مصر موتورز مجتمع السيارات - هل كمبيوتر البنزين في الداستر و اللوجان بايظ

اقتباس:

المشاركة الأصلية كتبت بواسطة pointer (المشاركة 300937)

كان فيه ناس اشتكت بره و واحد في التوكيل كان بيقول نفس الكلام اللي اتقال علي اللوجان
الكمبيوتر كاتب الاستهلاك 12 الحقوني
الكمبيوتر عمال يطلع وينزل الاستهلاك
اول ما بحط بنزين بلاقي العداد مصفر
هو مش المفروض انه يستهلك 7 لتر بس ازاي انا عندي 12
عربيتي بايظه و الكلام ده كله

عموما ديه كام نصيحه من العبد الفقير الي الله يمكن يكون حد ميعرقهاش وحصري لمصر موتورز بعني بلاش المنقول والحجات دي اه

فيه حجات بتزود الاستهلاك انت ما تتخيلهاش اساسا زي ايه
مثلا اتجاه الهواء لو عكس اتجاه السياره وماتستهونش بيه ابدا ده لوحده نصيبه

مثلا العجل النايم ممكن يزود استهلاك البنزين 15 %

لو شباك مفتوح وانت علي 100 كم س يزود 4%

السرعه اذا زادت عن 90 بتزود الاستهلاك بدرجه كبيره جدا جدا

الأوزان الزياده كلما زاد الوزن زاد استهلاك البنزبن أكثر عشان يعوض الوزن الزياده حاول تخفف الاوازن اللى ملهاش لازمة .

وحجات تانيه عديه زي الزحمه لان تحريك السياره الثابته بياخد طاقه كبيره اوي وبعد ما بتتحرك بتقل الطاقه دي زي ما تيجي تزوق عربيه كدا

التسارع و الفرمله بسرعه وده برضو لنفس السبب السابق

لو يتسوق في طريق صاعد بيستهلك بنزين اكتر
استخدام بنزين غير مطابق للمواصفات او لنوع السياره

عدم الصيانه للسياره و البوجيهات بشكل خاص في الانجكشن

بالمناسبه في حجات لاقتها تضحك في المنتديات التانيه زي
اركن في مكان مرتفع علي شان تتزحلق وانت خارج طب ما انت هتدفعهم وانت طالع هههه

دي حبه حجات و لو افتكرت حجات تانيه هاحطها
نرجع لموضوعنا الاساسي الكمبيوتر زي الفل بس لو شديت او زوت الار بي ام الاستهلاك هيزيد
لو انت لسه مصفر هتلاقي العمليه بتتغير بسرعه لان الكميه المستهلكه لسه قليله فبيبان الشد وكدا فيها
لو الطريق زحمه هيزيد لو اتفتح هيقل
لو طالع مطلع هيزيد ولو نازل هتقل كدا يعني هتلاقي فيه ديما سبب للزياده محمل حاجه او معاك حد او حتي مفول
تخيل ان تست الاستهلاك ده السواق بيبقي وزنه 75 كج و تلات ارباع التنك بس هو اللي مليان

الاهم من ده كله كل اللي يستفاد من الموضوع ده يدعي لي واللي يجرب وتوفر معاه يدعي لي مرتين اه

موضوع مفيد
جزاك الله خيرا