رد: ايه الي كان نفسك تلاقيه في اللوجان و ملقتهوش؟
 

فعلا معاك حق
الباركنج سنسور مهم مع العربية دي بالذات
و الكونسول و التابلوة عموما تصميمهم مش جذاب خالص

رد: ايه الي كان نفسك تلاقيه في اللوجان و ملقتهوش؟
 

رد: ايه الي كان نفسك تلاقيه في اللوجان و ملقتهوش؟
 

الكلاكس بتاعها يكون فى طارة الدريكسيون زي باقى العربيات المحترمة وطبعا زراير الزجاج يكون فى ابواب العربية - هي حاجات بسيطة لكن تنرفز ازاي سيارة حديثة وبالجمال ده ويكون فيها الغلاسة ديه من جوة العربية نفسي اعرف ايه الحكمة من كده ، ANAA7TG

رد: ايه الي كان نفسك تلاقيه في اللوجان و ملقتهوش؟
 

زراير الزجاج يكون فى الابواب
الكلاكس فى طارة الدريكسيون
abs - ebd
فتح تانك البنزين من الداخل
قفل الزجاج والابواب عند اغلاق السيارة اتوماتيك
كل اللى فات حاجات بسيطة والغريب ان السيارة تنزل اوروبا بالمواصفات السابقة وتنزل عندنا فى مصر بدون تلك المواصفات رغم ان تكلفتها مش عالية هل يعتبر استهانة بالمستهلك المصرى أو ان الوكيل لا يحترم المستهلك المصرى علشان كده بيجيب اي حاجة وخلاص

رد: ايه الي كان نفسك تلاقيه في اللوجان و ملقتهوش؟
 

انا طبعا مش من ملاك العربية .


لكن كنت اتمنى انها تكون مزودة بكام حاجة كده ..

اول حاجة يكون موتورها 16 صباب .. على الاقل فى الفول اوبشنز بس ..

الكلاكس يكون فى الدريكسيون بدل ما هو فى دراع الاشارات كده ..

والازاز اللى ورا يكون له زراير للسواق زى بقيت العربيات حتى لو مش فى الباب ..

تكون متوفرة بفتيس اتوماتيك علشان الناس اللى بتفضل الاتوماتيك عن المانيوال تقدر تشتريها برضو ..

تكون متوفرة بجنوط اسبور وفتحة سقف ..

الكاسيت يكون احدث شوية و يكون mp3


واعتقد ان كل الاضافات دى مش هتزود من تمنها 1000 جنية على بعض .. باستثناء الجنوط ..


ويا سلام لو يعملو موديل زى الفل اوبشنز الحالى بس مزود بجنوط اسبور وفتحة سقف يبقى ميه ميه ويزيد 3 او 4 الاف ..

بالنسبة لموضوع فتح الشنطة والتنك من الداخل هو فعلا كان يفضل يكون فيها لكن معظم العربيات الاوروبية الشنطة والتانك بيتفتحوا من بره كده ..


وشكرا يا باشا على الموضوع ...