطوم اللى رايح للعمه
وفي دخنه زرقا طالعه من الشكمان وفيها زيت
علما بانى قست الزيت الصبح قبل ما ادور وهى بارده وكان مظبوط واعلى من العلامتين
وروحت عملت مشوار ورجعت قيست الزيت لقيته زى ما هو
ياترى فى احتمالات تكون عمره كامله ولا ممكن شمبر بس وربنا يستر
ولو عمره كامله هل هنا يكون شراء ماتور جديد افضل
نرجو الافاده ولكم جزيل الشكر