مصر موتورز مجتمع السيارات - طريقة عمل ليدات تنور مع صوت الكاسيت

مصر موتورز مجتمع السيارات (https://www.masrmotors.com/vb/index.php)

- أطقم الصوت والمالتى ميديا (https://www.masrmotors.com/vb/forumdisplay.php?f=125)

- - طريقة عمل ليدات تنور مع صوت الكاسيت (https://www.masrmotors.com/vb/showthread.php?t=44870)

رد: طريقة عمل ليدات تنور مع صوت الكاسيت

طيب هوا لازم تركبها عند حد متخصص ولا للى مش فاهم يعملها بايدوه ؟
وهل لو جبت من سوق التوفيقية ليدات اعملها كتاوت علشان الفولت ولا مش لازم ؟
فكرة حلوة وعجبانى اوى وعايز اعملها بس يار يت تقولنا التكلفة كام وشكرا ليك

رد: طريقة عمل ليدات تنور مع صوت الكاسيت

اقتباس:

المشاركة الأصلية كتبت بواسطة Injection (المشاركة 332864)

أنا شفت الموضوع الأول هناااااااااااااااااك, فى الصفحة الأولانية تحت صورة مصر موتورز:)

لأ بجد, أحيى حضرتك على المشروع, بسيط وتنفيذه سهل.

وفى حاجة جت فى دماغى أول ماشفت الموضوع, مش ممكن يتعمل بكارت ليدات من بتاع الصالون اللى بيتباع جاهز, بس متهيألى صعب علشان الأختلاف فى الفولت.
الله يكرم حضرتك .. ايوة طبعا ممكن يتعمل بكارت ليدات ..
اي كاردت بيكون فية المقاومة نازلة جاهزة فيها علشان متتحرقش من الفولت العالى والغير منتظم.

ممكن من مول النخيلى للألكترونيات اللى فى باب اللوق, أو أى محل الكترونيات محترم زى راديو شاك هتلاقيه بيبيع ليدات نضيفة وبأضواء مختلفة.

تمام كدة الله ينور عليك

رد: طريقة عمل ليدات تنور مع صوت الكاسيت

اقتباس:

المشاركة الأصلية كتبت بواسطة snoop (المشاركة 340762)

لا حضرتك مش محتاجة حد متخصص .. حضرتك تقدر تعملها بأيدك
وبنفسك وتجربها على اي راديو عندك .. بالنسبة لليدات هتلاقيها اما فى محل الكترونيات .. او تشتري كارت ليدات من عند اي محل كهرباء سيارات او كماليات .. بالنسبة للتكلفة هى مكلفـتنيش حاجة
لان العلبة كانت عندى والليدات عندى فحبيت استخدمها بدل مهى مركونة .. لكن عموما لو حسبناها
هنقول مش هتعمل 3 ج الليدات .. اهم حاجة طريقة توصيلك ليها تكون محترفة .. بمعنى انك متخليهاش
الطرفين يلمسو ف بعض من جوة .. تعزلها بأي حاجة .. ولو حد متخصص الكترونيات ممكن يجيب بوردة ويوصل عليها الليدات بنفسة .. الغير متخصص سهلة بالنسبة لة ايضاَ للاتي :
1 - يشتري الليدات وتوصلها بأسلاك معزولة بس .. تكلفتها بالكتير 3 ج .. لثلاث ليدات او اكثر حسب البائع
2 - يشتري اي علبة ديكور فى محلات " اي حاجة بتنين ونص " دورعلى حاجة تنفع وشكلها كويس وفيها ليدات تكون بتشتغل ببطاريات .. وصل انت مكان البطاريات بس .. تكلفتها ف حدود 5 - 10 ج
3 - تشتري من محل كماليات سيارات اي كارت ليدات .. تكلفتة ف حدود 10 ج

رد: طريقة عمل ليدات تنور مع صوت الكاسيت

اقتباس:

المشاركة الأصلية كتبت بواسطة NicEgypt (المشاركة 341579)

الف شكر على الشرح الوافى وجارى التجربة جزاك الله خير

رد: طريقة عمل ليدات تنور مع صوت الكاسيت

اقتباس:

المشاركة الأصلية كتبت بواسطة snoop (المشاركة 341635)

الف شكر على الشرح الوافى وجارى التجربة جزاك الله خير

الله يكرمك .. وان شاء الله موجود لاي استفسار