رد: أه فى الريموت
 

فعلا العربية عندى لما بقفل المسوجر بتاع أى باب من الاربعة الأبواب كلها بتقفل المسوجر مع بعض وفى نفس اللحظة. ولما بفتح المسوجر بتاع أى باب من الأربعة كل الأبواب بتفتح مع بعضها. كدة يبقى عندى سنتر لوك. مرة حتى كنت سايق على سرعة 70 كيلوا لقيت الأبواب الأربعة سوجرت لوحدها فلما سالت قالوا دة معامل أمان موجود فى العربية علشان محدش يفتح الابواب على السرعة العالية دى وبيتحكم فيه الكمبيوتر بتاع العربية. أنا عاوز اسأل سؤال.

هو المفروض الريموت يبرسل الإشارة بتعته لاى جزء من العربية. بمعنى أخر ما هو
الجهاز اللى بيستقبل الإشارة من الريموت علشان يسوجر الأبواب الأربعة... فى حاجة مفقودة بين الإشارة والجهاز اللى بيلقط الإشارة علشان كدة العربية مش بتنفذ الأمر.

سمعت مرة عن حاجة إسمها برمجة الريموت أو برمجة العربية لو فقدت التعريف هل هذا ممكن يكون له علاقة بالمشكلة بتاعتى؟؟؟؟؟؟

شكرا مرة تانية لكل اللى يساهم فى الحل...

رد: أه فى الريموت
 

وارد يكون عندك جهاز حمايه ضد السرقات وبيعلق

المفروض تعرض العربيه على متخصص لمحاولة معرفة سبب عدم عمله الكهربى

لأنه بيكون على علاقه بكمبيوتر محرك السياره

أو تلغى جهاز الحمايه ضد السرقات فى حالة عدم التمكن من تصليحه

( لأنه غالى ) وتركبلك جهاز أنذار جديد عادى

يؤدى دور حمايه ضد السرقات

وفى نفس الوقت تحكم فى السنتر لوك (عن بعد )

رد: أه فى الريموت
 

بص ياباشا انت مشكلة الريموت دى انا مش برجحها لان حضرتك قولت مفيش جهاز انزار عندك ولا سماعة جهاز الانذار تحت الكبوت ولا جهاز الحساس للاى هو بتتحكم فية حس العربية بالمس عند السرقة ولا موجود عندك لمبة الانزار الاى هى بتنور فى حالة الانزار لو حضرتك عايز تتاكد من موضوع برمجة جهاز الانزار فعلا موجود ولو دى المشكلة وموجود عندك جهاز الانذار يبقى هايل هتروح محل قطع غيار وسنتر وهتقولو انا عايز مفتاح التعريف لجهاز الانزار وطبعا هو بيبرمجو للجهازك وبيشتغل على طول عادى وبيكونو مفتاحين مع بعض اما لو مفيس انذار بص ياسيدى هتعمل اول حاجة انت كدة عندك سنتر لوك ماشى تروح لكهربائى كويس وتجيب جهاز انذار وتجيب وحدتين رفع علشان وحضرتك خرجت من العربية ونسيت الازجاج مفتوح تقفل السنتر من الريموت يقفل معاك الانذار والابواب ويرفع الازجاج والاسعر مش غالية فى الموضوع دة انا لسة مركبوة قريب وبصراحة انا كان عندى مشكلة ممكن انسى الازجاج مفتوح وانا ماشى ابص الاقية مفتوح ارجع تانى افتح الكونتاكت واقفل الازجاج وحدة الرفع كنت جايبها كورى كويسة 45 يعنى الاثنين 90 ومثلا الانزار هتجيب نوع كويس وربنا معاك

رد: أه فى الريموت
 

الحقيقة أنا مش عاوز أركب جهاز إنذار أنا كل اللى عاوزة أشغل السنتر لوك اللى مفروض موجود فى كل عربية حديثة. أنا نفسى أفهم عمل السنتر لوك دة؟ بمعنى لما أتكى على الزرار فى الريموت مفروض الإشارة دى توصل لاى منطقة بالعربية وبعد ما توصل الأشارة أة اللى يحصل؟

أنا حاسس أن الحاجة الغلط فى الموضوع هو أن العربية مش فاهمة إشارة الريموت. لماذا لا تفهم السيارة الإشارة ؟ عاوز توضيح لفكرة السنتر لوك وكيفية عمله ومن هنا أقدر أحدد الخطأ فين

رد: أه فى الريموت
 

يا باشا السنتر دة عبارة عن لوحة عمل غلق الابواب بمعنى انك لما تغلق المسوجر من باب السائق يقفل باقى الابواب وهو دة السنتر لوك ولو هيشتغل من الريموت يعمل كالاتى تقفل السنتر يقفل جميع الابواب يعنى يسوجر جميع الابواب تفتح من الريموت السنتر تفتح جميع الابواب وهو دة السنتر لوك والمسمى العلمى للسنتر لوك هو مركز الغلق ويارب اكون افتدتك وربنا معاك